ⴰⵔⵣⴰⴼ ⵏ ⵎⴰⵙⵙⴰ ⵜⵉⵏⴷⴰⵢⵉ ⴰⵛⵢⵓⵎⵉ ⵉ ⵓⵙⵉⵏⴰⴳ

ⵜⴳⴰ ⵎⴰⵙⵙⴰ ⵜⵉⵏⴷⴰⵢⵉ ⴰⵛⵢⵓⵎ, ⵉⴳⴰⵏ ⵜⴰⵏⵇⵇⵉⵙⵜ ⵉⵙⵜⵉⵏ ⵅⴼ ⵜⵡⵉⵍⴰ ⵜⴰⵜⵔⴰⵔⵉⵏ ⵏ ⵜⵙⵙⴰⵥⵓⵕⵜ ⴷ ⵓⵙⵏⵓⵃⵢⵓ ⴰⵥⵓⵕⴰⵏ ⴷ ⴳⴰⵔ ⴰⵎⵙⵓⵔⵓⴼ, ⵢⴰⵏ ⵓⵔⵣⴰⴼ ⵉ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴰⵙⵙ ⵏ 20 ⴷⵓⵊⴰⵏⴱⵉⵔ 2018.ⴰⵔⵣⴰⴼ ⴰⴷ ⵉⴽⵛⵎ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⵉⵣⴷⵉⵏ ⵏⴳⵔ ⵏ ⵍⵎⵖⵔⵉⴱ ⴷ ⵓⵏⴳⵔⴰⵡ ⵏ ⵉⵣⵔⴼⴰⵏ ⵏ ⵓⵎⴷⴰⵏ ⵏ ⵜⵎⵓⵔⴰ ⵉⵎⵓⵏⵏ, ⵙ ⵓⵙⵜⵜⵉ, ⵜⵉⵎⵎⴰⴽⵉⵏ ⵉⵙⵜⵉⵏ ⵏ ⵓⵙⵇⵇⵉⵎ ⵏ ⵉⵣⵔⴼⴰⵏ ⵏ ⵓⴼⴳⴰⵏ.

ⴳ ⵓⵣⵎⵣⵣⵓ ⴰⴷ, ⵉⴼⴽⴰ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵎⴰⵙⵙ ⵃⵎⴰⴷ ⴱⵓⴽⵓⵙ, ⵢⴰⵏ ⵓⵙⵎⵏⵉⴷ ⵉⵟⵟⴼⵏ ⵙ ⴰⵣⵎⵣⵣⵓ ⵏ ⵓⵙⵉⵏⴰⴳ ⴷ ⵜⵡⵓⵔⵉⵡⵉⵏ ⵏⵏⵙ ⴷ ⵜⵢⴰⴼⵓⵜⵉⵏ ⵏⵏⵙ. ⴷⴼⴼⵉⵔ ⴰⵙ, ⵢⵓⵎⵣ ⵓⵏⴼⵍⵓⵙ ⴰⵎⴰⵜⴰⵢ ⵏ ⵓⵙⵉⵏⴰⴳ ⴰⵡⴰⵍ, ⵏⵜⵜⴰ ⴷ ⵉⴳⵎⴰⵎⵏ ⵏ ⵜⵙⵇⵇⵉⵎⵜ ⵜⴰⵎⴰⵙⵙⴰⵏⵜ, ⴷ ⵎⴰⵙⵙⴰ ⵜⴰⵏⵅⴼⴰⵏⵜ ⵏ ⵜⵣⵓⵏⵉ ⵏ ⵓⵎⵢⴰⵡⴰⴹ, ⴷ ⴽⵔⴰ ⵏ ⵉⵎⵔⵣⴰ, ⴼⴽⵉⵏ ⵜⵉⵏⴰⵡⵉⵏ ⵉⴳⵣⵣⵓⵍⵏ ⵅⴼ ⵜⵓⴳⴳⴰ ⵏ ⵓⵙⵉⵏⴰⴳ ⴳ ⵎⵏⵏⴰⵡ ⵏ ⵉⴳⵔⴰⵔ ⵏ ⵜⵡⵓⵔⵉ ⵜⴰⵙⵜⵕⴰⵜⵉⵊⵉⵜ ⴳ ⵉⵍⵍⴰ:

-    ⴰⵔⵣⵣⵓ ⵙ ⵜⵉⴳⴰⵡⵜ ⵅⴼ ⵜⵓⵜⵍⴰⵢⵜ ⴷ ⵜⵎⴰⵙⵙⴰⵏⵉⵏ ⵜⵉⵏⴼⴳⴰⵏⵉⵏ ⴷ ⵜⵏⴰⵎⵓⵜⵉⵏ ;

-    ⴰⵙⴳⵎⵉ ⴷ ⵓⵙⵎⵓⵜⵜⴳ ;

-    ⵜⵉⵜⵉⴽⵏⵓⵍⵓⵊⵉⵜⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⵏⵖⵎⵙ ;

-    ⵜⵉⵡⵏⵏⵉⵜⵉⵏ ⵜⵉⴷⵍⵙⴰⵏⵉⵏ;

-    ⴰⵕⵥⵥⵓⵎ ⵅⴼ ⵓⵡⵏⴰⴹ ⴳ ⵉⴳⵔ ⵏ ⵜⵎⴷⵔⴰⵡⵜ (ⴰⵏⴰⵎⵓⵔ ⴷ ⵓⴳⵔⴰⵖⵍⴰⵏ) ⴷ ⵓⵎⵢⴰⵡⴰⵙ ⵜⵎⵙⵎⵓⵏⵉⵏ ⴷ ⵓⵙⵏⵎⴰⵍⴰ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ;

-    ⴰⵙⴽⵛⵎ ⵏ ⵜⵓⵜⵍⴰⵢⵜ ⴷ ⵜⵉⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵜⵏⵖⵎⴰⵙⵜ,

-    ⵜⴰⵥⵕⵉⴳⵜ.

ⴽⵓ ⵜⵉⵏⴰⵡⵜ ⵟⴼⴰⵕⵏ ⵜⵜ ⵉⵙⵖⵍⵉⴼⵏ ⵏ ⵓⵙⵉⵏⴰⴳ.

ⴰⵔⵣⴰⴼ ⴰⴷ, ⵉⵏⵏⵓⵍⴰⵏ ⴰⵕⵥⵥⵓⵎ ⵏ ⵜⵡⵓⵔⵉⵡⵉⵏ ⵏ ⵡⵓⵙⵙⴰⵏ ⵏ ⵜⵖⵓⵔⵉ ⵅⴼ ⵓⵙⵏⴼⵍⵓⵍ ⴰⵡⵜⵎⴰⵏ ⵉⵙⵏⵎⴰⵍⴰ ⵡⴰⵎⵎⴰⵙ ⵏ ⵜⵖⵓⵔⵉⵡⵉⵏ ⵜⵉⵙⵏⴼⴳⴰⵏⵉⵏ ⴷ  ⵜⵉⵙⵏⴰⵎⵓⵏⵉⵏ ⵏ ⵓⵙⵉⵏⴰⴳ, ⵉⴼⵓⴽⴽⴰ ⵙ ⵓⵎⵏⴰⴳⴳⴰⵔ ⵏⴳⵔ ⵎⴰⵙⵙⴰ ⵜⴰⵏⵇⵇⵉⵙⵜ ⵉⵙⵜⵉⵏ ⴷ ⵎⴰⵙⵙ ⴼⴰⵜⵉⵃⴰ ⵛⵛⵉⵅ ⴷ ⵎⴰⵙⵙⴰ ⵃⴰⴱⵉⴱⴰ ⵍⵃⵓ ⴷ ⵔⵇⵉⵢⵢⴰ ⵜⴰⵍⴱⵏⵙⵉⵔⵜ, ⵍⵍⵉ ⵉⵙⵙⵎⵖⵔ ⵓⵙⵉⵏⴰⴳ ⵅⴼ ⵓⵙⵏⴼⵍⵓⵍ ⵏⵏⵙⵏⵜ ⴷ ⵜⴷⵔⴰⵡⵜ ⵏⵏⵙⵏ ⴳ ⵓⵙⴱⵓⵖⵍⵓ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵉⴳⵔⴰⵏ ⵏ ⵓⵙⵏⴼⵍⵓⵍ ⵏ ⵜⵎⵍⵙⴰ ⵜⵉⵇⴱⵓⵔⵉⵏ ⵜⵉⵎⴰⵣⵉⵖⵉⵏ ⵏ ⵉⵥⵥⵍⵎⴹ ⴷ ⵓⵥⵟⵟⴰ ⵏ ⵡⴰⵎⵎⴰⵙ ⴷ ⵉⵣⵍⵉ ⴰⵎⴰⵣⵉⵖ ⵏ ⵉⴼⴼⵓⵙ.