ⴰⵙⵉⵡⴹ ⴰⵏⵖⵎⴰⵙ: ⴰⵙⵉⴷⴼ ⵏ ⵜⵎⴰⵣⵉⵖⵜ ⴳ ⵉⴳⵔ ⴰⴳⴷⵓⴷⴰⵏ ⴰⵏⵎⵓⵇⵇⴰⵔ ⵏⴳⵔ ⵏ ⵓⵏⴱⴷⴰⴷ ⵏ ⵓⵙⵉⵏⴰⴳ ⴷ ⵓⵎⴰⵡⵙⴰⵙ ⵏ ⵓⵙⵎⵓⵜⵜⵉ ⵏ ⵜⵎⵙⵙⵓⴳⵓⵔⵜ ⴷ ⵜⵙⵖⵏⵜ ⵜⴰⴳⴷⵓⴷⴰⵏⵜ
ⴳ ⵢⵉⴳⵔ ⵏ ⵓⵕⵥⵥⵓⵎ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⵎⴰⵣⵉⵖⵜ ⵅⴼ ⵓⵡⵏⴰⴹ ⵏⵏⵙ, ⵙ ⵓⵙⵜⵜⵉ ⵉⴳⵔ ⵏ ⵓⵎⵢⴰⵡⴰⵙ ⴷ ⵜⵎⵔⵙⴰⵍ ⵜⵉⴳⴷⵓⴷⴰⵜⵉⵏ, ⵉⵜⵜⵓⴳⴰ ⵢⴰⵏ ⵓⵏⵎⵓⵇⵇⴰⵔ ⵏⴳⵔ ⵏ ⵎⴰⵙⵙ ⵎⵓⵃⵎⵎⴷ ⴱⵏ ⵄⴱⴷⵍⵇⴰⴷⵔ, ⴰⵎⴰⵡⵙⴰⵙ ⵏ ⵓⵙⵎⵓⵜⵜⵉ ⵏ ⵜⵎⵙⵙⵓⴳⵓⵔⵜ ⴷ ⵜⵙⵖⵏⵜ ⵜⴰⴳⴷⵓⴷⴰⵏⵜ ⴷ ⵎⴰⵙⵙ ⵃⵎⴰⴷ ⴱⵓⴽⵓⵙ, ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴳ ⵓⵙⵖⵉⵎ ⵏ ⵜⵎⴰⵡⵙⴰⵙⵜ. ⴰⵎⵓⵏ ⴳ ⵓⵏⵎⵓⵇⵇⴰⵔ ⴰⴷ ⴽⵔⴰ ⵏ ⵉⵎⵙⵜⴳⴳⴰⵔⵏ ⵏ ⵜⵎⵔⵙⴰⵍ ⴰⴷ. ⴰⵏⵎⵓⵇⵇⴰⵔ ⵉⵜⵜⵓⴳⴰ ⵃⵎⴰ ⴰⴷ ⵢⵉⵍⵉ ⵓⵙⵡⵉⵏⴳⵎ ⵅⴼ ⵡⵓⴷⵎⴰⵡⵏ ⴷ ⵉⵎⴰⵙⵙⵏ ⵏ ⵓⵎⵢⴰⵡⴰⵙ ⴷ ⵓⵎⵢⴰⵇⵇⴰⵏ ⵏⴳⵔ ⵏ ⵜⵎⵔⵙⴰⵍ ⵙ ⵙⵏⴰⵜ, ⵉⵎⵓⵏ ⴰⵡⴷ ⴷ ⵜⵓⵎⴰⵢⵜ ⵏ ⵜⵎⵏⴹⴰⵡⵜ ⵏ ⵜⴳⵍⴷⵉⵜ, ⵉⵥⵍⵉⵏ ⵙ ⵓⵙⴰⴷⴼ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵉⴳⵔ ⴰⴳⴷⵓⴷⴰⵏ ⴷ ⵜⵎⵙⵙⵓⴳⵓⵔⵉⵏ ⴷ ⵜⵎⵔⵙⴰⵍ ⵓⵍⴰ ⵜⵉⵣⵓⵏⵉⵡⵉⵏ ⵉⵟⵟⴼⵏ ⵙ ⵜⵙⵖⵏⵜ ⵜⴰⴳⴷⵓⴷⴰⵏⵜ ⵢⵉⴽⴽⵉⵏ ⵜⵉⵏⴰⴼⵓⵜⵉⵏ ⵉ ⵎⵉⴷⴷⵏ.
ⴳ ⵜⴳⵓⵔⵉ ⵏⵏⵙ, ⵉⵙⴰⵡⵍ ⵓⵎⴰⵡⵙⴰⵙ ⵉⵏⵏⴰ ⵉⴷ ⵜⴰⵎⴰⵡⵙⴰⵙⵜ ⵏⵏⵙ ⵜⵔⴰ ⵜⵙⴽⵔ ⴰⴽⵯ ⵜⵉⵎⴳⴳⵉⵜⵉⵏ ⵃⵎⴰ ⴰⴷ ⵢⵉⵍⵉ ⵓⵎⵓⵔⵙ ⵏ ⵢⵉⴳⵔ ⵏ ⵓⵙⵎⵔⵙ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵉⴷⵉⵙ ⵏ ⵜⴰⵄⵕⴰⴱⵜ ⴳ ⵜⵓⵚⴽⵉⵡⵉⵏ ⴷ ⵜⵏⴰⴼⵓⵜⵉⵏ ⵏ ⵜⵎⴰⵡⴰⵙⵜ, ⵙ ⵓⵙⵜⵜⵉ ⵉⴳⵔⴰⵏ ⵉⵣⵔⴱⵏ ⵏⵏⴰ ⴳ ⵉⵍⵍⴰ ⵓⵎⵢⴰⵡⴰⴹ ⵓⵙⵔⵉⴷ ⴷ ⵎⵉⴷⴷⵏ, ⴷ ⵜⵓⴽⴽⵉ ⵏ ⵉⵏⵖⵎⵉⵙⵏ ⵉⵏⵏⴰⵏ ⴰⴷ ⵉⵍⵉⵏ ⴳ ⵉⵎⴰⵙⵙⵏ ⵏ ⵓⴼⵔⴽⵓⴽ ⴷ ⵉⵎⵓⵟⵟⵓⵏⵏ ⴷ ⵡⵉⵏ ⵓⵙⵍⵉⵥⵕⵉ. ⴳ ⵓⵙⴰⵜⵉ ⴰⴷ, ⵉⴱⴷⵔ ⵓⵎⴰⵡⵙⴰⵙ ⵜⵉⵙⵎⵉⴳⵍⵉⵏ ⵏ ⵜⵎⴰⵡⵙⴰⵙⵜ ⵏⵏⴰ ⴳ ⵜⵍⵍⴰ ⵜⵏⵜⵜⴰⵎⵜ ⵏ ⵢⵉⴳⵔ ⴰⴳⴷⵓⴷⴰⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵓⵙⵎⵓⵜⵜⴳ ⵏ ⵉⵙⵓⴳⵉⵎ ⵉⵏⴼⴳⴰⵏⵏ ⵉⵙⴰⵡⴰⵍⵏ ⵙ ⵜⵎⴰⵣⵉⵖⵜ ⴷ ⵓⵙⵎⵓⵜⵜⴳ ⴰⵙⵓⵍⴰⵏ ⵏ ⵉⵙⴰⵜⵉⵜⵏ ⵏ ⵜⵎⴰⵡⵙⴰⵙⵜ ⴳ ⵉⴳⵔⴰⵏ ⵉⵟⵟⴼⵏ ⵙ ⵜⵏⴰⴼⵓⵜⵉⵏ ⵉⵙⴰⵡⴰⵍⵏ ⵙ ⵜⵎⴰⵣⵉⵖⵜ ⴷ ⵓⵎⵢⴰⵡⴰⴹ ⵓⵙⵔⵉⴷ ⴷ ⵎⵉⴷⴷⵏ. ⵉⵙⴱⵓⵔⵣ ⴷⵉⵖ ⵓⵎⴰⵡⵙⴰⵙ ⵜⵉⵏⴰⴼⵓⵜⵉⵏ ⵉⴳⴰ ⵓⵙⵉⵏⴰⴳ ⴰⴳⵍⴷⴰⵏ ⵉ ⵜⵎⴰⵡⵙⴰⵙⵜ ⴳ ⵢⵉⴳⵔ ⵏ ⵓⵙⵓⵖⵍ ⵏ ⵢⵉⵙⵎⴰⵡⵏ ⵏ ⵜⵣⵓⵏⵉⵜⵉⵏ ⵏⵏⵙ ⴷ ⵜⵎⴰⴳⵉⵜ ⵜⵉⵙⵍⵉⵥⵕⵉⵜ ⴷ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⵏ ⵜⵎⴰⵡⵙⴰⵙⵜ. ⵉⵔⵏⵓ ⵉⵏⵏⴰ ⵓⵎⴰⵡⵙⴰⵙ ⵉⴷ ⴰⵙⵎⵔⵙ ⵏ ⵙⵏⴰⵜ ⵜⵓⵜⵍⴰⵢⵉⵏ ⴳ ⵡⴰⵔⵔⴰⵜⵏ ⵏ ⵜⵎⵙⵙⵓⴳⵓⵔⵜ ⴷ ⵉⵎⴰⵙⵙⵏ ⵉⵙⵏⵉⵍⵙⵉⵢⵏ ⵏ ⵜⵎⴰⵡⵙⴰⵙⵜ ⵉⴳⴰ ⴰⴳⴳⵯⴰ ⵉⵣⵔⴱⵏ. ⵅⴼ ⵓⵢⴰⴷ, ⴰⴷ ⵜⵜⵓⵣⵎⵣⵣⵓ ⵢⴰⵜ ⵜⵖⵔⴰⵙⵜ ⵏⵏⴰ ⵉⵏⵏⴰⵏ ⴰⴷ ⵉⵙⴽⵔ ⵜⵉⵙⵎⵉⴳⵍⵉⵏ ⴰⴷ ⴰⴳⵯⵏⵙ ⵏ ⵜⵎⴰⵡⵙⴰⵙⵜ ⵙ ⵓⵎⵢⴰⵡⴰⵙ ⴷ ⵓⵙⵉⵏⴰⴳ ⴰⴳⵍⴷⴰⵏ.
ⴳ ⵜⴳⵓⵔⵉ ⵏⵏⵙ, ⵉⵙⵙⴽⵜⵉ ⴷ ⵓⵏⴱⴷⴰⴷ ⵏ ⵓⵙⵉⵏⴰⴳ ⵜⵉⵖⵔⴰⵙⵉⵏ ⵏ ⵓⵙⵉⵏⴰⴳ ⵉⵍⵍⴰⵏ ⴳ ⵓⴹⴰⵀⵉⵕ ⵏ ⵜⵓⴳⵉ ⴷ ⵓⵙⵓⴷⵙ ⵏ ⵓⵙⵉⵏⴰⴳ ⴷ ⵜⵉⵍⴰⵍⵜ ⵜⴰⵎⵛⵛⵉⵡⴰⵔⵜ ⵏⵏⵙ ⴳ ⵉⴳⵔ ⵏ ⵓⵙⴱⵓⵖⵍⵓ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ. ⵉⵙⴰⵡⵍ ⵅⴼ ⵜⵓⴳⴳⴰ ⵏⵏⴰ ⵉⵙⴽⵔ ⵓⵙⵉⵏⴰⴳ ⵙⴳ ⵓⵣⵎⵣⵣⵓ ⵏⵏⵙ: ⵜⵉⵡⵓⵔⵉⵡⵉⵏ, ⵉⵙⵓⴼⵖⵏ ⴳ ⵉⴳⵔ ⵏ ⵓⵙⵎⵙⴰⵙⴰ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⴰⵙⵓⴼⵖ ⵏ ⵉⵎⴰⵡⴰⵍⵏ ⵉⵎⴰⵜⴰⵢⵏ ⴷ ⵡⵉⵏⵏⴰ ⵉⵙⵜⵉⵏ, ⴳ ⵉⵍⵍⴰ ⵓⵎⴰⵡⴰⵍ ⴰⵎⵙⵙⵓⴳⵓⵔⴰⵏ ⴷ ⵓⵎⴰⵡⴰⵍ ⵏ ⵜⵏⵖⵎⴰⵙⵜ. ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴷ ⵓⵎⵢⴰⵇⵇⴰⵏ ⴷ ⵜⵎⵙⵙⵓⴳⵓⵔⵉⵏ ⵜⵉⴳⴷⵓⴷⴰⵜⵉⵏ, ⵉⵙⴰⵡⵍ ⵓⵏⴱⴷⴰⴷ ⵅⴼ ⵉⵙⵓⴼⵖⵏ ⵉⵍⴰⵏ ⴰⵜⵉⴳ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴷ ⵜⵎⴰⵡⵙⴰⵙⵉⵏ, ⵙ ⵓⵙⵜⵜⵉ ⵜⴰⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵜⵎⴰⵡⴰⵙⵜ ⵏ ⵓⵎⵚⴰⵡⴰⴹ ⴷ ⵜⵓⵙⵙⵏⴰ. ⵉⵙⵙⴽⵜⵉ ⵎⵏⵏⴰⵡ ⵏ ⵜⵓⴳⴳⵉⵜⵉⵏ ⵏⵏⴰ ⵉⴽⵛⵎⵏ ⴳ ⵓⵙⴰⵜⵉ ⵏ ⵓⵎⵢⴰⵡⴰⵙ ⴷ ⵜⵙⴷⴰⵡⵉⵜⵉⵏ ⴷ ⵜⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ. ⵉⵏⵏⴰ ⵓⵏⴱⴷⴰⴷ ⵉⴷ ⵜⴰⵎⵔⵙⵍⵜ ⵏ ⵓⵙⵉⵏⴰⴳ ⵜⵔⴰ ⴰⵎⵢⴰⵡⴰⵙ ⴷ ⵜⵎⴰⵡⴰⵙⵜ ⴳ ⵉⴳⵔⴰⵏ ⵉⴳⴰⵏ ⵡⵉⵏⵏⵙ, ⵙ ⵓⵙⵜⵜⵉ ⴰⵙⵎⵓⵜⵜⴳ ⴷ ⵓⵙⵓⵖⵍ ⴷ ⵜⴰⵡⵡⵓⵔⵜ ⵏ ⵜⵎⴰⵣⵉⵖⵜ.
ⴳⵯ ⵜⵢⵉⵔⴰ, ⴰⵙⵉⵏⴰⴳ ⴷ ⵜⵎⴰⵡⴰⵙⵜ, ⵔⴰⵏ ⴰⵙ ⵙⵡⵓⵔⵓⵏ ⵙ ⵜⵎⴰⵡⴰⵙⵜ ⵏ ⵜⵎⵢⴰⵇⵇⴰⵏⵜ ⵏⵏⴰ ⵜⵏ ⵉⵙⵎⵓⵏⵏ, ⵃⵎⴰ ⴰⴷ ⵙⴱⵓⵖⵍⵓⵏ ⴰⴽⵊⵊⵓⵎ ⵏ ⵜⵎⴰⵣⵉⵖⵜ ⴳ ⵉⴳⵔ ⴰⴳⴷⵓⴷⴰⵏ.
