ⵜⴰⴷⵔⴰⵡⵜ ⵏ ⵓⵙⵉⵏⴰⴳ ⴳ ⵜⵡⴰⵍⴰ ⵜⵉⵙⵙ 25 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ
ⴰⴷ ⵢⴰⵎⵓ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵉⵓⵙⵙⵏ ⴰ ⵜⴰⵎⴰⵣⵉⵖⵜ ⴳ ⵜⵡⴰⵍⴰ ⵜⵉⵙⵙ 25 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ ⵏ ⵜⴰⴷⴷⴰⵔⵜ ⵜⵓⵎⵍⵉⵍⵜ ⵉⵜⵜⵓⵙⵏⵎⴰⵍⴰⵏ ⵙⴳ 07 ⴰⵔ 17 ⴱⵕⴰⵢⵕ 2019, ⴷⴷⴰⵡ ⵏ ⵜⴰⵎⴰⵜⴰⵔⵜ
“ⴰⴷ ⵏⴰⵔⵉ ⵃⵎⴰ ⴰⴷ ⵏⵉⵍⵉ, ⴰⴷ ⵏⵖⵔ ⵃⵎⴰ ⴰⴷ ⵏⵎⵎⵓⵜⵜⵉ”
ⴰⵙⴰⵢⵔⴰⵔ ⵏ ⵓⵙⵉⵏⴰⴳ ⴰⵔ ⵉⵙⵏⵎⴰⵍⴰ ⵎⵏⵏⴰⵡ ⵏ ⵡⴰⵔⵔⴰⵜⵏ ⵉⵥⵍⵉⵏ ⵙ ⴰⵟⵟⴰⵚ ⵏ ⵜⵙⴳⴳⵉⵡⵉⵏ ⵉⵟⵟⴼⵏ ⵙ ⵜⵓⵙⵙⵏⴰ ⵜⴰⵎⵖⵔⴰⴱⵉⵢⵜ ⵙ ⵓⵙⵜⵜⵉ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵏⵏⴰ ⴷ ⵉⵙⵙⴰⴼⵖ ⵓⵙⵉⵏⴰⴳ ⵙ ⵜⵎⴰⵣⵉⵖⵜ, ⵜⴰⵄⵕⴰⴱⵜ ⴷ ⵜⵓⵜⵍⴰⵢⵉⵏ ⵜⵉⴱⵕⵕⴰⵏⵉⵢⵉⵏ. ⵉⵙⵙⴰⵔⵎ ⵓⵙⵉⵏⴰⴳ ⴳ ⵓⵙⴼⵙⵔ ⴰⴷ ⴰⴷ ⵉⵣⵓⵣⵣⵔ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙ ⵓⵙⴷⵍⵉⵙ ⵙ ⵓⴷⵎⴰⵡⵏ ⴰⴽⵯ ⵙ ⵜⵍⵍⴰ.
ⵉⵍⵍⴰ ⵓⵣⵣⵏⵣⵓ ⴳ ⵓⵙⴰⵢⵔⴰⵔ, ⵉⵍⵉⵏ ⴽⵉⴳⴰⵏ ⵏ ⵉⵎⵓⵙⵙⵓⵜⵏ: ⵜⵉⵙⵇⵇⴰⵢⵎⵓⵜⵉⵏ, ⴰⵙⵎⵉⵏⴷ ⵏ ⵉⴷⵍⵉⵙⵏ ⵉⵎⴰⵢⵏⵓⵜⵏ, ⵜⵉⵙⴰⵡⵔⵜⵉⵏ ⵅⴼ ⵜⵏⴼⵓⵙⵜ ⴷ ⵜⴼⵉⵏⴰⵖ.
ⵉⵎⵓⵙⵙⵓⵜⵏ ⴰⴷ ⴰⵎⵓⵏ ⴳ ⵜⵓⴳⴳⵉⵜⵉⵏ ⵏ ⵡⴰⵎⵎⴰⵙⵏ ⵏ ⵓⵔⵣⵣⵓ ⵏ ⵓⵙⵉⵏⴰⴳ, ⵉⵍⵉⵏ ⵉⵎⵓⵙⵙⵓⵜⵏ ⵉⵥⵍⵉⵏ ⵙ ⴰⵖⴰⵡⴰⵙ ⴰⵎⴰⵜⵓ ⵏ ⵜⵎⴰⵡⵙⴰⵙⵜ ⵏ ⵜⵓⵙⵙⵏⴰ, ⴷ ⵉⵎⵓⵙⵙⵓⵜⵏ ⵉⵜⵜⵓⴳⴰⵏ ⵏ ⵜⵡⵉⵣⵉ ⴷ ⵜⵙⴷⴰⵡⵉⵜⵉⵏ ⵜⵉⵏⴰⵎⵓⵔⵉⵏ.
