ⴰⵔ ⵉⵙⵏⵎⵉⵍⵉ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵢⴰⵏ ⵓⵎⵙⴰⴳⴰⵔ ⴰⴳⵔⴰⵖⵍⴰⵏ ⵅⴼ ⵓⵙⴳⵓⵎ « ⵙⴳ ⵜⵓⵜⵍⴰⵢⵜ ⵜⴰⵢⵎⵎⴰⵜ ⵖⵔ ⵜⵓⵜⵍⴰⵢⵜ ⵏ ⵜⵉⵏⵎⵍ »

ⵉⵔⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⴷ ⵉⵙⵏⵎⴰⵍⴰ, ⵓⵙⵙⴰⵏ ⵏ 14 ⴷ15 ⵏⵓⵡⴰⵏⴱⵉⵔ 2016, ⴳ ⵕⵕⴱⴰⵟ (ⵍⵎⵖⵔⵉⴱ) ⵢⴰⵏ ⵓⵏⵎⵓⵇⵇⴰⵔ ⴷ ⵢⵓⵡⵉⵏ ⵅⴼ ⵓⵙⴳⵓⵎ« ⵙⴳ ⵜⵓⵜⵍⴰⵢⵜ ⵜⴰⵢⵎⵎⴰⵜ ⵖⵔ ⵜⵓⵜⵍⴰⵢⵜ ⵏ ⵜⵉⵏⵎⵍ ».

ⵉⴳⴰⵓⵎⵙⴰⴳⴰⵔ ⴰⴷ ⵡⵉⵏ ⵓⵙⵏⴼⵍ ⵏ ⵉⵙⵡⵉⵏⴳⵉⵎⵏ ⴷ ⵢⵉⵔⵉⵎⵏ ⵉⵣⴷⵉⵏ ⵙ ⵓⵙⵍⵎⴷ ⵏ ⵜⵓⵜⵍⴰⵢⵉⵏ ⵜⵉⵢⵎⵎⴰⵜⵉⵏ ⴷ ⵓⵙⵍⵎⴷ ⵉⵙⵏⵜ ⵉⵜⵜⵡⴰⴳⴳⵏ  ⴳ ⵢⴰⵏ ⵓⵎⵏⴰⴹ ⵉⴳⴰⵏ ⵎⴰⴳⵜ ⵉⵍⵙ.

ⵔⴰⴷ ⵉⵜⵜⵡⴰⴼⴽⴰ ⵢⴰⵏ ⵡⴰⵜⵉⴳ ⵉⵥⵍⵉⵏ ⵉ ⵓⵙⵍⵎⴷ ⵏ ⵜⵎⴰⵣⵉⵖⵜ. ⴰⵔ ⵏⵙⴱⵔⵔⴰⴽ ⴰⵡⴷ ⵙ ⵜⵖⵓⵔⵉⵡⵉⵏ ⵏ ⵉⵎⴷⵢⴰⵜⵏ ⵉⵙⴰⵡⴰⵍⵏ ⵅⴼ ⵜⵓⵜⵍⴰⵢⵉⵏ ⵢⴰⴹⵏⵉⵏ, ⵙⵍⴰⵡⴰⵏ ⴰⴽⴽⵯ ⵉⵎⴷⵢⴰⵜⵏ ⵏ ⵜⵎⵙⴽⴰⵔ ⵉⵖⵓⴷⴰⵏ.

ⵎⴽⵍⵍⵉ ⵏⵏ ⵉⵡⴹⵏ ⵜⵓⴳⵜ ⵏ ⵉⵎⵔⵣⵓⵜⵏ ⴷ ⵉⵎⵙⴽⴰⵔⵏ ⵎⴰⵙⵍⵍⴰⵏⵜ ⵜⵓⴳⵜ ⵏ ⵜⵎⵓⴽⵔⵉⵙⵉⵏⵎⵏⵉⴷ ⵏ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵓⵙⵍⵎⴷ ⵥⵉⵕⵙ. ⵔⴰⴷ ⵏⴱⴷⵔ ⵜⵉⵍⵍⵉ ⴷ ⵢⵓⴳⴳⴰⵏ ⵓⴳⴳⴰⵔ :

• ⵜⴰⵙⵔⵜⵉⵜ ⵜⴰⵙⵏⵉⵍⵙⵜ ⵉⵥⵍⵉⵏ ⵙ ⵓⵙⴳⵎⵉ ;

• ⴰⵙⵎⵙⴰⵙⴰ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ ⴳ ⵜⵓⵇⵇⵏⴰ ⵏⵏⵙ ⵖⵔ ⵓⵙⵡⵓⴷⴷⵓ ⵏ ⵓⵏⵓⵃⵢⵓ ;

• ⴰⵜⵡⴰⵍ ⴰⴱⵉⴷⴰⴳⵓⵊⵉ ;

• ⵜⵉⵎⴰⴷⴷⴰⵙⵉⵏ ⴷ ⵜⴱⵔⵉⴷⵉⵏ ⵜⵉⴷⵉⴷⴰⴽⵜⵉⵢⵉⵏ ;

• ⴰⵙⵎⵓⵜⵜⴳ ⵏ ⵉⵙⵍⵎⴰⴷⵏ ;

• ⴰⵃⵉⵢⵢⵍ ⴷ ⵓⵙⵓⴼⵖ ⵏ ⵉⵎⴰⵙⵙⵏ ⵉⴱⵉⴷⴰⴳⵓⵊⵉⵏ (ⴰⵏⵏⴰⵍⵏ ⵉⴼⵔⴽⵓⴽⵏ  ⴷ ⵉⵎⵓⵟⵟⵓⵏⵏ)

• ⴰⵙⵜⴰⵍ ⵏ ⵉⵎⵄⵉⵏⵏ  ⵉⵏⵎⵍⴰⵏ ;

• ⴰⵙⵜⴰⵍⵏ ⵉⵏⴳⵔⴰⵡⵏ ⵉⵙⴳⵎⴰⵏⵏ ⴳ ⵓⵎⵏⴰⴷ ⵏⵏⵙ ⴰⵙⵏⵉⵍⵙ.

ⵉⵎⴷⵔⴰⵡⵏ ⵉⵜⵜⵡⴰⵜⵜⵙⵏ ⵏⵔⴰ ⴰⴷ ⴳⵉⵏ ⵡⵉⵏⵏⴰ ⵉⵙⵡⵓⵔⵉⵏ ⴳ ⵓⵔⵣⵣⵓ ⵜⵉⴳⴰⵡⵜ, ⴷ ⵡⵉⵍⵍⵉ ⵉⵜⵜⵃⵉⵢⵢⴰⵍⵏ ⴰⵔ ⵙⵡⵓⴷⴷⵓⵏ ⴰⵏⴰⵡⵏ ⵉⵙⴳⵎⴰⵏⵏ, ⴷ ⵡⵉⵍⵍⵉ ⵉⵙⵡⵓⵔⵉⵏ ⴳ ⵓⵙⵜⴰⵍ ⵏ ⵉⵏⴳⵔⴰⵡⵏ ⵉⵙⴳⵎⴰⵏⵏ ⴷ ⵡⵉⵍⵍⵉ ⵉⵙⵡⵓⵔⵉⵏ ⴳ ⵓⴱⴰⵔⴰⵣ (ⵉⵙⵍⵎⴰⴷⵏ ⴷ ⵡⵉⵍⵍⵉ ⵜⵜⴱⴷⴰⴷⵏⵉⵏ ⵅⴼ ⵓⵙⵍⵎⴷ). ⵏⵙⵙⵓⵜⵔ ⴰⵙⵏ ⴰⴷ ⴰⵖ ⴷ ⵙⵙⴽⵏ ⵉⵏⴽⴰⴷⵏ ⵏⵏⵙⵏ ⴷ ⵜⵓⴷⵔⵣⵔⵉ ⵜⴰⴽⴰⴷⵉⵎⵉⵜ ⴷ ⵜⵣⵣⵓⵍⴰⵏⵜ, ⴷ ⵢⴰⵜ ⵜⴳⴹⵡⵉⵜ ⵏ ⵜⵉⵏⴰⵡⵜ ⵏⵏⵙⵏ ⴳ ⴽⵔⴰ ⵣⵓⵏ ⴷ 500 ⵏ ⵜⴳⵓⵔⵉ. ⵉⵇⵇⴰⵏⴷ ⴰⴷ  ⴷ ⴰⵣⵏⵏ ⵉⵎⵔⵣⵓⵜⵏ ⴷ ⵉⵎⴷⵔⴰⵡ ⴰⵎⵏⵏⵉ ⵏⵏⵙⵏ ⵉⵜⵜⵓⵢⴰⵎⴰⵣⵏ ⴷⴰⵜ 30 ⵛⵓⵜⴰⵏⴱⵉⵔ 2016.

ⵔⴰⴷ ⵉⵡⴰⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵜⴰⵣⴷⵓⵖⵜ ⴷ ⵜⵉⵔⴰⵎ ⴳ ⵓⵙⵙⴰⵏ ⵏ ⵓⵎⵙⴰⴳⴰⵔ.
ⵜⵓⵜⵍⴰⵢⵉⵏ ⵏ ⵓⵎⵢⴰⵡⴰⴹ ⴳ ⵓⵎⵙⴰⴳⴰⵔ: ⵜⴰⵎⴰⵣⵉⵖⵜ ⴷ ⵜⵄⵕⴰⴱⵜ ⴷ ⵜⴼⵕⴰⵏⵚⵉⵚⵜ ⴷ ⵜⵏⴳⵍⵉⵣⵜ.

 ⴰⵣⵏⴰⵜ ⵜⵓⵜⵜⵔⴰ ⵏ ⵜⴷⵔⴰⵡⵜ ⵉ ⵡⴰⵏⵙⴰ ⴰⴷ :

ⵎⴰⵙⵙ ⵄⴱⴷⵙⵙⵍⴰⵎ ⵅⴰⵍⴰⴼⵉ, ⴰⵏⵎⵀⴰⵍ ⵏ ⵡⴰⵎⵎⴰⵙ ⵏ ⵓⵔⵣⵣⵓ ⴰⴷⵉⴷⴰⴽⵜⵉ ⴷ ⵉⵖⴰⵡⴰⵙⵏ ⵏ ⵓⵙⴳⵎⵉ,

ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵜⴰⴼⵏⵉⵇⵜ ⵜⴰⵙⴰⵡⴰⵢⵜ 2055, ⴰⵙⵓⴽ ⵏ ⵄⵍⵍⴰⵍ ⵍⴼⴰⵙⵉ, ⵕⵕⵉⵢⴰⴹ, ⵕⵕⴱⴰⵟ, ⵍⵎⵖⵔⵉⴱ.

ⵉⵎⴰⵢⵍ :   khalafi@ircam.ma