ⴰⵙⴼⵓⴳⵍⵓ ⵙ ⵡⴰⵙⵙ ⴰⵎⴰⴹⵍⴰⵏ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ 2012
ⵉⴳⴰ ⵡⴰⵙⵙ ⵏ 21 ⴱⵕⴰⵢⵕ ⴰⵙⵙ ⴰⵎⴰⴹⵍⴰⵏ ⵏ ⵓⵙⴼⵓⴳⵍⵓ ⵙ ⵜⵓⵜⵍⴰⵢⵜ ⵜⴰⵢⵎⵎⴰⵜ. ⵢⵉⵡⵉ ⴷ ⵓⵏⴳⵎⴰⵎ ⵉⵎⵓⵏⵏ ⵏ ⵓⵙⴳⵎⵉ ⴷ ⵜⵓⵙⵙⵏⴰ ⴷ ⵜⵎⴰⵙⵙⴰⵏⵉⵏ ⵎⴰⵙ ⴰⵔ ⵉⵜⵜⵎⵜⴰⵜ ⵓⴳⴳⴰⵔ ⵏ ⵓⵣⴳⵏ ⵏ 7000 ⵏ ⵜⵓⵜⵍⴰⵢⵜ ⵉⵍⵍⴰⵏ ⴳ ⵓⵎⴰⴹⴰⵍ. ⵅⴼ ⵓⵢⴰ, ⵉⵇⵇⴰⵏ ⴷ ⴰⴷ ⵏⴽⴽⵔ ⴰⴷ ⵏⵃⴹⵓ ⴰⵢⵍⵍⵉ ⵉⵇⵇⵉⵎⵏ ⵙⴳ ⵜⵓⵜⵍⴰⵢⵉⵏ ⴰⴷ, ⵏⵙⵙⵏ ⴰⵜⵉⴳ ⵏⵏⵙⵏⵜ, ⵏⵙⵙⴷⵓⵙ ⴰⵎⵢⴰⵏⴰⵡ ⵢⴰⵏ ⴰⵙⴰⴳⵎ ⵙⴳ ⵉⵙⵓⴳⴰⵎ ⵏ ⵜⵓⵙⵙⵏⴰ ⴷ ⵜⵓⵚⴽⴰ ⵏ ⵜⴰⵏⵏⴰⵢⵉⵏ ⵏ ⵓⵎⴰⴹⴰⵍ.
ⵙ ⵓⵙⵓⵍⴼ ⴰⴷ, ⵔⴰⴷ ⵉⵙⵏⵎⵉⵍⵉ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴰⵙⵙ ⵏ 21 ⴳ ⴱⵕⴰⵢⵕ, ⵢⴰⵜ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⴳ ⵓⵙⵖⵉⵎ ⵏⵏⵙ, ⴷⴷⵓ ⵏ ⵜⵎⴰⵜⴰⵔⵜ : ⴰⵙⵎⵓⴷⴷⴻⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵉⴳⴰ ⴰⵙⴷⵓⵙ ⵉ ⵜⵎⵓⵏⵉ ⴳ ⵓⵎⵢⴰⵏⴰⵡ ⴳ ⵍⵎⵖⵔⵉⴱ. ⴰⴷ ⵜⵉⵍⵉ ⵜⵉⵏⴰⵡⵜ ⴰⴷ, ⵢⴰⵏ ⵓⵣⵎⵣⵣⵓ ⵏ ⵓⵎⵙⴳⴷⴰⵍ ⴷ ⵓⵙⵏⴼⵍ ⵏ ⵜⴰⵏⵏⴰⵢⵉⵏ ⵊⴰⵔ ⵎⴰⵕⵕⴰ ⵉⵎⴳⴳⴰⵢⵏ ⴷ ⵉⵎⴰⴷⵔⴰⵡⵏ ⴳ ⵓⵎⵙⴰⴳⴰⵔ ⴰⴷ.
ⴰⴷ ⵜⵙⵙⵏⵜⴰ ⵜⵉⵏⴰⵡⵜ ⴰⴷ ⵙ ⵜⴳⵓⵔⵉⵡⵉⵏ ⵏ ⵓⵕⵥⵥⵓⵎ ⵍⵍⵉ ⵔⴰⴷ ⵉⴼⴽ ⵓⵏⴱⴷⴰⴷ ⵏ ⵓⵙⵉⵏⴰⴳ ⴷ ⵎⴰⵙⵙ ⴰⵏⵎⵀⴰⵍ ⴰⵎⴰⵜⴰⵢ ⵏ ⵢⵓⵏⵉⵙⴽⵓ ⴷ ⵎⴰⵙⵙⴰ ⵜⴰⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵓⴳⵔⴰⵡ ⴰⵏⴰⵎⵓⵔ ⴰⵎⵖⵔⴰⴱⵉ ⵏ ⵢⵓⵏⵉⵙⴽⵓ. ⴰⴷ ⵉⵍⵉⵏⵜ ⴷⴼⴼⵉⵔ ⴰⵙ ⴽⴽⵓⵥ ⵏ ⵜⴽⵛⵛⵓⵎⵉⵏ ⵅⴼ ⵜⵡⵓⵔⵉ ⵏ ⵓⵙⵉⵏⴰⴳ ⴷ ⵉⵎⴷⵔⴰⵡⵏ ⵏⵏⵙ ⵅⴼ ⵓⵃⵟⵟⵓ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵓⵙⴱⵓⵖⵍⵓ ⵏⵏⵙ ⴳ ⵉⴳⵔⴰⵏ ⵏ ⵓⵙⵎⵙⴰⵙⴰ ⵏ ⵜⵓⵜⵍⴰⵢⵜ ⴷ ⵓⵙⵖⵉⵢ ⵏⵏⵙ ⴰⴼⴰⴷ ⴰⴷ ⵜⴰⵡⴹ ⵖⴰⵔ ⵎⴰⵕⵕⴰ ⵜⵉⵣⵓⵏⵉⵏ ⴷ ⵜⵎⵔⵙⴰⵍ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ. ⵅⴼ ⵓⵖⵣⴷⵉⵙ ⵏ ⵎⴰⵏⴰ ⵢⴰ ⴰⴷ ⵢⵉⵍⵉ ⵢⴰⵏ ⵓⵙⴼⵙⵔ ⵏ ⵉⴷⵍⵉⵙⵏ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ. ⴳ ⵜⴳⵉⵔⴰ ⴰⴷ ⵜⵙⵎⴷ ⵜⵉⵏⴰⵡⵜ ⴰⴷ ⵙ ⴽⵔⴰ ⵏ ⵓⵥⴰⵡⴰⵏ.
