ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵙⵎⵖⵔ ⵏ ⵉⴳⵍⵍⵉⵏ ⵎⴰⵙⵙ ⴱⵕⴰⵀⵉⵎ ⴰⵅⵢⵢⴰⵟ (1941-2018): ⴰⵙⵉⵏⴰⴳ - 30 ⵎⴰⵕⵚ - 15 :00
ⵢⴰⵏ ⵙⴳ ⵉⴼⴳⴳⴰⴳⵏ ⵏ ⵜⵎⴰⵣⵉⵖⵜ ⵉⵎⵎⵓⵜ ⴰⵙⵙ ⵏ 7 ⴱⵕⴰⵢⵕ 2018, ⵉⴷⴷⵖ ⵉⵕⵎⵉ ⵙⴳ ⵡⴰⵟⵟⴰⵏ, ⵎⴰⵙⵙ ⴱⵕⴰⵀⵉⵎ ⴰⵅⵢⵢⴰⵟ, ⵉⴳⴰⵏ ⵙⴳ ⵉⵎⵣⵡⵓⵔⴰ ⵢⵓⵙⵉⵏ ⴰⴳⴳⵯⴰ ⵏ ⵜⵎⴰⵣⵉⵖⵜ, ⵉⵙⴱⴷⴷⴰⵏ ⴰⵖⴰⵔⴰⵙ ⵏ ⵓⵎⵏⵏⴰⵖ ⵏ ⵜⵎⴰⵣⵉⵖⵜ, ⴳ ⵉⴳⵔ ⴰⵙⵔⵜⴰⵏ ⴰⴷⵍⵙⴰⵏ ⴰⵏⴰⵎⵓⵔ. ⵜⵜⵡⴰⵙⵙⴰⵏ ⵉⴷ ⵎⴰⵙⵙ ⴱⵕⴰⵀⵉⵎ ⴰⵅⵢⵢⴰⵟ ⵉⴳⴰ ⴳ ⵡⵉⵏⵏⴰ ⵉⵙⵔⵙⵏ ⵜⵉⵔⵙⴰⵍ ⵏ ⵓⵎⵓⵙⵙⵓ ⴰⵎⴰⵣⵉⵖ. ⵏⵜⵜⴰ ⴰⵢⴷ ⵉⴱⴷⴷⴰⵏ ⵃⵎⴰ ⴰⴷ ⵉⵜⵜⵓⵙⴱⴷⴷ ⵓⴼⵔⴷⵉⵙ ⴰⵎⵣⵡⴰⵔⵓ ⵏ ⵉⵎⵖⵏⴰⵙⵏ ⵏ ⵜⵎⵏⵜⵉⵍⵜ ⵜⴰⵎⴰⵣⵉⵖⵜ ⵙⴳ ⵉⵙⴳⴳⵯⴰⵙⵏ ⵏ 1960. ⴰⵙⵡⵉⵔ ⵏⵏⵙ ⵉⴳⴰ ⴰⴷ ⴳ ⵉⴼⴳⴳⴰⴳⵏ ⵏ ⵓⵎⵓⵙⵙⵓ ⴰⵎⴰⵣⵉⵖ, ⴰⴼⴰⴷ ⴰⴷ ⵜⵜⵓⵙⴱⵓⵖⵍⵓ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴷⴷⴰⵡ ⵏ ⵜⵎⴰⵜⴰⵔⵜ « ⵜⴰⵎⵓⵏⵜ ⴳ ⵓⵎⵢⴰⵏⴰⵡ », ⵉⴳⴰⵏ ⵜⴰⵎⵓⵏⵜ ⵏ ⵜⵎⵜⵜⵉ ⵜⴰⵎⵖⵔⴰⴱⵉⵢⵜ ⵉⵍⵄⴰⵏ ⵓⴷⵎⴰⵡⵏ ⵉⴷⵍⵙⴰⵏⵏ ⴷ ⵉⵙⵏⵉⵍⵙⵏ ⴷ ⵜⴰⵎⵓⵏⵜ ⵜⵉⴷⵢⵓⵍⵓⵊⵉⵜ ⵏ ⵓⵎⵓⵙⵙⵓ ⴰⵎⴰⵣⵉⵖ. ⴰⵎⵓⵙⵙⵓ ⴰⴷ ⵉⵥⵍⵉ ⵙ ⵜⵓⴳⵉ ⵏ ⵜⵎⵙⵎⵓⵏⵜ ⵜⴰⵎⵣⵡⴰⵔⵓⵜ ⵜⴰⵎⴰⵣⵉⵖⵜ ⴳ ⵓⵙⴳⴳⵯⴰⵙ ⵏ 1967 : ⵜⴰⵎⵙⵎⵓⵏⵜ ⵜⴰⵎⵖⵔⴰⴱⵉⵜ ⵏ ⵓⵙⵉⴳⴳⵍ ⴷ ⵓⵙⵏⴼⵍ ⴰⵎⴰⵙⵙⴰⵏ (« ⴰⵎⵔⵉⴽ »), ⵏⵏⴰ ⵎⵉ ⵎⴰⵙⵙ ⴱⵕⴰⵀⵉⵎ ⴰⵅⵢⵢⴰⵟ ⴰⵏⵙⵙⵉⵅⴼ.
ⵜⴰⵏⴰⵢⵜ ⵏⵏⵙ ⵏ ⵓⵎⵢⴰⵙ ⴰⵙⵔⵜⴰⵏ ⴷ ⵜⵡⵏⴳⵉⵎⵜ ⵏⵏⵙ ⵢⵓⵎⵥⵏ ⴰⵙⵏⵎⴰⵍⴰ ⴼⵔⴳⵏ ⵉ ⵜⴰⵎⵓⵏⵜ ⵏ « ⴰⵎⵔⵉⴽ » ⴳ 50 ⵏ ⵓⵙⴳⴳⵯⴰⵙ, ⴷⴰⵜ ⵏ ⵢⴰⵏ ⵓⵙⵓⵜⵍ ⴰⵙⵔⵜⴰⵏ ⵉⵅⵛⵏⵏ ⴷ ⵓⵙⵓⵜⵍ ⴰⵙⵔⵜⴰⵏ ⵓⴷⴷⵉⵙ ⴷ ⵡⵓⴷⵎⴰⵡⵏ ⵉⵎⴰⵢⵏⵓⵜⵏ ⵏ ⵉⵎⵙⴰⵔⴰⵙⵏ ⵏⵏⴰ ⴷ ⵉⴷⴷⴰⵏ ⴷⴼⴼⵉⵔ ⵏ ⵓⵙⵓⴷⴷⴻⴷ ⵏ ⵜⵎⴰⵣⵉⵖⵜ ⵙⴳ 2001, ⴷⴼⴼⵉⵔ ⵏ ⵜⵉⵏⴰⵡⵜ ⵏ ⵓⴳⵍⵍⵉⴷ ⵏ ⵓⵊⴷⵉⵔ ⴷ ⵜⵓⴳⵉ ⵏ ⵓⵙⵉⵏⴰⴳ ⴷ ⵓⵙⵙⵏⵚⴱ ⵏ ⵜⵎⴰⵣⵉⵖⵜ ⴳ ⵜⵎⵏⴹⴰⵡⵜ ⵏ 2011.
ⴷⴷⵖ ⴰⵖ ⵉⵍⴰⵇ ⴰⴷ ⵏⵙⵙⵎⵖⵔ ⵜⴰⵎⵙⵙⴽⵜⵉⵜ, ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵏⵏⴰ ⵎⵉ ⵉⴳⴰ ⵎⴰⵙⵙ ⴱⵕⴰⵀⵉⵎ ⴰⵅⵢⵢⴰⵟ ⵢⴰⵏ ⵙⴳ ⵉⴳⵎⴰⵎⵏ ⵏ ⵓⵙⵇⵇⵉⵎ ⵏⵏⵙ ⴰⵎⵙⵙⵓⴳⵓⵔ, ⴰⵔ ⵉⵙⵏⵎⴰⵍⴰ ⴰⵙⵙ ⵏ 30 ⵎⴰⵕⵚ 2018, ⵢⴰⵏ ⵡⴰⵙⵙ ⵏ ⵜⵖⵓⵔⵉ, ⵃⵎⴰ ⴰⴷ ⵜ ⵉⵙⵎⵖⵔ ⴰⵟⵟⴰⵚ. ⴰⵙⵉⵔⵎ ⵏ ⵡⵉⵏⵏⴰ ⵉⴱⴷⴷⴰⵏ ⵅⴼ ⵜⵡⵓⵔⵉ ⴰⴷ, ⴰⴷ ⵎⵍⵏ ⵓⴷⵎⴰⵡⵏ ⵉⴳⴳⵓⵜⵏ ⵏ ⵜⵡⵓⵔⵉ ⵏ ⵓⵔⵢⴰⵣ ⴰⴷ ⴰⵎⵇⵔⴰⵏ, ⵙ ⵓⵙⵜⵜⵉ ⵜⴰⵏⵏⴰⵢⵜ ⵏⵏⵙ ⵜⴰⵙⵔⵜⴰⵏⵜ, ⵜⴰⵡⵓⵔⵉ ⵏⵏⵙ ⵜⴰⵎⵙⵎⵓⵏⴰⵏⵜ, ⵜⵉⵡⵓⵔⵉⵡⵉⵏ ⵏⵏⵙ ⴳ ⵉⴳⵔ ⵏ ⵜⴷⵍⵙⴰ ⴷ ⵓⵎⵣⵔⵓⵢ ⴷ ⵓⵎⵓⵙⵙⵓ ⴰⵎⴰⵣⵉⵖ ⴷ ⵉⵣⵔⴼⴰⵏ ⵉⴷⵍⵙⴰⵏⵏ ⴷ ⵉⵙⵏⵉⵍⵙⵏ…
ⵜⴰⵖⵓⵔⵉ ⵜⵜⵓⵢⴰⵣⵏ ⵉ ⵡⵉⵏⵏⴰ ⴷ ⵜⵉⵏⵏⴰ ⵉⵔⴰⵏ ⴰⴷ ⵙⵎⵖⵔⵏ, ⴳ ⵢⴰⵏ ⵓⵙⵎⵓⵙⵙⵓ ⴰⵏⴰⵎⵓⵔ, ⴰⵔⴳⴰⵣ ⴰⴷ ⵉⴳⴰⵏ ⵜⴰⵎⴰⵜⴰⵔⵜ ⵉ ⵉⵎⵖⵏⴰⵙⵏ ⵏ ⵜⵎⴰⵣⵉⵖⵜ, ⵉⴼⴽⴰⵏ ⵜⴰⵏⵏⴰⵢⵜ ⵏⵏⵙ ⵢⴰⵊⵊⴰⵖ ⴷ ⴰⵢⴷⴰ ⴰⵎⵇⵔⴰⵏ.
