ⴰⵙⵎⵓⵜⵜⴳ ⴰⴷ, ⴰⴷ ⵢⵉⵍⵉ ⴷⴷⴰⵡ ⵏ ⵓⵙⴳⵓⵎ: « ⴰⵙⵙⵉⵍⵉ ⵙ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⴱⵔⵉⴷ ⵏ ⵜⴰⵏⵏⴰⵢⵜ ⵜⴰⵙⵜⵔⴰⵜⵉⵊⵉⵢⵜ ⵏ ⵓⵙⴳⴳⴷ».
ⴰⵔ ⵉⵙⵏⵎⴰⵍⴰ ⵡⴰⵎⵎⴰⵙ ⵏ ⵓⵔⵣⵣⵓ ⴰⴷⵉⴷⴰⴽⵜⵉ ⴷ ⵉⵖⴰⵡⴰⵙⵏ ⵉⴱⵉⴷⴰⴳⵓⵊⵉⵢⵏ, ⵓⵙⵙⴰⵏ ⵏ 02 ⴷ 03 ⵎⴰⵢⵢⵓ 2019 ⵢⴰⵜ ⵏ ⵜⵡⴰⵍⴰ ⵏ ⵓⵙⵎⵓⵜⵜⴳ ⵉ ⵜⵉⵣⵉ ⵏ ⵉⵎⵙⵡⵓⴷⴷⵓⵜⵏ ⴷ ⵉⵎⴳⴳⵉⵡⵙⵏ ⴷ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵀⵍⴰ ⵜⴰⵏⵎⵏⴰⴹⵜ ⵏ ⵏⵏⵡⴰⵚⵕ ⴷ ⵜⵉⵏⵏ ⵡⴰⵔⵣⴰⵣⴰⵜ.
ⵢⵓⵙ ⴷ ⵓⵙⵎⵓⵜⵜⴳ ⴰⴷ ⴳ ⵓⵙⴰⵜⵉ ⵏ ⵜⴰⵡⵙⴰ ⵉⵍⵍⴰⵏ ⵊⴰⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴰⵏⴰⵎⵓⵔ ⴷ ⵓⵙⵎⵓⵜⵜⴳ ⴰⵣⵣⵓⵍⴰⵏ ⴷ ⵓⵙⵙⵍⵎⴷ ⴰⵏⴰⴼⵍⵍⴰ ⴷ ⵓⵔⵣⵣⵓ ⴰⵎⴰⵙⵙⴰⵏ. ⴰⵎⵏ ⴷ ⵢⵓⵙⴰ, ⴷⵉⵖ, ⴳ ⵓⴱⵔⵉⴷ ⵏ ⵜⵡⵓⵔⵉ ⵜⴰⵏⵊⵎⵓⵜ ⵉⵍⵍⴰⵏ ⵉⵏⴳⵔ ⵓⵙⵉⵏⴰⴳ ⴷ ⵜⴽⴰⴷⵉⵎⵉⵜ ⵜⴰⵏⵎⵏⴰⴹⵜ ⵏ ⵜⴰⵣⵣⵓⵍⵉⵏ ⵏ ⵓⵙⵙⴳⵎⵉ ⴷ ⵓⵙⵎⵓⵜⵜⴳ ⵏ ⴷⵔⵄⴰ ⵜⴰⴼⵉⵍⴰⵍⵜ ⴷ ⵜⵏⵎⵀⴰⵍⵜ ⵜⴰⵙⴳⴰⵡⴰⵏⵜ ⵏ ⵏⵏⵡⴰⵚⵕ.
ⴳⵉⵏ ⵉⵡⵜⵜⴰⵙⵏ ⵏ ⵓⵙⵎⵓⵜⵜⴳ ⴰⴷ, ⴰⵙⴷⵓⵙ ⵏ ⵜⵣⵎⵎⴰⵔ ⵏ ⵜⵙⵍⵎⴰⴷⵉⵏ ⴷ ⵉⵙⵍⴰⵎⴷⵏ ⵏ ⵜⵎⴰⵣⵉⵖⵜ ⴳ ⵢⵉⴳⵔ ⵏ ⵜⵓⵙⵙⵏⴰ ⵜⴰⴱⵉⴷⴰⴳⵓⵊⵉⵜ ⴷ ⵓⵙⵙⵛⵏⵓ ⵏ ⵜⵎⵙⴽⵉⵔⵉⵏ ⵏⵏⵙⵏ ⴳ ⵜⴷⴰⵍⴰ.
ⵜⴰⵡⵍⴰ ⴰⴷ, ⴰⴷ ⵜⵜⵡⴰⴳⴳ ⴳ ⵓⴷⵖⴰⵔ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.
