ⵜⵓⵙⵎⵉⵔⵜ ⵅⴼ ⵓⵙⵙⵓⵜⵔ ⵏ ⵉⵙⵖⵏⵓⵜⵏ ⵏ ⵜⵎⴷⵔⴰⵡⵜ
ⵉ ⵜⵎⵙⵎⵓⵏⵉⵏ ⵏ ⵉⵎⵖⵔⴰⴱⵉⵏ ⵏ ⴱⵕⵕⴰ ⴳ ⵉⴳⵔ ⵏ ⵓⵙⵙⵍⵎⴷ
ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉ ⵢⵉⴼⵔⵅⴰⵏ
ⵉⵎⵖⵔⴰⴱⵉⵏ ⵣⴷⵖⵏ ⵉⵏ ⴳ ⴱⵕⵕⴰ.

ⴰⵙⵎⵏⵉⴷ/ ⵜⴰⵣⵡⴰⵔⴰⵢⵜ
ⴳ ⵓⴱⵔⵉⴷ ⵏ ⵜⴰⴳⴳⴰⵥⵜ ⵍⵍⵉ ⵉⴼⴽⴰ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⴰⵎⵎⴰⴷ ⵡⵉⵙⵙ ⵚⴹⵉⵚ ⵉ ⵢⵉⵏⴰⵎⵓⵔⵏ ⵣⴷⵖⵏⵉⵏ ⴳ ⵜⵎⵉⵣⴰⵔ ⵏ ⴱⵕⵕⴰⴽ, ⴷ ⵜⴰⵔⴰⵜⵉⵏ ⵏⵏⵙ ⵢⴰⵜⵜⵓⵢⵏ ⵉ ⵜⵏⴱⴰⴹⵜ ⴰⴼⴰⴷ ⴰⴷ ⵜⵓⴳⴳⵥ ⵙ ⵉⵏⴰⵎⵓⵔⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⴷ ⴰⴷ ⵜⵉⵍⵉ ⴳ ⵓⵎⵏⵉⴷ ⵏ ⵜⵉⵔⵉⵜⵉⵏ ⴷ ⵢⵉⵎⴰⵡⴰⵜⵏ ⵏ ⵜⵓⵙⵙⵏⴰ ⴷ ⵓⵙⴳⵎⵉ ⴷ ⵓⵏⵉⵎⴰⵏ, ⴷ ⵓⵎⵣⴰⵖ ⵅⴼ ⵉⵣⵔⴼⴰⵏ ⵏⵏⵙⵏ ⵏ ⵓⴱⵔⵉⴷ ⴷ ⵓⵃⵟⵟⵓ ⵏ ⵡⴰⴷⴷⵓⵔ ⴷ ⵓⵎⵎⵉⵥⵏ ⵏⵏⵙⵏ.
ⴰⴼⴰⴷ ⴰⴷ ⵉⵜⵜⵓⵙⵙⵉⴷⵎⵔ ⵉ ⵢⵉⵎⴰⵡⴰⵜⵏ ⴷ ⵜⵉⵔⵉⵜⵉⵏ ⵏ ⵉⵎⵖⵔⴰⴱⵉⵏ ⵣⴷⵖⵏⵉⵏ ⴳ ⵜⵎⵉⵣⴰⵔ ⵏ ⴱⵕⵕⴰ ⴱⴰⵛ ⴰⴷ ⵙⵙⵏ ⵜⵓⵙⵙⵏⴰ ⵜⴰⵣⵖⵔⴰⵏⵜ  ⴷ ⵜⵖⵔⵎⴰ ⵏ ⵜⵎⴰⵣⵉⵔⵜ ⵏⵏⵙⵏ ⵜⴰⵎⵢⵎⵎⴰⵜ ⵙ ⴽⵓ ⵓⴳⴳⵓⴳⵏ ⵏⵏⵙ; ⵉⵜⵜⵓⵣⵡⵓⵍ ⴰⵙⵙ ⵏ 12 ⵏⵓⵡⴰⵏⴱⵉⵔ 2010, ⵢⴰⵏ ⵓⵎⵙⴰⵛⴽⴰ ⴰⵎⴰⴷⵔⴰⵡ ⴷ ⵜⵡⵉⵙⵉ  ⴳⵔ ⵜⵎⴰⵡⴰⵙⵜ ⵉⵥⵍⵉⵏ ⵙ ⵉⵎⵖⵔⴰⴱⵉⵏ ⵣⴷⵖⵏⵉⵏ ⴳ ⵜⵎⵉⵣⴰⵔ ⵏ ⴱⵕⵕⴰ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵃⵎⴰ ⴷ ⵜⵏⴽⵔ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵜⴱⵓⵖⵍⵓ ⴳ ⴽⵓ ⵓⴷⵎⴰⵡⵏ ⵏⵏⵙ.
ⵖⵎⴽⴰⵏ ⴰⴼ ⴷ ⵜⵓⵛⴽⴰ ⵜⵓⵙⵎⵉⵔⵜ ⵅⴼ « ⵓⵙⵙⵓⵜⵔ ⵏ ⵉⵙⵖⵏⵓⵜⵏ» ⵏ ⵓⵣⵣⴳⵉⵔ  ⵓⵎⵙⴰⵛⴽⴰ, ⵃⵎⴰ ⴰⴷ ⵏⵏⵓⵕⵥⵎⵏ ⵡⴰⵏⴰⵡⵏ ⵏ ⵜⴷⴰⵍⵉⵡⵉⵏ ⵉⵣⴷⵉⵏ ⴷ ⵡⴰⵏⴰⵡ ⴰⴷ ⵏ ⵜⵖⵔⵉ ⴳ ⵉⴳⵔ ⵏ ⵜⵎⴰⴷⵔⴰⵡⵜ ⵜⴰⵎⴳⴳⴰⵢⵜ ⴷ ⵓⵥⵟⵟⴰ ⵏ ⵜⵙⵎⵓⵏⵉ ⵏ ⵉⵎⵖⵔⴰⴱⵉⵏ ⵏ ⴱⵕⵕⴰ.
ⵖⵎⴽⵍⵍⵉ ⵓⵔ ⵜⴳⵉ ⵜⵓⵙⵎⵉⵔⵜ ⴰⴷ ⴰⴱⵍⴰ ⵢⴰⵏ ⵡⴰⵏⴰⵡ ⵏ ⵓⵙⴽⴰⵔ ⵏ ⵜⵉⵔⵎⵉⵜ ⴱⴰⵛ ⴰⴷ ⵢⵉⵍⵉ ⵓⵙⵇⵇⵓⵍ ⵉ ⵢⵉⵙⵙⵓⴳⵎⵏ ⵏ ⵜⴰⵣⵣⴰⵏⵉⵏ ⵏ ⵉⵏⵎⵎⵓⴷⴷⴰ ⵏ ⵉⵎⵖⵔⴰⴱⵉⵏ ⵏ ⵜⵎⵉⵣⴰⵔ ⵏ ⴱⵕⵕⴰ ⵣⴳ ⵓⵎⵏⵉⴷ ⵍⵍⵉ ⴳ ⵔⴰⴷ ⵜⵏⵎⴰⵜⵜⵉ ⴷ ⵜⵏⵎⵎⵉⵔⵢⵓ ⵣⴳ ⴰⵙⴳⴳⵯⴰⵙ ⵏ ⵜⵖⵔⵉ ⵍⵍⵉ ⴷ ⵢⵓⵛⴽⴰⵏ 2011-2012.

• ⵉⵡⵜⵜⴰⵙⵏ:
  • ⴰⴷ ⵃⵟⵟⵓⵏ ⵜⴰⵣⵣⴰⵏⵉⵏ ⵜⴰⵎⴰⴳⵉⵜ ⵜⴰⵏⴰⵎⵓⵔⵜ ⵏⵏⵙⵏ ⴷ ⵜⵓⵙⵙⵏⴰ ⵜⴰⵣⵖⵔⵜⴰⵏⵜ ⴳ ⵓⵎⵏⵉⴷ ⵏⵏⵙ ⴰⵎⴰⵣⵉⵖ;
  • ⴰⵏⵏⵓⵕⵥⵎ ⵏ ⵡⴰⵏⴰⵡⵏ ⵏ ⵜⴷⴰⵍⵉⵡⵉⵏ ⵉ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ;
  • ⴰⵙⴷⵓⵙ ⵏ  ⵜⵎⴷⵔⴰⵡⵜ ⴷ ⵉⵎⴳⴳⴰⵢⵏ ⵏ ⵜⵎⵙⵎⵓⵏⵉⵏ ⵜⵉⵎⵖⵔⴰⴱⵉⵢⵉⵏ ⵍⵍⵉ ⵉⵙⵓⵡⵔⵉⵏ ⴳ ⵜⵎⵉⵣⴰⵔ ⵏ ⴱⵕⵕⴰ ⵙⵍⴰⵡⴰⵏ ⴰⴽⵯ ⴳ ⵓⴱⴰⵔⴰⵣ ⵏ ⵓⵙⴳⵎⵉ.

• ⵜⵉⵎⵉⵣⴰⵔ ⵏ ⵜⵣⴷⵓⵖⵜ:

  • ⵜⴰⴳⴰⵔⵜ ⵎⴰⵕⵕⴰ ⵏ ⵜⵎⵉⵣⴰⵔ ⵏ ⴱⵕⵕⴰ.
• ⵉⵎⵙⴼⴰⴷⵜⵏ ⵢⵓⵎⴰⵏ ⵔⴰⴷ ⵢⵉⵍⵉ ⴳ ⵜⵎⵙⵎⵓⵏⵉⵏ ⵜⵉⵎⴷⵔⴰⵡⵉⵏ:
  • ⴰⴷ ⵜⵉⵍⵉ ⵜⵎⵙⵎⵓⵏⵜ ⴳ ⵓⵙⵓⵔⵙ ⴰⵙⵍⴳⴰⵏ ⵉⵣⴷⴷⵉⴳⵏ;
  • ⴰⴷ ⴷⴰⵔⵙ ⵜⵉⵍⵉ ⵜⵥⴹⵓⵕⵉ ⴳ ⵓⵎⵏⵉⴷ ⵏ ⵓⴱⴷⴷⴻⴷ ⵏ ⵜⵎⵙⵎⵓⵏⵉⵏ;
  • ⴰⴷ ⴷⴰⵔⵙ ⵜⵉⵍⵉ ⵜⵓⵔⵎⵉ ⴳ ⵉⴳⵔ ⵏ ⵓⵙⵙⵍⵎⴷ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ;
  • ⴰⴷ ⴷⴰⵔⵙ ⵜⵉⵍⵉ ⵜⵔⴰⴱⴱⵓⵜ ⵏ ⵓⵙⴳⵎⵉ, ⵖⵎⴽⴰⵏ ⵓⵍⴰ ⵓⵏⵜⵉⵎⵏ ⵏ ⵓⵙⴳⵎⵉ ⵏⵏⴰ ⴷ ⵢⵓⵙⴰⵏ ⴷ ⵓⵙⵙⵍⵎⴷ ⵏ ⵜⵎⴰⵣⵉⵖⵜ.
  • ⴰⴷ ⴷ ⵓⵔ ⵉⴳⴳⵯⵣ ⵓⵙⵍⵎⴰⴷ ⵏ ⵜⵎⴰⵣⵉⵖⵜ ⵉ ⵢⵓⵙⵡⵉⵔ ⴰⵙⵉⵏⴰⵏ;
  • ⴰⴷ ⵉⵙⵙⵏ ⵓⵏⵍⵎⴰⴷ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵢⵉⵍⵉ ⴷⴰⵔⵙ ⵢⴰⵏ ⵓⵙⵎⵎⴰⵇⵍ ⵢⵓⴼⴰⵏ ⵅⴼ ⵜⵓⵙⵙⵏⴰ ⵜⴰⵎⴰⵣⵉⵖⵜ;
  • ⴰⴷ ⵜⵜⵓⵙⵙⵉⵏⵏ ⵡⵉⴷ ⵔⴰⴷ ⵉⵖⵔ ⵜⴰⵎⴰⵣⵉⵖⵜ (ⵓⵟⵟⵓⵏ, ⴰⵏⴰⵡ, ⵉⵙⵏⵓⵎⵎⵍⵏ);
  • ⵉⵅⵚⵚⴰ ⴰⴷ ⴳⵉⵏ ⵉⵣⵓⴳⴰⵍ ⵉⵖⴰⵡⵙⴰⵏⵏ ⴳ ⵓⵙⵖⵏⵓ ⵏ ⵜⵎⵙⴰⵙⵜⴰⵍⵜ ⵏ ⵓⵙⴳⴳⵯⴰⵙ ⵏ ⵜⵖⵔⵉ ⵜⵉⴷⵜ, ⴷ ⴰⴷ ⵎⵓⵏⵏ ⴷ ⵓⵏⵜⵉⵎⵏ ⵏⵏⵙⵏ;
  • ⴰⴷ ⵉⵣⵓⴳⵍ ⵡⴰⵎⵓ ⵏ ⵜⵎⴰⵡⴰⵙⵜ ⵙ ⵢⴰⵜ ⵜⴽⴽⵍⵉⵜ.

• ⴰⵙⴽⵜⵓⵔ ⵏ ⵜⵓⵣⴷⴰⵡⵜ:

-------------------------------------------------------------------------------
    ⴰⵣⵎⵣ /ⵜⴰⵍⵍⵉⵜ                                                                                             ⵜⵓⵣⴷⴰⵡⵜ
-------------------------------------------------------------------------------
ⵜⵓⵙⵎⵉⵔⵜ ⵅⴼ ⵓⵙⵙⵓⵜⵔ ⵏ ⵉⵙⵖⵏⵓⵜⵏ ⴷ ⵓⵙⵏⵓⴱⴳ ⵏ ⵜⵏⴽⴷⵉⵡⵉⵏ ---> ⵣⵉ 4 ⵉⵏⵏⴰⵢⵔ 2011 ⴰⵔ 15 ⴱⵕⴰⵢⵕ 2011
-------------------------------------------------------------------------------
ⴰⵙⵜⴰⵢ ⵏ ⵉⵙⵖⵏⵓⵜⵏ                                                       ---> ⵣⵉ 20 ⴱⵕⴰⵢⵕ 2011 ⴰⵔ 28 ⴱⵕⴰⵢⵕ 2011     
-------------------------------------------------------------------------------
ⵜⴰⵙⵙⵎⵖⵓⵏⵜ ⴷ ⵓⵙⵙⵏⵜⵉ ⵏ ⵜⵓⵡⵡⵔⵉ                              ---> ⵣⵉ ⴰⵎⵣⵡⴰⵔⵓ ⴳ ⵎⴰⵕⵚ ⴰⵔ 10 ⵎⴰⵕⵚ 2011
-------------------------------------------------------------------------------

• ⵜⵉⵣⵍⵖⴰⵜⵉⵏ ⵏ ⵜⵎⴰⴷⵔⴰⵡⵜ ⴷ ⵉⵙⴰⵔⴰⴳⵏ ⵏ ⵜⴷⵔⵉⵎⵜ ⴷ ⵓⵙⴷⵓⵙ:

  1. ⵜⵉⵡⵉⵙⵉ ⵏ ⵜⵎⵙⵎⵓⵏⵜ : ⵔⴰⴷ ⵜⴼⴽ ⵜⵎⵙⵎⵓⵏⵜ ⵉⴷⵔⴰⵏ ⴳ ⵓⵖⴰⵡⴰⵙ ⴰⴷ ⵢⴰⵏ ⵓⵙⵖⵍ ⴳ ⵜⵎⵙⴰⵙⵜⴰⵍⵜ ⵜⴰⵎⴰⵜⴰⵢⵜ ⵉⵥⵍⵉⵏ ⵙ ⵓⵙⵖⵏⵓ.
  2. ⵜⵉⵡⵉⵙⵉ ⵏ ⵜⵎⴰⵡⴰⵙⵜ ⵏ ⵉⵏⵎⵎⵓⴷⴷⴰ ⵉⵎⵖⵔⴰⴱⵉⵏ ⵣⴷⵖⵏ ⵉⵏ ⴳ ⵜⵎⵉⵣⴰⵔ ⵏ ⴱⵕⵕⴰ.
     • ⴰⴷ ⵜⴰⵡⵙ ⵜⵎⴰⵡⴰⵙⵜ ⴳ ⵜⵎⵙⴰⵙⵜⴰⵍⵜ ⵜⴰⵎⴰⵜⴰⵢⵜ ⵉⵥⵍⵉⵏ ⵙ ⵓⵙⴽⵔ ⵏ ⵓⵙⵖⵏⵓ ⵙⵍⴰⵡⴰⵏ ⴰⴽⵯ ⵎⴰⴷ ⵉⵥⵍⵉⵏ ⵙ ⵉⵣⵓⴳⴰⵍ ⵏ ⵓⵖⴰⴼⵉⵔ ⵏ ⵜⴷⴰⵍⵉⵡⵉⵏ ⴷ ⵡⴰⵔⵔⴰⵣⵏ ⵏ ⵉⴼⵔⵜⵏ ⵏ ⵓⵙⴳⵎⵉ.
     • ⵉⵡⵡⵓⵜⵜⴰ ⵓⵙⵖⵍ ⵏ ⵜⵡⵉⵙⵉ ⵏ ⵜⵎⴰⵡⴰⵙⵜ ⵙ ⵜⵖⴰⵔⵉⵡⵉⵏ ⴷ ⵜⴰⵢⵔⵉⵡⵉⵏ ⵏ ⴽⵔⴰⵢⴳⴰⵜ ⵜⴰⵎⵙⵎⵓⵏⵜ.
  3. ⵜⵉⵡⵉⵙⵉ ⵏ ⵓⵙⵉⵏⴰⴳ ⴰⴳⵍⵎⴷⴰⵏ ⵏ ⵜⵓⵙⵙⵏⴰ ⵏ ⵜⴰⵎⴰⵣⵉⵖⵜ.ⴰⴷ ⵢⴰⵡⵙ ⵓⵙⵉⵏⴰⴳ ⴰⴼⴰⴷ ⴰⴷ ⵢⵉⵍⵉ ⵓⵙⵖⵏⵓ ⴰⴷ ⵙ:
     • ⴰⵙⴳⵔⵔⵓ ⵏ ⵉⵙⴳⴳⵓⵔⵏ ⵉⴷⵉⴷⴰⴽⵜⵉⴽⵉⵏ ⴷ ⵉⴷⵍⵉⵙⵏ ⵏ ⵜⵉⵏⵎⵍ;
     • ⴰⵙⴳⵔⵔⵓ ⵏ ⵓⵙⵉⵍⵖ ⵏ ⵓⵙⴳⵎⵉ ⴷ ⵓⵙⵉⵍⵖ ⵉⵣⴷⵉⵏ ⵏ ⵉⴼⵔⵜⵏ ⵏ ⵓⵙⴳⵎⵉ ⴷ ⵉⵏⴱⴷⴰⴷⵏ ⵏ ⵉⵎⵙⵙⴰⴳⵓⵔⵏ.
  4. ⵜⵉⵍⵇⵇⵉ ⵏ ⵜⵎⴰⴷⵔⴰⵡⵜ:
     • ⴰⵏⵏⵓⵕⵥⵎ ⵏ ⵜⴷⴰⵍⵉⵡⵉⵏ ⵉⵥⵍⵉⵏ ⵙ ⵓⵙⵡⵉⵔ ⴰⵎⵣⵡⴰⵔⵓ ⵣⴳ ⵓⵙⵎⵍⴷ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵉ ⵢⵉⴼⵔⵅⴰⵏ ⵍⵍⵉ ⵍⵍⴰⵏⵉⵏ ⴳⵔ 06 ⴷ 12 ⵏ ⵓⵙⴳⴳⵯⴰⵙ.
     • ⴰⴷ ⵉⴳ ⵓⵎⴹⴰⵏ ⵏ ⵉⴼⵔⵅⴰⵏ ⵍⵍⵉ ⵉⵜⵜⵓⵣⵎⵎⴰⵎⵏⵉⵏ ⴳ ⵢⴰⵜ ⵜⴷⴰⵍⴰ ⴳⵔ 15 ⴷ 20 ⵏ ⵓⴼⵔⵓⵅ.
• ⵜⵉⵣⵉ:
   ⴰⵣⵎⵣ ⴰⵎⴳⴳⴰⵔⵓ ⴳ ⵓⵙⴳⴳⵯⴰⵙ ⵏ ⵜⵖⵔⵉ ⴰⴷ: ⵣⵉ 20 ⵎⴰⵕⵚ ⴰⵔ 20 ⵢⵓⵏⵢⵓ 2011.

• ⵜⴰⵎⴰⵎⴽⵜ ⵏ ⵜⵉⴷⵊⵉⵜ ⵏ ⵓⵙⴷⴰⵡⵏ :

  ⵉⵍⵍⴰ ⵅⴼ ⴽⵓ ⵜⴰⵎⵙⵎⵓⵏⵜ ⵉⴷⵔⴰⵏ ⴰⴷ ⵜⴰⵣⵏ ⴰⵜⵔ ⵏⵏⵙ ⵙ ⵡⴰⵎⵎⴰⵙ ⵏ ⵜⵎⵙⵇⴰⴷⵜ ⵏⵖⴷ ⴰⴷⵉⴱⵍⵓⵎⴰⵙ ⵉⴹⴼⵕⵏ ⵉ ⵓⴷⵖⴰⵔ ⵍⵍⵉ ⴳ ⵉⵍⵍⴰ, ⵍⵍⵉ ⵔⴰⴷ ⵜⵉⴷ ⵢⴰⵣⵏ ⴳ ⵓⵎⵏⵉⴷ ⵏⵏⵙ ⵉ ⵜⵎⴰⵡⴰⵙⵜ. 

• ⵜⴰⵖⵓⵔⵉ ⵏ ⵓⵙⴷⴰⵡⵏ:

  ⴰⴽⵓⴷ ⵏⵏⴰ ⵜⵜⵓⵙⵖⵍⴰⴼⵏ ⵡⴰⵙⴷⴰⵡⵏ, ⵔⴰⴷ ⵜⵏ ⵜⵖⵔ ⵢⴰⵜ ⵜⵙⵇⵇⵉⵎⵜ ⵜⴰⴷⵔⴰⵡⵏⵜ ⴳⵔ ⵜⵎⴰⵡⴰⵙⵜ ⵏ ⵉⵏⵎⵎⵓⴷⴷⴰ ⵉⵎⵖⵔⴰⴱⵉⵏ ⵉⵣⴷⵖⵏ ⴳ ⵜⵎⵉⵣⴰⵔ ⵏ ⴱⵕⵕⴰ ⴷ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵅⴼ ⵉⵏⴰⵡⴰⵢⵏ ⴰⴷ:
  • ⴰⵣⵔⴽ ⵏ ⵜⴼⴰⴷⵉⵡⵉⵏ ⵏ ⵜⵏⴽⴷⴰ;
  • ⵜⴰⵏⵥⵎⴰⵢⵜ ⵏ ⵓⵙⴷⴰⵡ ⴷ ⵓⵣⵔⴽ ⵏⵏⵙ ⵉ ⵜⴼⴰⴷⵉⵡⵉⵏ ⵏ ⵓⵙⵙⵓⵜⵔ ⵏ ⵉⵙⵖⵏⵓⵜⵏ;
  • ⴰⴷⵔⴰⵡ  ⵉⴳⴰⵏ ⵜⵉⴷⴰⵏⵜ ⵏ ⵜⴰⵣⵣⴰⵏⵉⵏ;
  • ⵜⵓⵙⵓⵔⵜ ⵏ ⵜⵉⴷⵜ ⵅⴼ ⵓⵙⵎⵉⵍ ⵏ ⵉⵙⴱⵉⴷⴷⵔⵏ.

ⴰⴽⵓⴷ ⵏⵏⴰ ⵜⵎⵙⴰⵙⴰ ⵜⵙⵇⵇⵉⵎⵜ ⵅⴼ ⵜⵡⵉⵙⵉ ⵏ ⵓⵙⵖⵏⵓ, ⵔⴰⴷ ⵜⴰⵣⵏ ⵜⵎⴰⵡⴰⵙⵜ ⵉ ⵜⵎⵙⵎⵓⵏⵜ ⵍⵍⵉ ⵢⵓⵙⵉⵏ ⴰⵙⵖⵏⵓ ⵢⴰⵏ ⵓⵎⵙⴰⵛⴽⴰ ⵍⵍⵉ ⴳ ⵔⴰⴷ ⵜⵙⵙⴼⴰⵡ ⴰⵙⵏⵜⵍ ⴷ ⵉⵡⵜⵜⴰⵙⵏ, ⵖⵉⴽⴰⵏ ⵓⵍⴰ ⴷ ⵜⵙⵓⵖⴰⵏ ⵥⵍⵉⵏⵉⵏ ⵙ ⵜⵏⴽⴷⴰ ⵏ ⵜⴰⵏⵜⴰⵎⵉⵏ ⵢⴰⴽⴽⴰⵏ ⵜⵓⴳⴳⴰ ⵅⴼ ⵎⴰⵎⵏⴽ ⵙ ⵉⵜⵜⵓⵣⵎⵣⵣⵔ ⵓⵙⵖⵏⵓ ⴰⴷ.
ⵜⵉⴳⵉⵔⴰ ⵏ ⵓⵣⵡⵓⵍ ⵅⴼ ⵓⵎⵙⴰⵛⴽⴰ, ⵔⴰⴷ ⵜⵙⵎⵓⵜⵜⵉ ⵜⵎⴰⵡⴰⵙⵜ ⵉⵇⴰⵔⵉⴹⵏ ⵙ ⵓⵚⵉⴹⵏ ⵏ ⵜⵎⵙⵎⵓⵏⵜ ⴹⴰⵕⴰⵟ ⵙⵉⵢⵢⵉⵔⵏ ⵅⴼ ⵓⵣⵡⵓⵍ ⵏ ⵓⵎⵙⴰⵛⴽⴰ ⵔⴳⴰⵜⵙⵏ.

• ⴰⵙⴹⴼⵕ ⴷ ⵓⵙⵜⴰⵍ/ ⵜⴰⵢⴰⴷⵓⵣⵜ:

  ⴰⴽⵓⴷ ⵏⵏⴰ ⵉⵀⵢⵢⴰ ⵓⵙⴳⴳⵯⴰⵙ ⵏ ⵜⵖⵔⵉ ⵉⵍⵍⴰ ⵅⴼ ⵜⵎⵙⵎⵓⵏⵜ ⵍⵍⵉ ⵢⵓⵎⵥⵏ ⴰⵙⵖⵏⵓ, ⴰⴷ ⵜⴰⵣⵏ ⵉ ⵜⵎⴰⵡⴰⵙⵜ ⵙⴳ ⵡⴰⵎⵎⴰⵙ ⴰⴷⵉⴱⵍⵓⵎⴰⵙⵉ ⵜⴰⵏⵜⴰⵎⵉⵏ ⴰⴷ:
  • ⵜⴰⵏⴰⴹⵜ: ⴰⴷ ⵜⴳ ⵜⴰⵏⴰⴹⵜ ⵢⴰⴽⴽⴰⵏ ⵢⴰⵏ ⵓⵙⵎⵎⴰⵇⵍ ⵢⵓⵎⴰⵏ ⵅⴼ ⵜⵓⵙⴽⵉⵔⵉ ⵏ ⵓⵙⵖⵏⵓ, ⵜⵉⵍⵉ ⴳⵉⵙ ⵙⵎⵎⵓⵙⵜ (5) ⵜⵙⵏⵉⵡⵉⵏ, ⵉⵎⵓⵏ ⵓⵍⴰ ⴷ ⵓⵖⴰⵡⴰⵙ ⵏ ⵜⵉⵣⵉ ⵍⵍⵉ ⴳ ⵔⴰⴷ ⵜⵜⵓⵙⴽⵉⵔⵏ ⵉⵎⵓⵙⵙⵓⵜⵏ ⵏ ⵓⵙⵖⵓⵏ ⴰⴷ.
  • ⵜⴰⵏⴰⴹⵜ ⵏ ⵜⴷⵔⵉⵎⵜ: ⴰⴷ ⵜⴳ ⵜⴰⵏⴰⴹⵜ ⵅⴼ ⵎⴰⵎⵏⴽ ⵙ ⵉⵣⵎⵣⵣⵔ ⵓⴷⵔⵉⵎ ⵍⵍⵉ ⵉⵜⵜⵓⴼⴽⴰⵏ, ⵢⵉⵍⵉ ⴳⵉⵙ ⵓⵍⴰ ⵓⴼⵔⵓⵔⵉ ⵙ ⵉⵙ ⵉⵥⵍⵉⵏ. ⵖⵎⴽⵍⵍⵉ ⵔⴰⴷ ⴳⵉⵙ ⵜⵉⵍⵉ ⵜⵉⵣⵉ ⵍⵍⵉ ⴳ ⵉⵜⵜⵓⵙⴽⴰⵔ ⵢⴰⵙⵉ ⴰⵣⵡⵓⵍ ⵏ ⵓⵎⵖⴰⵔ ⵏ ⵜⵎⵙⵎⵓⵏⵜ. ⵢⵉⴼⵉⵡ ⴳⵉⵙ ⵓⵍⴰ ⵎⵏⵛⴽ ⵏ ⵓⴷⵔⵉⵎ ⴷ ⵎⴰⵏⵉ ⴷ ⵉⴽⴽⴰ.
  • ⴳ ⵜⵉⵣⵉ ⵍⵍⵉ ⴳ ⴰ ⵢⵉⵜⵜⵓⵙⴽⵉⵔ ⵓⵙⵓⵖⵏ, ⵜⵥⴹⴰⵕ ⵜⵎⴰⵡⴰⵙⵜ ⵏⵖⴷ ⴰⵎⵙⵙⵉⴼⴹ ⵏⵏⵙ ⴰⴷ ⴷ ⵜⴽⴽ ⴰⴷⵖⴰⵔ ⵏ ⵜⵖⵔⵉ ⴰⴼⴰⴷ ⴰⴷ ⵜⴱⵉⴷ ⵅⴼ ⵓⵣⵣⵉⵔ ⵉⵥⵉⵍⵏ ⵏ ⵜⵓⵡⵡⵔⵉ.
    
•  ⴰⵣⵎⵣ ⵏ ⵓⵙⵏⵓⴱⴳ ⵏ ⵓⵙⴷⴰⵡⵏ:

ⵣⵉ 04 ⵉⵏⵏⴰⵢⵔ ⴰⵔ 15 ⴱⵕⴰⵢⵕ 2011.