ⴰⵙⵓⵖⵍ ⵖⵔ ⵜⵎⴰⵣⵉⵖⵜ ⴰⵙⵎⵓⵜⵜⴳ ⵉ ⵡⴰⵙⵙ ⴰ ⴷ ⵉⵎⴰⵍ

ⵙ ⵜⵎⴷⵔⴰⵡⵜ ⵏ ⵡⴰⵎⵎⵙ ⵏ ⵓⵙⵎⵙⴰⵙⴰ ⵏ ⵜⵓⵜⵍⴰⵢⵜ, ⴷⴰ ⵉⵙⵏⵎⴰⵍⴰ ⵡⴰⵎⵎⴰⵙ ⵏ ⵓⵙⵓⵖⵍ ⴷ ⵓⵏⵜⴰⵎ ⴷ ⵜⵥⵕⵉⴳⵜ ⴷ ⵓⵎⵢⴰⵡⴰⴹ ⵜⴰⵡⴰⵍⴰ ⵜⵉⵙⵙ ⵙⵏⴰⵜ ⵏ ⵓⵙⵎⵓⵜⵜⴳ, ⴷⴷⴰⵡ ⵏ ⵜⵎⴰⵜⴰⵔⵜ: “ⴰⵙⵓⵖⵍ ⵙ ⵜⵎⴰⵣⵉⵖⵜ: ⴰⵙⵎⵓⵜⵜⴳ ⵉ ⵡⴰⵙⵙⴰ ⴷ ⵉⵎⴰⵍ”, ⵙⴳ 10 ⴰⵔ 14 ⵢⵓⵏⵢⵓ 2018, ⴳ ⵓⵙⵖⵉⵎ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.

ⵉⴽⵛⵎ ⵓⵙⵎⵓⵜⵜⴳ ⴰⴷ ⴳ ⵉⵎⵓⵙⵙⵓⵜⵏ ⵉⴽⴰⴷⵉⵎⵉⵜⵏ ⵏ ⵡⴰⵎⵎⴰⵙ, ⴷ ⵉⵟⵟⴼ ⵙ ⴽⵉⴳⴰⵏ ⵏ ⵡⴰⴽⵓⵎⵏ: ⴰⵙⵎⵓⵜⵜⴳ ⵉⵎⵉⵥⵉⵕ ⵏⵏⴰ ⵉⵙⴰⵡⴰⵍⵏ ⵅⴼ ⵓⵙⵓⵖⵍ ⵣⵓⵏⴷ ⵉⴳⵔ ⵉⵥⵍⵉⵏ ⴷ ⵓⵙⵎⵓⵜⵜⴳ ⵉⵙⵜⵉⵏ. ⵜⵉⵏⴰⵡⵜⵉⵏ ⴰⴷ ⵏⵏⴰ ⵏⵏⴰⵏ ⴰⴷ ⴼⴽⵏ ⵉⵎⵔⵣⴰ ⵏ ⵡⴰⵎⵎⴰⵙ ⴷ ⵢⴰⵏ ⵓⵎⵓⵣⴰⵢ ⵙⴳ ⴱⵕⵕⴰ, ⴰⴷ ⵜⵏ ⴹⴼⵓⵕⵏ ⵉⵙⵉⵔⵎⵏ ⵉⵎⵙⴽⵔⵏ ⵏ ⵓⵙⵓⵖⵍ ⵙ ⵜⵎⴰⵣⵉⵖⵜ. ⴳ ⵜⵡⴰⵍⴰ ⴰⴷ, ⵍⵍⴰⵏⵜ ⴷⴰⵖ ⵜⵉⵏⴰⵡⵜⵉⵏ ⵅⴼ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⵏⵏⴰ ⵅⴼ ⵜⵜⴱⴷⴷⴰⵏ ⵉⵎⵔⵣⴰ ⵏ ⵡⴰⵎⵎⴰⵙ ⵏ ⵓⵙⵎⵙⴰⵙⴰ ⵏ ⵜⵓⵜⵍⴰⵢⵜ.

ⴳ ⵜⵢⵉⵔⴰ ⵏ ⵓⵎⵓⵙⵙⵓ ⴰⴷ, ⴰⴷ ⵜⵜⵓⴼⴽⵏ ⵉⵙⵍⴽⵉⵏⵏ ⵉ ⵉⵎⴷⵔⴰⵡⵏ ⵏ ⵓⵙⵎⵓⵜⵜⴳ.