دراسات في رهانات الأنساق الثقافية

ⴰⵔ ⵉⵙⴰⵡⴰⵍ ⵓⴷⵍⵉⵙ ⴰⴷ ⵅⴼ ⵜⵎⵓⴽⵔⵉⵙⵜ ⵏ ⵜⵏⵏⵓⵎⵙⴰ ⵏ ⵜⴷⵍⵙⴰ ⴳ ⵍⵎⵖⵔⵉⴱ ⵏ ⵡⴰⵙⵙ ⴰⴷ. ⵉⵇⵇⴰⵏ ⴷ ⴰⴷ ⵉⵜⵜⵡⴰⵚⴽⴰ ⵓⵙⵡⵓⴷⴷⵓ ⵏ ⵉⵎⵙⴰⵔⴰⵙ ⵏⵏⵙ ⵅⴼ ⵙⵏⴰⵜ ⵜⵖⴰⵡⵙⵉⵡⵉⵏ : «ⵜⴰⵙⵎⴰⴹⴰⵍⵜ» ⴷ «ⵜⴷⵖⴰⵔⴰⵏⵜ». ⴰⵔ ⵙⴰⵡⴰⵍⵏ ⵉⵙⴼⵙⵉⵜⵏ ⵏ ⵓⴷⵍⵉⵙ ⴰⴷ ⵅⴼ ⵉⵎⵉⵣⵉⵜⵏ ⵉⵏⵉⴳⵍⵏ ⵏ ⵓⵎⵢⴰⵏⴰⵡ ⴰⴷⵍⵙⴰⵏ ⴳ ⵢⴰⵏ ⵓⵎⵏⴰⴹ ⵏ ⵜⵙⵎⴰⴹⴰⵍⵜ, ⴷ ⵉⴼⵙⴰⵔⵏ ⵉⵍⵍⴰⵏ ⴳ ⵢⵉⴳⵔ ⴰⴷⵍⵙⴰⵏ, ⵙⵍⴰⵡⴰⵏ ⴰⴽⴽⵯ ⴰⵢⵍⵍⵉ ⵉⵣⴷⵉⵏ ⵙ ⵜⴼⵉⵍⴰⵡⵜ «ⵜⴰⵏⴳⵔⴷⵍⵙⴰⵏⵜ», ⴷ ⵜⵏⵎⴳⴰⵍ ⵉⵍⵍⴰⵏ ⴳ ⵉⵏⴰⵡⵏ ⴷ ⵉⵙⵙⴰⵏ ⵙⴳ ⵡⴰⵢⴷⴰ, ⴷ ⵓⵎⵎⵛⴽⵍ ⵏ ⵓⵎⵢⴰⵙⵙⴰ ⵏⴳⵔ «ⵜⴰⴹⴼⵕⵜ» ⴷ «ⵜⵎⵜⵔⴰⵔⵜ», ⴷ ⵉⵏⴳⴰⵥⵏ ⵏ «ⵓⵙⵉⴳⴳⵍ ⵙ ⵜⵎⴰⴳⵉⵜ». ⴰⵔ ⵜⵎⵎⴰⵍ ⵜⵎⵔⴳⴰⵍⵜ ⵏ ⵓⴷⵍⵉⵙ ⴰⴷ ⵜⴰⴱⵔⵉⴷⵜ ⵖⵔ ⵜⵓⵚⴽⴰ ⵏ «ⵜⵎⵓⵔⵉ ⵜⴰⵎⵖⵔⴰⴱⵉⵜ». ⵏⴹⴼⴰⵕ ⴳ ⵜⵖⵓⵔⵉ ⴰⴷ ⵢⴰⵜ ⵜⵎⵢⴰⴷⴰⵙⵜ ⵉⴱⴷⴷⵏ ⵅⴼ ⵜⵙⵓⵙⵢⵓⵍⵓⵊⵉⵜ ⵏ ⵓⵣⵖⴰⵏ ⵏ ⵜⴽⵉⵕⵉⴹⵜ ⵜⵉⵏⵉⴳⵍⵜ.