ⴰⵙⵜⴰⵍ ⵏ ⵉⵍⵎⵎⵓⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵓⵙⵍⵎⴷ ⴰⵎⵏⵣⵓ. ⵜⴰⵏⴰⴹⵜ ⵜⴰⵙⴼⵙⴰⵢⵜ

ⵏⵜⵜⴰⴼ ⴽⵉⴳⴰⵏ ⵏ ⵜⵍⴽⴰⵎⵉⵏ ⵜⵡⴰⴳⴳⵏⵜ ⴳ ⵢⵉⴳⵔ ⵏ ⵓⵙⵍⵎⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷⴼⴼⵉⵔ ⵏ ⵎⵔⴰⵡ ⵏ ⵉⵙⴳⴳⵯⴰⵙⵏ ⵅⴼ ⵓⵙⵉⴷⴼ ⵏⵏⵙ ⴳ ⵜⵉⵏⵎⵍ ⵜⴰⵎⵖⵔⴰⴱⵉⵜ.
ⵃⵎⴰ ⴰⴷ ⵏⵙⵙⵏ ⵎⴰⵎⵛ ⴳⴰⵏ ⵉⵍⵎⵎⵓⴷⵏ ⵏ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⴳ ⵜⵉⵍⴰⵍ ⵏ ⵜⵖⵔⵉ ⴷ ⵓⴼⴰⵔⵙ ⵏ ⵜⵉⵔⵔⴰ ⵏ ⵉⵙⵡⵉⵔⵏ ⵡⵉⵙⵙ ⴽⴽⵓⵥ ⴷ ⵡⵉⵙⵙ ⵙⵎⵎⵓⵙ ⵏ ⵓⵙⵙⵍⵎⴷ ⴰⵎⵏⵣⵓ, ⵉⴳⴳⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵙⵉⴳⴳⵍ ⴰⴷ ⵉⵣⴷⵉⵏ ⵙ ⵓⵙⵜⴰⵍ ⵏ ⵉⵍⵎⵎⵓⴷⵏ ⴰⴷ.  ⵏⵙⵙⵉⵜⵉⵎ ⴰⴷ ⵜⴰⵡⵙ ⵜⵡⵓⵔⵉ ⴰⴷ ⴳ ⵓⴱⵔⵉⴷ ⵏ ⵓⵙⵙⵉⵔⵉⵡ ⴷ ⵓⵙⴱⵓⵖⵍⵓ ⵏ ⵓⵙⵙⵍⵎⴷ ⴷ ⵓⵍⵎⵎⵓⴷ ⵏ ⵜⵓⵜⵍⴰⵢⵜ ⵜⴰⵎⵣⵉⵖⵜ.