La terminologie dans les langues peu dotées: Elaboration, méthodologie et retombées

ⵍⵍⴰⵏⵜ ⴳ ⵜⵙⵏⵉⵔⵎⵉⵏ ⵏ ⵜⵓⵜⵍⴰⵢⵉⵏ ⵎⵉ ⴷⵔⵓⵙⵏ ⵉⵙⵓⴳⴰⵎ, ⵣⵓⵏ ⴷ ⵜⴰⵎⴰⵣⵉⵖⵜ, ⴽⵉⴳⴰⵏ ⵏ ⵜⵎⵓⴽⵔⵉⵙⵉⵏ. ⵃⵎⴰ ⴰⴷ ⵉⴱⵓⵖⵍⵓ ⵓⵙⵡⵉⵏⴳⵎ ⴳ ⵜⵏⵥⵕⵜ ⵜⴰⵙⵏⵉⵔⵎⵜ ⴳ ⵜⵓⵜⵍⴰⵢⵉⵏ ⴰ, ⵉⵙⵏⵎⴰⵍⴰ ⵡⴰⵎⵎⴰⵙ ⵏ ⵓⵙⵎⵙⴰⵙⴰ ⵏ ⵜⵓⵜⵍⴰⵢⵜ ⵢⴰⵏ ⵓⵏⵎⵓⵇⵇⴰⵔ ⴰⴳⵔⴰⵖⵍⴰⵏ ⵓⵙⵙⴰⵏ ⵏ 14 ⴷ 15 ⴷⵓⵊⴰⵏⴱⵉⵔ 2017 ⵅⴼ « ⵜⴰⵙⵏⵉⵔⵎⵜ ⴳ ⵜⵓⵜⵍⴰⵢⵉⵏ ⵎⵉ ⴷⵔⵓⵙⵏ ⵉⵙⵓⴳⴰⵎ : ⴰⵙⴽⴰⵔ ⴷ ⵜⴱⵔⵉⴷⵜ ⴷ ⵜⵓⵖⵓⵍⵉⵏ ». 

ⵉⵙⵎⵓⵏ ⵓⴷⵍⵉⵙ ⴰ ⵜⵉⵡⵓⵔⵉⵡⵉⵏ ⵏ ⵓⵏⵎⵓⵇⵇⴰⵔ ⴰ. ⵉⵡⵉⵏ ⴷ ⵉⵎⵏⵏⵉⵜⵏ ⵍⵍⵉ ⴳⵉⵙ ⵅⴼ ⵜⵎⵙⵍⴰⵢⵉⵏ ⵏ ⵜⵙⵏⵉⵔⵎⵜ ⵜⴰⵎⵔⵙⴰⵍⵜ ⴷ ⵓⵎⵙⴰⵙⴰ ⴰⵙⵏⵉⵔⵎ ⴷ ⵓⵙⵏⵓⵍⴼⵓ ⵏ ⵜⴳⵓⵔⵉⵡⵉⵏ ⴷ ⵓⵥⵥⵓ ⵏ ⵜⵙⵏⵉⵔⵎⵜ ⴷ ⵓⵙⵢⵉⵡⵏ ⵏⵏⵙ, ⴰⵔ ⵎⵎⴰⵍⵏⵜ ⵜⵡⵓⵔⵉⵡⵉⵏ ⴰ ⵎⴰⵙ ⵜⵙⴽⵔ ⵜⵙⵏⵉⵔⵎⵜ ⵜⴰⵎⴰⵣⵉⵖⵜ ⵢⴰⵜ ⵜⵙⵓⵔⵉⴼⵜ ⵜⴰⵅⴰⵜⴰⵔⵜ ⵖⵔ ⴷⴰⵜ ; ⵜⴳⴰ ⵢⴰⵜ ⵜⵎⵙⵙⵏⵜⵉⵜ ⵉⵜⵜⴰⵡⵙⵏ ⴳ ⵓⵙⴱⵓⵖⵍⵓ ⵏ ⵓⵎⴰⵡⴰⵍ ⴰⵎⴰⵣⵉⵖ, ⴷ ⵓⵙⵉⵙⵙⵏ ⵏⵏⵙ ⴷ ⵓⵙⵜⵔⴰⵔ ⵏⵏⵙ. ⵜⴳ ⵓⵍⴰ ⵢⴰⵏ ⵓⵙⵉⵔⵎ ⵉ ⵓⵙⴷⵓⵙ ⵏ ⵓⵎⴰⵡⴰⵍ ⴷ ⵜⵙⵏⵉⵔⵎⵜ ⵏ ⵜⵎⴰⵣⵉⵖⵜ ⵍⵍⵉ ⵉⵣⵎⵔⵏ ⴰⴷ ⴰⵙ ⵉⵡⵛ ⵜⵉⵙⵖⴰⵏ ⵏ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ.