ⵜⴰⵢⵙⴰ ⴷ ⵉⵙⵓⵍⴰⵢ ⴳ ⵍⵎⵖⵔⵉⴱ

ⵢⵓⵎⴰ ⵓⴷⵍⵉⵙ ⴰ ⵜⵉⵡⵉⵙⵉⵡⵉⵏ ⵏ ⵉⵎⵙⵉⴳⴳⵉⵍⵏⵏ ⴳ ⵓⵎⵙⴰⴳⴰⵔ ⵏ ⵜⵎⵙⵙⵓⵏⵜ ⵉⴳⴳⴰ ⵡⴰⵎⵎⴰⵙ ⵏ ⵜⵖⵓⵔⵉⵡⵉⵏ ⵜⵉⵙⵏⴰⴼⴳⴰⵏ ⴷ ⵜⵉⵙⵏⴰⵎⵓⵏⵉⵏ ⴳ ⵜⵎⴷⵉⵏⵜ ⵏ ⵎⵕⵕⴰⴽⵛ ⵓⵙⵙⴰⵏ ⵏ 25 ⴷ 27 ⵛⵓⵜⴰⵏⴱⵉⵔ 2007.

ⵜⵙⵙⵓⵜⵓⵍⵏⵜ ⵜⵓⴳⴳⵜ ⵏ ⵜⵡⵉⵔⵉⵡⵉⵏ ⴰ  ⵅⴼ ⵡⴰⵎⵎⴰⴽ ⵏ ⵜⵢⵙⵉ ⵏⵉⵖ ⵏ ⵡⴰⵢⴷⴰ,  ⵙ ⵡⵓⴳⴳⵓⴳⵏ ⵏⵏⵙ ⴰⵏⴳⴰⵡⵉ ⵏⵖ ⴰⵔⵏⴳⴰⵡⵉ, ⴰⵏⴰⵣⵓⵏ ⵏⵖ ⴰⵎⵏⴰⴹ.

ⵎⵎⴰⵖⵏ ⵉⵎⵙⵉⴳⴳⵉⵍⵏ ⵢⵉⵡⵙⵏ ⴳ ⵜⵡⵓⵔⵉ ⴰ ⴰⴷ ⵙⵙⴰⴳⴳⵯⵏ ⵓⴷⵎⴰⵡⵏ ⵏ ⵜⵢⵙⵉ ⵜⴰⵎⵖⵔⵉⴱⵉⵢⵜ, ⵙⵍⵍⴰⵡⵏⵜⴰⴽⴽⵯ ⵜⴰⵢⵙⵉ ⵜⴰⵎⴰⵣⵉⵖⵜ, ⵍⵍⵉ ⵉⴳⴰⵏ, ⵙ ⵓⵎⵏⴰⴷ ⵏⵏⵙⵏ, ⵓⴳⴳⵓⴳ ⴰⵅⴰⵜⴰⵔ ⴷ ⵓⴳⴳⵓⴳ ⵉⵏⵜⵜⵉ ⵏ ⵜⵢⵙⵉ ⴰⴷ. ⵙⴰⵡⵍⵏ ⵎⴽ ⴰⴷ ⵅⴼ ⵡⴰⵜⵉⴳ ⴷ ⵜⴱⵖⵓⵔⵉ ⵏ ⵜⵢⵙⵉ ⵏ ⵉⵥⵕⴰⵏ, ⵉⴳⵣⵣⴰⵢⵏ ⴷ ⵡⵓⵏⵓⵖⵏ ⴷ ⵢⵉⵏ ⵢⵓⵙⵉⵏ ⵜⵉⵔⵔⴰ ⵜⴰⵇⴱⵓⵔⵜ ⵙ ⵉⵙⴽⴽⵉⵍⵏ ⵉⵎⴰⵣⵉⵖⵏ, ⴷ ⵎⴰⵎⵏⴽ ⴰⵙ ⵉⵎⵎⵔ ⴰⴷ ⵉⵜⵜⵓⴳⴳ ⵉⵊⵊ ⵏ ⵡⵓⵎⵓⵖ ⵉⵎⴷⴰⵏ ⴷ ⵜⴳⵏⵉ ⵏ ⵉⵛⵜ ⵏ ⵜⵙⵜⵔⴰⵜⵉⵊⵉⵢⵜ ⵏ ⵓⵙⵓⵙⵜⵏ ⴷ ⵜⵉⴹⴰⴼ ⵏ ⵜⵢⵙⵉ ⵇⴰⵃ ⵎⵏⵉⴷ ⵏ ⵜⵓⴽⴽⵕⴹⴰ, ⴷ ⵓⵙⵙⵔⴷⵍ, ⴷ ⵜⵏⵣⵣⵓⵢⵜ ⵜⴰⵔⵣⵔⴼⴰⵏⵜ.

ⴳⴳⵔⵏⵜⵏ ⴷⴰⵖ ⵜⵡⵉⵙⵏ ⴰⴷ ⵉ ⵓⴷⵎⴰⵡⵏ ⵢⴰⴹⵏ ⵏ ⵜⵢⵙⵉ ⴰⴷ ⵣⵓⵏ ⴷ ⵜⵓⵚⴽⴰ, ⴰⵢⴷⴰ, ⴰⵔⵔⴰⵜⵏ ⴷ ⵉⵡⵏⵏⵉⵜⵏ ⵏ ⵓⵙⵏⵓⵍⴼⵓ ⴷ ⵓⵥⴰⵡⴰⵏ ⴷ ⵓⵔⴽⴽⴰⵣ ⴷ ⵜⵉⵢⵢⴰⵜ ⴷ ⵉⵙⵏⵡⵉ, ⵎⴽⵍⵉ ⴷ ⵉⵡⵉⵏⵜ ⴰⵡⴷ ⵅⴼ ⵜⵎⵙⵙⵏⵜⴰ ⵜⵉⵏⴰⵎⵓⵏⵉⵏ ⵉⵣⴷⵉⵏ ⴷ ⵓⴼⴰⴳⵏ ⴰⵎⴰⵣⵉⵖ ⴷ ⵓⵎⵏⴰⴹ ⵏⵏⵙ ⴰⴳⴰⵎⴰⵏ.

ⵎⵇⵇⴰⵔ ⵜⵍⴰ ⵜⵢⵙⵉ ⴰⴷ ⴰⵜⵉⴳ ⵎⵇⵇⵓⵔⵏ, ⵓⵔⵜⴰ ⵊⵊⵓⵏ ⵢⵓⵏⴼ ⵉ ⵉⴱⵔⴷⴰⵏ ⵏ ⵓⵣⵎⵣⵔ ⴷ ⵜⵊⵍⵉ ⴰⵛⴽⵓ ⵓⵔ ⵉⵍⵍⵉ ⵓⴼⵔⴰⴽ ⵙ ⵜⵢⵙⵉ ⵖⵓⵔ ⵎⴷⴷⵏ ⴷ ⵓⵔ ⵜⵍⵍⵉ ⴽⵔⴰ ⵏ ⵜⵎⴰⵙⴰⵢⵜ ⵜⵓⵏⵣⵉⵣⵜ ⴷⴰⵔ ⵜⵙⴳⴳⵉⵡⵉⵏ ⵜⵉⵏⴰⴳⵎⴰⴹⵉⵏ.

ⵎⴽ ⴰⴷ ⴰⴼ ⵉⴳⴰ ⵢⴰⵏ ⴳ ⵉⵡⵜⵜⴰⵙⵏ ⵏ ⵜⵡⵓⵔⵉ ⴰⴷ ⴰⴷ ⵜⵙⵙⴰⴳⴳⵯ ⴰⵜⵉⴳ ⵏ ⵓⵙⵉⵙⵜⵏ ⵏ ⵜⵢⵙⵉ ⵜⴰⵎⴰⵣⵉⵖⵜ ⵎⵏⵉⴷ ⵏ ⵢⵉⵎⵉⵣⵉⵜⵏ, ⵉⵖⵔ ⵙ ⵢⴰⵜ ⵜⵥⵕⵉ ⵢⴰⴹⵏ ⵉ ⵓⵙⵇⵙⵉ ⵏ ⵜⵙⵔⵜⵉⵜ ⵜⵓⵙⵙⵏⴰⵏⵜ ⴳ ⵜⵎⴰⵣⵉⵔⵜ ⵏⵏⵖ.