Page 10 - المعهد الملكي للثقافة الأمازيغية: مسار ومنجزات
P. 10
ⵉⴳⵔⴰⵏ ⵏ ⵜⵡⵓⵔⵉ ⵜⴰⵙⵜⵔⴰⵜⵉⵊⵉⵜ
ⵉⴱⵏⴰ ⵓⵖⴰⵡⴰⵙ ⴰⵙⵜⵔⴰⵜⵉⵊⵉ ⵏ ⵓⵙⵉⵏⴰⴳ ⵅⴼ ⵢⴰⵏ ⵓⵡⵜⵜⴰⵙ
ⵎⵇⵇⵓⵔⵏ ⵉⵥⵍⵉⵏ ⵙ ⵜⵏⴽⵔⴰ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ
ⴳ ⵜⵎⵔⵙⴰⵍ ⴷ ⵓⵙⴰⵢⵔⴰⵔ ⴰⴳⴷⵓⴷⴰⵏ; ⵍⵍⵉⵖ ⵜⴳⴰ ⵜⵎⴰⵣⵉⵖⵜ
ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ ⵖ 2011, ⵉⴱⴷⴰ ⴰⵔ ⵉⵙⵡⵓⵔⵉ
ⵓⵙⵉⵏⴰⴳ ⴷ ⵉⵏⴱⴰⴹⵏ ⵉⴳⴷⵓⴷⴰⵏⵏ ⴰⴼⴰⴷ ⴰⴷ ⵢⵉⵍⵉ ⵓⵙⵓⴷⴻⴷ
ⵏⵏⵙ ⴳ ⵓⵙⵍⵎⴷ ⴷ ⵉⴳⵔⴰⵏ ⵉⵙⵉⵣⵡⴰⵔⵏ ⵏ ⵜⵓⴷⵔⵜ ⵜⴰⴳⴷⵓⴷⴰⵏⵜ
ⵜⴰⵎⴰ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ.
ⵉⴱⴹⴰ ⵓⵖⴰⵡⴰⵙ ⴰⵙⵜⵔⴰⵜⵉⵊⵉ ⵏ ⵓⵙⵉⵏⴰⴳ ⵅⴼ ⵙⵎⵎⵓⵙ ⵉⵎⵔⵏⴰ:
♦ ⴰⵔⵣⵣⵓ ⴰⵎⴰⵙⵙⴰⵏ ⴷ ⵓⵔⵣⵣⵓ ⵓⵙⵏⵉⵙ ⴳ ⵢⵉⴳⵔ ⵏ ⵜⵎⴰⵙⵙⴰⵏⵉⵏ
ⵜⵉⵏⴼⴳⴰⵏⵉⵏ ⴷ ⵜⵉⵏⴰⵎⵓⵏⵉⵏ ⴷ ⴰⵡⴷ ⵜⴰⵜⵉⴽⵏⵓⵍⵓⵊⵉⵜ ⵏ ⵓⵎⵢⴰⵡⴰⴹ
ⴰⴼⴰⴷ ⴰⴷ ⵢⵉⵍⵉ ⵓⵙⵖⵔⵜ ⵏ ⵜⵓⵜⵍⴰⵢⵜ ⵙ ⵜⵖⴰⵔⴰⵙⵜ ⵏ
ⵓⵙⵓⵖⵍ ⴷ ⵜⵙⵏⵉⵔⵎⵜ ⴷ ⵜⵙⵎⵓⵟⵟⵓⵏⵜ, ⴷ ⵓⵙⵎⵖⵔ ⵏ ⵜⴷⵍⵙⴰ
ⴳ ⵜⴰⵍⵖⵉⵡⵉⵏ ⵜⵉⵎⴰⵜⵜⵉⵡⵉⵏ ⴷ ⵜⵔⴽⵎⴰⵎⵉⵏ;
♦ ⴰⵙⴳⵎⵉ ⴷ ⵓⵙⵎⵓⵜⵜⴳ ⵙ ⵜⵡⵉⵙⵉ ⵏ ⵜⵎⴰⵡⴰⵙⵜ ⵜⴰⵏⴰⵎⵓⵔⵜ ⵏ
ⵓⵙⴳⵎⵉ ⴱⴰⵛ ⴰⴷ ⵜⵜⵓⵙⴽⴰⵔⵏⵜ ⵜⴼⴰⴷⵉⵡⵉⵏ ⵏ ⵓⵙⵅⵉⵜⵔ ⵏ
ⵜⵎⴰⵣⵉⵖⵜ ⵖ ⵢⵉⴳⵔ ⵏ ⵓⵙⵍⵎⴷ;
♦ ⵜⴰⵥⵕⵉⴳⵜ ⴷ ⵓⵣⵓⵣⵣⵔ ⵃⵎⴰ ⴰⴷ ⵢⵉⵍⵉ ⵓⵙⵏⵎⵍ ⵏ ⵜⵡⵓⵔⵉⵡⵉⵏ
ⴷ ⵉⵔⵣⵣⵓⵜⵏ ⵏⵏⴰ ⵉⵙⵙⵓⴼⵖ ⵓⵙⵉⵏⴰⴳ;
♦ ⴰⵥⵏⵥⵕ ⵙ ⵜⵖⴰⵔⴰⵙⵜ ⵏ ⵓⵏⵏⵓⵕⵥⵎ ⵅⴼ ⵓⵙⴰⵢⵔⴰⵔ
ⴰⵎⵔⵙⴰⵍ ⴷ ⵓⵖⵔⵉⵎ;
♦ ⴰⵎⵢⴰⵡⴰⴹ ⴰⴳⵯⵏⵙⴰⵏ ⵍⵍⵉ ⵉⵙⴷⵓⵙⵏ ⵜⴰⵎⵢⵉⵎⴰⵏⵜ ⵉⵙⵔⵅⵓⵏ
ⵜⴰⵖⴰⵔⴰⵙⵜ ⵏ ⵓⵙⵏⴼⵍ; ⴷ ⵓⵎⵢⴰⵡⴰⴹ ⵏ ⴱⵕⵕⴰ ⵍⵍⵉ ⵎⵉ ⵉⴳⴰ
ⵓⵡⵜⵜⴰⵙ ⵏⵏⵙ ⴰⴷ ⵉⴼⴽ ⵢⴰⵜ ⵜⵉⵣⵉ ⵜⴰⵅⴰⵜⴰⵔⵜ ⵉ ⵓⵙⵉⵏⴰⴳ
ⵉⵙⴼⴰⵍⴽⵉ ⵓⴷⵎ ⵏⵏⵙ ⴳ ⵓⵙⴰⵢⵔⴰⵔ.
ⴰⴼⴰⴷ ⴰⴷ ⵢⵉⵍⵉ ⵢⴰⵏ ⵓⵙⵎⴰⴷ ⵏ ⵜⵙⵎⵉⴳⵜⵉⵏ ⵏⵏⵙ, ⵉⵜⵜⵓⵙⵙⴰⵏ
ⵓⵙⵉⵏⴰⴳ ⵙ ⵓⵙⵓⵖⵏ ⵏⵏⵙ ⴰⴷⵍⵙⴰⵏ- ⴰⵏⴰⵎⵓⵏ ⵍⵍⵉ ⴳⵉⵙ ⵉⵙⴽⵔⵏ
ⵢⴰⵜ ⵜⵎⵔⵙⵍⵜ ⵉⵙⵓⴳⵔⵏ ⴳ ⵜⵙⴳⴰ ⵜⴰⴽⴰⴷⵉⵎⵉⵜ ⴷ ⵢⴰⵜ
ⵜⵎⵔⵙⵍⵜ ⵜⴰⵏⵎⵓⵔⵉⵜ, ⴰⵎⴷⵢⴰ ⵉⴷⵓⵙⵏ ⴼ ⵎⴰⵢⴰⴷ ⵜⴳⴰ ⵜ
ⵜⵡⵉⵙⵉ ⵏⵏⵙ ⵜⴰⴽⵙⵡⴰⵜⵜ ⵖ ⵜⴼⵏⵉⵇⵜ ⵏ ⴽⵓⴼⵉⴷ-19.
16 17
