Page 6 - المعهد الملكي للثقافة الأمازيغية: مسار ومنجزات
P. 6
ⵜⴰⵣⵡⵓⵔⵜ
ⵉⵙⵙⵓⵙⵎ ⴰⵏⵖ ⴰⴷ ⵏⵡⵛ ⴰⴷⵍⵉⵙ ⴰ ⴰⴼⴰⵍⴽⴰⵢ ⵉ ⴱⴰⴱ ⵏ ⵡⴰⴷⴷⵓⵔ
ⴰⴳⵍⵍⵉⴷ ⵎⵓⵃⵎⵎⴷ ⵡⵉsⵙ ⵚⴹⵉⵚ, ⴰⴷ ⵜ ⵉⵃⴼⴹ ⵕⴱⴱⵉ, ⵙ ⵉⵙⵉⵏ
ⵙ ⵓⵏⵀⵍⵍⴰ ⵏⵏⵙ ⴷⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵣⴳ
ⵉⵏⴰⵡ ⴰⵏⴰⴼⵍⵍⴰ ⵏ ⴰⵊⴷⵉⵔ, ⴷⵉ ⵙⴰ ⴷ ⵎⵔⴰⵡ ⴽⵟⵓⴱⵕ ⵏ ⵓⵙⴳⴳⵯⴰⵙ
ⵏ 2001. ⵢⵓⵙ ⴷ ⵓⴷⵍⵉⵙ ⴰ ⴰⴷ ⵉⵙⵙⴽⵏ ⵜⵉⵡⵓⵔⵉⵡⵉⵏⵏ ⵉⵜⵜⴳⵏ
ⵜⵎⴰⴷⴷⴰⵙⵉⵏ ⴷ ⵜⵎⵙⵡⵓⵔⵉⵢⵉⵏ ⴷ ⵉⵎⵙⵡⵓⵔⵉⵢⵏ ⴷⴳ ⵓⵙⵉⵏⴰⴳ ⴷⴳ
ⵉⴳⵔⴰⵏ ⵏ ⵓⵔⵣⵣⵓ ⴷ ⵜⵎⵙⵙⵓⴳⵓⵔⵜ, ⴷⵉ ⵙⵏⴰⵜ ⵏ ⵜⵎⵔⴰⵡⴰⵏⵉⵏ, ⵣⴳ
2002 ⴰⵔ 2020, ⵉⴳⴰⵏ ⵜⴰⵎⴷⵔⴰⵡⵜ ⵜⴰⵅⴰⵜⴰⵔⵜ ⴷⵉ ⵜⵡⵓⵔⵉ ⵉ
ⵜⵏⴽⵔⴰ ⵙ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⵉⵎⴰⵣⵉⵖⵉⵏ.
ⴷⵉ ⵜⵢⴰⴼⵓⵜ ⵏ ⵜⵡⵓⵔⵉ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ,
ⵏⵜⵜⴰⴼ ⵜⴰⴷⵔⴰⵡⵜ ⵏ ⵜⵎⵙⵡⵓⵔⵉⵢⵉⵏ ⴷ ⵉⵎⵙⵡⵓⵔⵉⵢⵏ ⴷⵉ ⵜⵙⵎⵉⴳⴰⵍ
ⵏ ⵜⵎⵔⵙⵍⵜ ⴰ, ⵙ ⵓⴱⴷⴷⵉ ⵅⴼ ⵓⴹⴰⵀⵉⵕ ⴰⵛⴰⵔⵉⴼ ⵉ ⵜ ⵉⵙⵔⵙⵏ,
ⵉⵜ ⵉⵙⵏⵎⴰⵍⴰⵏ. ⵜⵜⴰⵡⵙⵏⵜ ⵜⵎⴰⴷⴷⴰⵙⵉⵏ ⵏ ⵓⵏⴱⴰⴹ ⴷ ⵜⵓⵚⴽⵉⵡⵉⵏ
ⵜⵉⵎⵙⵙⵓⴳⵓⵔⵉⵏ ⵉⵎⵎⴰⵙⵏ ⵏ ⵓⵔⵣⵣⵓ, ⴷⴳ ⵓⵙⴰⵜⵉ ⵏ ⵜⵥⵍⴰⵢⵜ ⴷ
ⵜⵣⵎⵎⴰⵔ ⵏ ⴽⵓ ⵉⵛⵜ, ⴷⴳ ⵓⵙⵓⴼⵖ ⵏ ⴰⵟⵟⴰⵚ ⵏ ⵜⵡⵓⵔⵉⵡⵉⵏ ⴷⵉ
ⵇⵇⴰⵄ ⵉⴳⵔⴰⵏ ⵏ ⵓⵔⵣⵣⵓ ⴷ ⵜⵓⵜⵍⴰⵢⵜ ⴷ ⵓⵙⵓⵖⵍ ⴷ ⵜⵥⵔⴳⵉⵜ ⴷ
ⵓⵙⴳⵎⵉ ⴷ ⵓⵙⵎⵓⵜⵜⴳ ⴷ ⵜⵉⴽⵏⵓⵍⵓⵊⵉⵢⵉⵏ ⵜⵉⵜⵔⴰⵔⵉⵏ ⵏ ⵓⵙⵏⵖⵎⵙ,
ⴷ ⵉⵡⵏⵏⴰ ⵉⴷⵍⵙⴰⵏⵏ ⵉⴽⵎⴰⵎⵏ ⴷ ⵉⵔⴽⵎⴰⵎⵏ. ⵡⴰⵜⵙⵏ ⵉⵖⴰⵡⴰⵙⵏ ⵏ
ⵜⵡⵓⵔⵉ ⵜⴰⵏⴼⵔⵓⵜ ⵏ ⵜⴼⴰⴷⵉⵡⵉⵏ ⵜⵉⵎⴰⵙⵙⴰⵏⵉⵏ ⵉ ⵓⵙⵎⵀⵍ ⵏ
ⵜⵖⴰⵔⴰ ⵜⴰⵎⴷⴷⵓⴷⵜ ⵏ ⵜⵓⵜⵍⴰⵢⵜ, ⵃⵎⴰ ⴰⴷ ⵜⵙⵙⵡⵊⴷ ⴰⴷⴰⴼ ⵏⵏⵙ
ⴷⵉ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ.
ⵙ ⵜⵡⵉⵙⵉ ⵏ ⵇⵇⴰⵄ, ⵉⵎⵔⵙⴰⵍⵏ, ⵉⵎⵙⴼⵍⵓⵍⵏ, ⵉⵏⴼⴽⴰⵢⵏ, ⴰⴷ
ⵇⵇⵉⵎⵏ ⵉⴷⵓⵔⴰⵔ ⴷ ⵉⵖⵣⵔⴰⵏ ⵏ ⴰⵟⵍⴰⵚ ⴷ ⵔⵔⵉⴼ, ⴷ ⵜⵡⵔⴰⵔⵉⵏ ⵏ
ⵓⵙⵏⵇⵔ, ⴷ ⵓⵜⵡⴰⵍ ⵏ ⵜⵖⵍⴰⵜⵉⵏ, ⴷ ⵜⴳⵓⴷⴰ ⵏ ⵡⵓⵔⵖ ⴷⵉ ⵜⵏⵣⵔⵓⴼⵉⵏ,
ⵜⵜⵡⴰⵙⵍⴰⵏⵜ ⴷⴰⴳⵙⵏ ⵜⵖⵡⵡⵉⵊⵉⵏ ⵏ ⵓⵎⵢⴰⵏⴰⵡ ⵏ ⵜⵎⵉⵊⵡⵉⵏ ⴷ
ⵉⵥⴰⵡⴰⵏⵏ, ⵙⴱⵢⵢⴰⵏⵏ ⴰⴱⴷⴷⵉ ⵏ ⵜⴷⵍⵙⴰ ⵜⴰⵎⴰⵣⵉⵖⵜ ⴷ ⵜⵙⵓⵍⴰⵏⵜ
ⵏⵏⵙ. ⵓⴳⴳⴰⵔ, ⵜⴰⴷⵔⴰⵡⵜ ⵏ ⴰⵢⵜ ⴱⴰⴱ ⵏ ⵢⵉⴽⵉⵢ ⵉⴷⴷⵔⵏ, ⵖⴰⵔⵙⵏ
ⴰⴼⵓⵙ ⴷⵉ ⵎⵉⵏ ⵉⵜⵜⵡⴰⴳⵏ ⴷⵉ ⵜⵓⴷⵔⵜ ⵜⵓⵖⵔⵉⵎⵜ ⵉ ⵓⵙⵏⴼⵍⵓⵍ
ⴰⵎⴰⵢⵏⵓ ⵏ ⵜⵣⵎⵎⴰⵔ ⵉⵜⵜⵙⵎⴰⵢⵏⵓⵏ ⵜⴰⴷⵍⵙⴰ ⵜⴰⵙⵓⵍⴰⵏⵜ, ⴷⴳ
ⵓⵙⴰⵜⵉ ⵏ ⵓⵙⵏⵜⵉ« ⵍⵎⵖⵔⵉⴱ ⵉⵣⵎⵎⵔⵏ », ⴰⵏⵙⴱⵓⵖⵍⵓ ⵙ
ⵜⵢⵓⵔⴳⴰ ⵏⵏⵙ ⴷ ⵓⵎⵢⴰⵡⴰⵏ ⵏⵏⵙ ⴷⵉ ⵜⵎⵓⵏⵉ ⵏⵏⵙ.
ⵃⵎⴰⴷ ⴱⵓⴽⵓⵙ
ⴰⵏⴱⴷⴰⴷ
8 9
