Page 9 - المعهد الملكي للثقافة الأمازيغية: مسار ومنجزات
P. 9
ⵉⵙⴹⵕⴰ ⵉⵏⴰⵎⴽⴰⵏⵏ
ⵉⵙⴽⵔ ⵓⵙⵉⵏⴰⴳ ⴳ ⵙⵏⴰⵜ ⵜⵎⵔⴰⵡⵉⵏ ⵏ ⵉⵙⴳⴳⵯⴰⵙⵏ ⵜⵓⴳⵜ ⵏ ⵉⵙⴹⵕⴰ ⵉⵅⴰⵜⴰⵔⵏ ⵍⵍⵉ ⵢⵓⵊⵊⴰⵏ ⴰⴷ ⵉⴳ ⵢⴰⵏ
ⵓⵙⴼⴰⵢⵍⵓ ⴳ ⵢⵉⴳⵔ ⵏ ⵜⵖⵓⵔⵉⵡⵉⵏ ⴷ ⵓⵙⵎⵓⵜⵜⴳ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ ⵜⴰⵎⴰⵣⵉⵖⵜ ⴳ ⵓⵙⵡⵉⵔ ⴰⵏⴰⵎⵓⵔ ⴷ
ⵓⴳⵔⴰⵖⵍⴰⵏ. ⵥⵍⵉⵏ ⵉⵙⴹⵕⴰ ⵍⵍⵉ ⵉⵅⴰⵜⵔⵏ ⵙ ⵢⵉⴳⵔⴰⵏ ⴰⴷ:
• ⴰⵙⵎⵙⴰⵙⴰ ⴷ ⵓⵙⵙⵍⴳⵏ ⵏ ⵓⵙⴽⴽⵉⵍ ⵏ ⵜⴼⵉⵏⴰⵖ;
• ⴰⵙⴽⴰⵔ ⵏ ⵉⴷⵍⵉⵙⵏ ⵏ ⵓⵏⵍⵎⴰⴷ ⴷ ⵡⵉⵏ ⵓⵙⵍⵎⴰⴷ;
• ⴰⵙⴽⴰⵔ ⵏ ⵉⵙⵏⵎⴰⵍⴰⵜⵏ ⵏ ⵓⵙⵎⵓⵜⵜⴳ ⴷ ⵓⵙⴰⵜⵉ ⵏ ⵓⵙⵎⵓⵜⵜⴳ ⵏ ⵉⵎⵙⴽⴰⵔⵏ ⵉⴱⵉⴷⴰⴳⵓⵊⵉⵢⵏ;
• ⴰⵙⵎⴰⵙⴰ ⵏ ⵓⵙⴼⵔⵙⵉ ⵏ ⵜⵓⵜⵍⴰⵢⵜ, ⵙⵍⴰⵡⴰⵏ ⴰⴽⴽⵯ ⴰⵙⵓⴷⴻⴷ ⵏⵏⵙ;
• ⴰⵙⵎⴰⵙⴰ ⵏ ⵓⴳⵔⵉⵡ ⵏ ⵜⵓⵜⵍⴰⵢⵜ: ⵎⵙⵎⵓⵏ ⴰⵡⴰⵍ, ⵜⴰⵊⵕⵕⵓⵎⵜ;
• ⴰⵙⴽⴰⵔ ⵏ ⵡⴰⵍⵍⴰⵍⵏ ⵉⵎⵓⵟⵟⴰⵏⵏ;
• ⴰⵙⴽⴰⵔ ⵏ ⵜⵖⵓⵔⵉⵡⵉⵏ ⵅⴼ ⵜⴰⵍⵖⵉⵡⵉⵏ ⵜⵉⴷⵍⵙⴰⵏⵉⵏ ⵉⴳⴰⵏ ⵜⵉⵎⴰⵜⵜⵉⵡⵉⵏ ⴷ ⵜⵔⴽⵎⴰⵎⵉⵏ;
• ⵜⴰⵥⵕⵉⴳⵜ (ⵎⴰ ⵉⵜⵜⴳⴳⴰⵏ 470 ⵏ ⵓⴷⵍⵉⵙ ⴳ ⵎⴰⵕⵕⴰ ⵜⵉⵙⴷⴷⵉⵜⵉⵏ);
• ⵜⴰⵎⴷⵔⴰⵡⵜ ⴰⴽⴷ ⵜⵉⵎⴰⵡⴰⵙⵉⵏ; ⵜⵉⵎⵔⵙⴰⵍ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ (ⵜⵉⵙⴷⴰⵡⵉⵢⵉⵏ, ⵉⵙⵉⵏⴰⴳⵏ; ⵜⵉⴽⴰⴷⵉⵎⵉⵜⵉⵏ
ⵜⵉⵙⴳⴰⵡⴰⵏⵉⵏ ⵏ ⵓⵙⴳⵎⵉ ⴷ ⵓⵙⵎⵓⵜⵜⴳ); ⵜⵉⵎⵙⵎⵓⵏⵉⵏ ⵏ ⵡⴰⵎⵓⵏ ⵓⵖⵔⵉⵎ (ⵜⵉⵡⵉⵙⵉ ⵏ ⵎⴰ ⵉⵜⵜⴳⴳⴰⵏ 3.500
ⵏ ⵓⵙⵏⴼⴰⵔ); ⵜⵉⵎⵔⵙⴰⵍ ⵜⵉⴽⴰⴷⵉⵎⵉⵢⵉⵏ ⵏ ⴱⵕⵕⴰ (ⴷⴷⵣⴰⵢⵔ, ⵍⵉⴱⵢⴰ, ⴼⵕⴰⵏⵚⴰ, ⵚⴱⴰⵏⵢⴰ, ⵀⵓⵍⴰⵏⴹⴰ,
ⵟⵟⴰⵍⵢⴰⵏ, ⵎⴰⵔⵉⴽⴰⵏ, ⴽⴰⵏⴰⴹⴰ...);
• ⴰⵥⵏⵥⵕ ⴳ ⵓⵙⵡⵉⵔ ⴰⵏⴰⵎⵓⵔ: ⴰⵙⵏⵎⴰⵍⴰ ⵏ ⵉⵎⵓⵙⵙⵓⵜⵏ ⵣⵓⵏ ⴷ ⴰⵊⴷⵉⵔ, ⴷ ⵓⵙⴳⴳⵯⴰⵙ ⴰⵎⴰⵢⵏⵓ ⴰⵎⴰⵣⵉⵖ ⵉⵎⵏⵉⴷⵏ
(ⵉⴹ ⵏ ⵉⵏⵏⴰⵢⵔ), ⴷ ⵜⴷⵔⴰⵡⵜ ⴳ ⵓⵙⴼⵙⵔ ⴰⴳⵔⴰⵖⴰⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ, ⵓⵍⴰ ⴰⵙⴼⵙⵔ ⵏ ⵓⴷⵍⵉⵙ
ⴳ ⵡⵊⴷⴰ, ⴷ ⵜⵣⴷⵓⵖⵜ ⵏ ⵉⵏⴰⵥⵓⵕⵏ) ⴷ ⵓⵥⵏⵥⵕ ⴳ ⵓⵙⵡⵉⵔ ⴰⴳⵔⴰⵖⵍⴰⵏ: ⵓⵙⵙⴰⵏ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ, ⴷ ⵢⵉⵡⵉ ⴷ ⵓⵎⴰⴳⵔⴰⴷ ⵡⵉⵙ 5 ⵏ ⵓⴷⵓⵙⵜⵓⵔ ⵏ ⵜⴳⵍⴷⵉⵜ
ⵡⵉⵏ ⵜⵎⵖⴰⵔⵜ, ⴷ ⵜⵎⴷⵢⴰⵣⵜ, ⵓⵍⴰ ⵡⵉⵏ ⵉⴷⵔⵉⵣⵏ, ⴷ ⵜⵎⴰⵏⴰⵡⵜ ⵜⴰⴷⵍⵙⴰⵏⵜ, ⵡ ⵡⵉⵏ ⵜⵡⵏⵏⴰⴹⵜ, ⴷ ⵓⵥⴰⵡⴰⵏ, ⴷ ⵏ ⵍⵎⵖⵔⵉⴱ ⵏ ⵓⵙⴳⴳⵯⴰⵙ ⵏ 2011 ⵎⴰ ⵙ ⴷ ⵉⵇⵇⴰⵏ
ⵓⵙⵓⵖⵍ, ⴷ ⵓⵙⵍⵎⴰⴷ, ⵓⵍⴰ ⵉⵣⵔⴼⴰⵏ ⵏ ⵓⴼⴳⴰⵏ... ⴰⴷ ⴷ ⴼⴼⴰⵖⵏ ⵙⵉⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ ⵉⵥⵍⵉⵏ ⵙ
ⵉⴳⵔⴰⵏ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ. ⵉⵙⵍⴳⵏⵏ ⴰⴷ ⵟⵟⴰⴼⵏ
ⵢⴰⵜ ⵜⵣⴷⴰⵢⵜ ⴷ ⵜⵎⴰⵣⵉⵖⵜ : ⴰⵙⵍⴳⵏ ⴰⵎⴰⴷⴷⴰⵙ 26-
16 ⵉⵎⵎⴰⵍⴰⵏ ⵎⴰⵏⵉⴽ ⵙ ⵔⴰⴷ ⵉⵜⵜⵡⵙⵔⴰⵙ ⵓⵙⵓⴷⴻⴷ
ⵏ ⵜⵎⴰⵣⵉⵖⵜ, ⴷ ⵜⵎⴰⵎⴽⵉⵏ ⵏ ⵓⴽⵛⵛⵓⵎ ⵏⵏⵙ ⵙ ⵢⵉⴳⵔ
ⵏ ⵓⵙⵍⵎⴷ ⴷ ⵉⴳⵔⴰⵏ ⵉⵎⵣⵡⵓⵔⴰ ⵍⵍⵉ ⵙ ⴷ ⵉⵇⵇⴰⵏ
ⴰⴷ ⵙⵔⵙⵏ ⵢⵉⵍⵉ ⵓⵙⵏⵜⵉ; ⴷ ⵓⵙⵍⴳⵏ ⴰⵎⴰⴷⴷⴰⵙ 04-
16 ⵉⵥⵍⵉⵏ ⵙ ⵓⵙⵇⵇⵉⵎ ⴰⵏⴰⵎⵓⵔ ⵏ ⵜⵓⵜⵍⴰⵢⵉⵏ ⴷ
ⵜⵓⵙⵙⵏⴰ ⵜⴰⵎⵖⵔⵉⴱⵉⵜ ⵍⵍⵉ ⵔⴰⴷ ⵢⴰⵙⵉ ⴰⵃⵟⵟⵓ ⴷ
ⵜⴳⵎⵉ ⵏ ⵙⵏⴰⵜ ⵜⵓⵜⵍⴰⵢⵉⵏ : ⵜⴰⵄⵕⴰⴱⵜ ⴷ ⵜⵎⴰⵣⵉⵖⵜ,
ⵓⵍⴰ ⵓⴷⵎⴰⵡⵏ ⵏ ⵜⵓⵙⵙⵏⴰ ⵉⵍⵍⴰⵏ ⴳ ⵍⵎⵖⵔⵉⴱ.
ⵓⴼⵓⵖ ⵏ ⵙⵉⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ ⴰⴷ ⵔⴰⴷ ⵢⴰⵡⵙ
ⵖ ⵓⵙⵖⵓⴷⵓ ⴰⵎⵙⵙⵓⴳⵓⵔ ⵏ ⵜⵓⵜⵍⴰⵢⵜ ⴷ ⵜⴷⵍⵙⴰ
ⵜⴰⵎⴰⵣⵉⵖⵜ. ⵔⴰⴷ ⵢⵉⵍⵉ ⵢⴰⵏ ⵡⴰⵜⵉⴳ ⴱⴰⵀⵔⴰ
ⵎⵇⵇⵓⵔⵏ ⴷⴰⵔ ⵓⵙⵉⵏⴰⴳ ⵙ ⵜⵡⵉⵙⵉ ⵏⵏⵙ ⵜⴰⵜⵉⵇⵏⵉⵜ
ⵖ ⵓⵎⵓⵔⵙ ⵏ ⵜⵣⵣⵉⴳⵣⵜ ⵏ ⵜⵎⴰⵣⵉⵖⵜ, ⴰⴼⴰⴷ ⴰⴷ
ⵜⵙⴽⵔ ⵜⴰⵙⵖⵏⵜ ⵏⵏⵙ ⵉⴳⴰⵏ ⵜⵓⵜⵍⴰⵢⵜ ⵜⴰⵎⴰⴷⴷⵓⴷⵜ.
ⵉⵇⵇⴰⵏ ⴷ ⴰⵙⵉⵏⴰⴳ ⴰⴷ ⵉⴹⴼⵕ ⵜⴰⵙⵜⵕⴰⵜⵉⵊⵉⵜ ⵏⵏⵙ
ⴳ ⵓⵙⵎⵓⵜⵜⴳ ⵏ ⵜⵎⴰⵣⵉⵖⵜ, ⵉⵙⴽⵔ ⵜⵉⵎⵢⴰⴷⴰⵙⵉⵏ
ⵜⵉⵎⴰⵢⵏⵓⵜⵉⵏ ⴳ ⵢⵉⴳⵔ ⵏ ⵓⵔⵣⵣⵓ ⴷ ⵓⵟⵟⵓⴼ ⵏ
ⵜⵙⵏⵎⴰⵍⴰⵢⵉⵏ ⴷ ⵉⵏⴳⵔⴰⵡⵏ ⵏ ⵉⵏⵖⵎⵉⵙⵏ ⴷ ⵓⵎⵢⴰⵡⴰⴹ,
ⵉⵙⵉⴷⴼ ⴰⵡⴷ ⵉⵎⵙⴰⵔⴰⵙⵏ ⵎⵇⵇⵓⵔⵏⵉⵏ ⵏ ⵜⵣⵣⵉⴳⵣⵜ
ⵖ ⵓⵙⵡⵉⵔ ⴰⴷⵖⵔⴰⵏ ⴷ ⵓⵖⵣⵓⵔⴰⵏ.
14 15
