Page 8 - المعهد الملكي للثقافة الأمازيغية: مسار ومنجزات
P. 8
ⵜⴰⵏⴽⴷⴰ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ
ⵜⴰⵎⴰⵣⵉⵖⵜ
ⵉⵍⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ
ⴰⵙⵙ ⵏ 17 ⴽⵟⵓⴱⵕ ⴳ ⵓⵙⴳⴳⵯⴰⵙ ⵏ 2001 ⵍⵍⵉⵖ
ⵉⵏⵏⴰ ⵓⴳⵍⵍⵉⴷ ⵎⵓⵃⵎⵎⴷ ⵡⵉⵙ ⵚⴹⵉⵚ ⵉⵏⴰⵡ ⵏⵏⵙ
ⴰⴽⵙⵡⴰⵜ ⴳ ⵓⵊⴷⵉⵔ- ⵅⵏⵉⴼⵔⴰ. ⴷⴷⴰⵡ ⵓⵎⵓⵔ ⵏⵏⵙ,
ⵉⴳⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵢⴰⵜ
ⵜⵎⵔⵙⵍⵜ ⵎⵉ ⵖⵔ ⵜⵍⵍⴰ ⵜⵣⵎⵔⵜ ⵜⵓⵍⴳⵉⵏⵜ ⴷ
ⵜⵏⵙⵉⵎⴰⵏⵜ ⵜⴰⵥⵕⴼⴰⵏⵜ. ⵉⴳⴰ ⵜⴰⵎⵙⴽⵉⵔⵜ ⵏ ⵓⵙⵉⵏⴰⴳ
ⴰⴷ ⵢⴰⴽⴽⴰ ⵉ ⴱⴰⴱ ⵏ ⵡⴰⴷⴷⵓⵔ ⵉⵎⵏⴰⴷⵏ ⵏⵏⵙ ⵅⴼ
ⵉⵙⵡⵓⴷⴷⵓⵜⵏ ⵉⵣⵎⵔⵏ ⴰⴷ ⵃⴹⵓⵏ ⴷ ⴰⴷ ⵙⴱⵓⵖⵍⵓⵏ
ⵜⵓⵙⵙⵏⴰ ⵜⴰⵎⴰⵣⵉⵖⵜ ⴳ ⵎⴰⵕⵕⴰ ⵓⴷⵎⴰⵡⵏ ⵏⵏⵙ ⴳ
ⵓⵙⵡⵉⵔ ⴰⵏⴰⵎⵓⵔ, ⴰⵙⴳⴰⵡⴰⵏ ⴷ ⵓⴷⵖⵔⴰⵏ. ⴰⵔ ⵉⵜⵜⴰⵡⵙ
ⵓⵙⵉⵏⴰⴳ ⵏⵜⵜⴰⵏ ⴷ ⵜⵏⴱⴰⴹⵜ ⴷ ⵜⵎⵔⵙⴰⵍ ⵉⵥⵍⵉⵏ ⴰⴼⴰⴷ
ⴰⴷ ⵙⵔⵙⵏ ⵜⵉⵙⵔⵜⴰⵢ ⵏⵏⴰ ⵖⴰ ⵉⵙⵙⵉⴷⴼⵏ ⵜⵓⵜⵍⴰⵢⵜ
ⵜⴰⵎⴰⵣⵉⵖⵜ ⴳ ⵓⵙⴳⵎⵉ ⵏⵏⴰ ⵜⵜ ⵖⴰ ⵉⵙⴱⵓⵖⵍⵓⵏ
ⴳ ⵡⴰⵎⵓⵏ ⴷ ⵉⵎⴰⵙⵙⵏ ⵏ ⵓⵎⵙⴰⵡⴰⴹ, ⴰⵛⴽⵓ ⵜⴳⴰ
ⵢⴰⵏ ⵓⴼⵔⴷⵉⵙ ⴰⴷⵙⵍⴰⵏ ⴳ ⵉⴼⵔⴷⴰⵙ ⵏ ⵜⵓⵙⵙⵏⴰ
ⵜⴰⵏⴰⵎⵓⵔⵜ ⵓⵍⴰ ⴳ ⵓⵙⵏⴼⴰⵔ ⵏ ⵡⴰⵎⵓⵏ ⴰⴷⵉⵎⵓⵇⵕⴰⵟⵉ
ⴰⵜⵔⴰⵔ, ⵉⵙⵓⵔⵏ ⵖⵉⴼ ⵓⵙⴷⵓⵙ ⴷ ⵓⵙⵓⵜⴳ ⵏ
ⵜⵎⵖⵔⵉⴱⵉⵜ ⴷ ⵓⵎⴰⵜⴰⵔ ⵏⵏⵙ ⴰⵙⵏⵉⵍⵙ ⴷ ⵓⴷⵍⵙⴰⵏ
ⴷ ⵓⵖⵔⵎⴰⵏ . ⵖ ⵎⴰ ⵉⵥⵍⵉⵏ ⵙ ⵜⵓⵚⴽⴰ ⵏ ⵓⵙⵉⵏⴰⴳ,
ⵉⵍⵍⴰ ⵓⵙⵇⵇⵉⵎ ⵏ ⵜⵎⵙⵙⵓⴳⵓⵔⵜ ⴷ ⵜⵏⴱⴰⴷⴰⴷⵜ, ⴷ
ⵜⵏⴼⵍⵓⵙⵜ ⵜⴰⵎⴰⵜⴰⵢⵜ, ⴷ ⵙⴰ ⵏ ⵡⴰⵎⵎⴰⵙⵏ ⵏ ⵜⵖⵓⵔⵉ
ⴷ ⵓⵔⵣⵣⵓ ⴷ ⴽⴽⵓⵥⵜ ⵏ ⵜⵣⵓⵏⵉⵡⵉⵏ ⵜⵉⵎⵙⵙⵓⴳⵓⵔⵉⵏ.
ⵉⵟⵟⴰⴼ ⵓⵙⵉⵏⴰⴳ ⵢⴰⵏ ⵓⵙⵍⴳⵏ ⴰⴳⵯⵏⵙⴰⵏ ⵍⵍⵉ ⴼ
ⵉⵣⵣⵔⵉ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ, ⵉⵙⵙⵏⵜⵎ
ⵜ ⵙ ⵜⴱⵔⴰⵜ ⵏ ⵓⴱⵔⵙⵉⵔⴰ ⴰⴳⵍⴷⴰⵏ ⵜⵉⵙⵙ 1-1527
ⵏ 16 ⵛⵄⴱⴰⵏ 1423/23 ⴽⵟⵓⴱⵔ 2002 , ⴷ ⵢⴰⵏ
ⵓⵙⵍⴳⵏ ⴰⴷⵙⵍⴰⵏ ⵉⵥⵍⵉⵏ ⵙ ⵉⵎⵙⵖⴰⵏⵏ ⵏⵏⵙ ⵍⵍⵉ
ⴼ ⴷ ⵉⵎⵙⴰⵙⴰ ⵓⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⵚ,
ⵉⵙⵙⵏⵜⵎ ⵜ ⵙ ⵜⴱⵔⴰⵜ ⵏ ⵓⴱⵔⵙⵉⵔⴰ ⴰⴳⵍⴷⴰⵏ
ⵓⵟⵟⵓⵏ 1-0910 ⵏ 07 ⵕⴱⵉⵄ ⴰⵎⵣⵡⴰⵔⵓ 1424 /23
ⵎⴰⵢⵓ 2003. ⵢⵉⵍⵉ ⵖⵔ ⵓⵙⵉⵏⴰⴳ ⴰⵡⴷ ⵢⴰⵏ ⵓⵙⵍⴳⵏ
ⵉⵥⵍⵉⵏ ⵙ ⵜⴼⵏⵉⵇⵜ ⵏ ⵉⴳⴳⵉⵜⵏ ⵉⵏⴰⵎⵓⵏⵏ.
12 13