ⵜⴰⵙⵎⵖⵔⵜ ⵉ ⵢⵉⵎⴰⵏ ⵏ ⵉⴳⵍⵍⵉⵏ ⵎⴰⵙⵙ ⵎⵓⵃⵎⵎⴷ ⵎⵓⵏⵉⴱ
ⴰⵢⵜⵎⴰ ⴷ ⵉⵙⵜⵎⴰ, ⴰⵣⵓⵍ ⴼⵍⵍⴰⵡⵏ, ⴼⵍⵍⴰⵡⵏⵜ
ⵉⵙⵙⵓⵙⵎⵉ ⴱⴰⵀⵔⴰ, ⵙ ⵢⵉⵙⵎ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴰⴷ ⵓⵎⵓⵖ ⴷⵔⵓⵖ ⴳ ⵜⵙⵎⵖⵔⵜ ⴰⴷ ⵏⵏⴰ ⴰⵖⴷ ⵉⵙⵎⵓⵏⵏ ⵅⴼ ⵢⵉⵎⴰⵏ ⵏ ⵉⴳⵍⵍⵉⵏ ⵎⴰⵙⵙ ⵎⵓⵃⵎⵎⴷ ⵎⵓⵏⵉⴱ. ⴳⵉⵖ ⵉⵏⵉⴳⵉ ⵏ ⵓⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵏⵏⴰ ⵓⵔ ⵉⵥⴹⴰⵕⵏ ⴰⴷ ⵢⵉⵍⵉ ⵉⴷⵏⵖ, ⵉⴷⴷⵖ ⵉⴷⴷⴰ ⵙ ⵜⵡⵓⵔⵉ ⴱⵕⵕⴰ ⵏ ⵜⵎⵓⵔⵜ.
ⵎⴰⵙⵙ ⵉⴳⵍⵍⵉⵏ ⵎⵓⵃⵎⵎⴷ ⵎⵓⵏⵉⴱ ⵉⴳⴰ ⵢⴰⵏ ⵓⵔⴳⴰⵣ ⵉⴼⴽⴰⵏ ⵜⵓⴷⵔⵜ ⵏⵏⵙ ⴷ ⵜⵣⵎⵎⴰⵔ ⵏⵏⵙ ⵃⵎⴰ ⴰⴷ ⵉⵙⴷⵓⵙ ⵉⴷⵍⵙ ⴷ ⵜⵖⵔⵎⴰ ⵜⴰⵎⴰⵣⵉⵖⵜ ⵙ ⵓⵎⴰⵜⴰ. ⵏⵜⵜⴰ ⵢⵓⵙⵙⵉ ⴰⴳⴳⵯⴰ ⵏ ⵜⵎⵏⵜⵉⵍⵜ ⵜⴰⵎⴰⵣⵉⵖⵜ.
ⵉⴳⵍⵍⵉⵏ ⵏ ⵎⵓⵃⵎⵎⴷ ⵎⵓⵏⵉⴱ ⴷ ⴰⵎⵖⵏⴰⵙ ⴰⵎⵇⵔⴰⵏ, ⴰⵔⴳⴰⵣ ⵉⵍⴰⵏ ⵓⴷⴷⵓⵔ. ⵉⵎⵎⴰⵖ ⵃⵎⴰ ⴰⴷ ⵉⵙⵎⵓⵏ ⵉⴼⵔⴷⵉⵙⵏ ⵏ ⵓⵎⵓⵙⵙⵓ ⴰⵎⴰⵣⵉⵖ ⴳ ⵍⵎⵖⵔⵉⴱ ⵓⵍⴰ ⵡⵉⵏ ⵜⵎⵓⵔⴰ ⵏ ⵡⴰⴼⵔⵉⵇⵢⴰ ⵏ ⵉⵥⵥⵍⵎⴹ : ⵜⴰⵎⴰⵣⵖⴰ.
ⴳ ⵜⵓⴷⵔⵜ ⵏⵏⵙ, ⵉⵙⴳⴰⴷⵉ ⵉⵊⵎⵉⵍⵏ ⵢⴰⵡⵙ ⵉ ⵉⵎⵖⵏⴰⵙⵏ ⴷ ⵉⵏⵍⵎⴰⴷⵏ ⴷ ⵉⵎⵔⵣⴰ ⴷ ⵜⵎⵙⵎⵓⵏⵉⵏ ⵉⵙⵡⵓⵔⵔⵓⵏ ⴳ ⵉⴳⵔ ⵏ ⵜⵓⵜⵍⴰⵢⵜ ⴷ ⵉⴷⵍⵙ ⴰⵎⴰⵣⵉⵖ.
ⵜⴰⵖⵓⵍ ⵜⴳⵎⵎⵉ ⵏⵏⵙ ⵜⴳⴰ ⵜⵉⵏ ⵎⵉⴷⴷⵏ ⵙ ⵓⵎⴰⵜⴰ. ⴰⵔ ⵉⵙⵙⴼⵍⵉⴷ ⵉⴳⵍⵍⵉⵏ ⵉ ⴰⴽⴽⵯ ⵎⵉⴷⴷⵏ. ⵍⵎⵓⵜ ⵏⵏⵙ ⵜⵔⵓⵔⴰ ⴰⵖ ⵥⵓⵏⴷ ⵉⴳⵓⵊⵉⵍⵏ. ⴰⵛⴽⵓ ⵉⴳⴰ ⴰⵎⵏⵉⵔ ⵏ ⵓⵎⵓⵙⵙⵓ ⴰⵎⴰⵣⵉⵖ. ⵎⴰⵛⴰ ⵢⵓⴷⵊⴰ ⴷ ⴰⵙⵉⵔⵎ ⴰⴽⵙⵡⴰⵜ, ⴰⵅⴰⵜⴰⵔ, ⴰⵎⵇⵔⴰⵏ.
ⴰⵡⵜⵜⴰⵙ ⵏⵏⵙ ⵜⴳⴰ ⵜⵜ ⵜⴰⵎⵓⵏⵜ ⵏ ⵉⵎⴰⵣⵉⵖⵏ : ⵉⵇⴱⴰⵢⵍⵉⵢⵏ, ⵉⴽⴰⵏⴰⵔⵉⵢⵏ, ⵉⵜⵔⴳⵉⵢⵏ, ⵉⵍⵉⴱⵉⵢⵏ, ⵉⵜⵓⵏⵙⵉⵢⵏ, ⵉⵏⵉⵊⵉⵔⵉⵢⵏ, ⵉⵎⵖⵔⴰⴱⵉⵢⵏ ⴷ ⵉⵎⴰⵣⵉⵖⵏ ⵏ ⴱⵕⵕⴰ.
ⵜⴰⴳⵓⵔⵉ ⴰⴷ ⵏ ⵜⵎⴰⴷⴷⴰⵙⵜ ⵏ ⵙⵓⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵜⴳⴰ ⵢⴰⵜ ⵜⵙⵎⵖⵔⵜ ⵉ ⵢⵉⵎⴰⵏ ⵏ ⵎⴰⵙⵙ ⵎⵓⵃⵎⵎⴷ ⵎⵓⵏⵉⴱ.
ⴰⵔ ⵏⵜⵜⵉⵏⵉ ⵉ ⵜⵡⵊⴰ ⵏⵏⵙ, ⵉ ⵜⵡⴰⵛⵓⵏⵜ ⵏⵏⵙ ⴷ ⴰⵢⵜ ⵓⵅⴰⵎ ⵏⵏⵙ : ⴰⴷ ⴰⵡⵏ ⵉⴱⴷⴷ ⵕⵕⴱⵉ ⴳ ⵓⴷⵖⴰⵔ ⵏⵏⵙ. ⴰⴷ ⵙⵡⵓⵏⴼⵓⵏ ⵢⵉⵎⴰⵏ ⵏⵏⵙ.
ⵜⴰⵏⵎⵎⵉⵔⵜ
