ⴰⵙⴼⵓⴳⵍⵓ ⵙ ⵡⴰⵙⵙ ⴰⴳⵔⴰⵖⵍⴰⵏ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ

ⵙ ⵓⵎⵢⴰⵡⴰⵙ ⵏ ⵓⵙⵉⵔⴰ ⵢⵓⵏⵉⵙⴽⵓ ⴳ ⵕⵕⴱⴰⵟ ⴷ ⵜⵎⴰⵡⴰⵙⵜ ⵏ ⵓⵙⴳⵎⵉ ⴷ ⵜⵎⴰⵡⴰⵙⵜ ⵏ ⵜⴷⵍⵙⴰ ⴷ ⵜⵖⵉⵡⴰⵏⵜ ⵏ ⵜⵎⴰⵙⵙⴰⵏⵜ ⵏ ⵓⵙⴳⵎⵉ, ⵉⵙⴼⵓⴳⵍⵓ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵎⴰⵕⵕⴰ ⵉⵎⴷⵡⴰⵍ ⵏⵏⵙ ⴰⵙⵙ ⴰⴳⵔⴰⵖⵍⴰⵏ ⵏ ⵜⵓⵜⵍⴰⵢⵜ ⵜⴰⵢⵎⵎⴰⵜ. ⵙ ⵓⵣⵎⵣⵣⵓ ⵏ ⵡⴰⵙⵙ ⴰⴷ,  ⵉⵜⵜⵡⴰⴳⴳⵏ ⵙⴰⴷⵓ ⵏ ⵜⵎⴰⵜⴰⵔⵜ ⵏ « ⴰⴷⵍⵉⵙ ⵉⴳⴰ ⵜⴰⵔⵙⵍⵜ ⵉ ⵓⵙⴳⵎⵉ ⵙ ⵜⵓⵜⵍⴰⵢⵜ ⵜⴰⵢⵎⵎⴰⵜ», ⴰⴷ ⵉⵍⵉⵏⵜ ⴳ ⵓⴷⵖⴰⵔ ⵏ ⵓⵙⵉⵏⴰⴳ ⵜⵉⵏⴰⵡⵉⵏ ⵅⴼ ⵜⵓⵜⵍⴰⵢⵉⵏ ⵜⵉⵢⴰⵎⵎⴰⵜⵉⵏ ⴷ ⴽⵔⴰ ⵢⴰⴹⵏ ⵏ ⵜⵉⵍⴰⵍ. ⵎⴰⵏ ⴰⵢⴰ ⴰⴷ ⵢⵉⵍⵉ, ⴰⵙⵙ ⵏ  21 ⴱⵕⴰⵢⵕ 2013 ⴳ ⵜⴷⴰⵍⴰ ⵏ ⵜⵎⵙⵍⵉ ⵖⴰⵔ 15 :00 ⴷⴼⴼⵉⵔ ⵓⵣⴳⵏ ⵡⴰⵙⵙ.

ⵉⴳⴰ ⵡⴰⵙⵙ ⴰⴷ ⴰⴳⵔⴰⵖⵍⴰⵏ ⴰⵙⵙ ⵏ ⵓⵙⵙⵎⵖⵔ ⵙ ⵜⵓⵜⵍⴰⵢⵉⵏ ⵜⵉⵢⵎⵎⴰⵜⵉⵏ ⴷ ⵓⵙⴼⵓⴳⵍⵓ ⵙ ⵓⵎⵢⴰⵏⴰⵡ ⴳ ⵢⵉⴳⵔ ⵏ ⵜⴷⵍⵙⴰ ⴳ ⵓⵎⴰⴹⴰⵍ. ⵉⴳⴰ ⴷⵉⵖ ⵢⴰⵏ ⵡⴰⵙⵙ ⵏ ⵓⵙⴱⴷⴷⵉ ⵏ ⵡⴰⴷⴷⵓⵔ ⵏⵏⵙ ⴳ ⵜⵙⵔⵜⵉⵜⵉⵏ ⵜⵉⵏⴰⵎⵓⵔⵉⵏ ⴷ ⵜⵙⵔⵜⵉⵜⵉⵏ ⵏ ⵜⵉⴳⵎⵉ ⴰⵎ ⵓⵙⴳⵎⵉ ⴷ ⵓⵙⵏⵖⵎⵙ.

ⵉⵙⵎⵓⵏ ⵓⵖⴰⵡⴰⵙ ⴰⴷ:

• ⴰⴽⵛⵛⵓⵎⵜ ⵏⵉⵖ ⵜⵉⵎⵙⵉⴷⴼⵜ ⵅⴼ :

  • ⵜⴰⵏⴰⵡⴰⵢⵜ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ;
  • ⴰⵙⵙⵍⵎⴷ ⵏ ⵜⵎⴰⵣⵉⵖⵜ ;
  • ⴰⵢⴷⴰ ⴰⵎⴰⵣⵉⵖ ⵡⴰⵔⴰⴽⵎⴰⵎ.

• ⵜⵉⵍⴰⵍ ⵢⴰⴹⵏ, ⵣⵓⵏⴷ :

  • ⴰⵎⵣⴳⵓⵏ ⴷ ⵜⵣⵍⴰⵜⵉⵏ ⵏ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ;
  • ⵜⵉⵡⵍⴰⴼⵉⵏ ⵜⴰⵥⵓⵕⵉⵏ ⵏ ⵜⵏⵍⵎⴰⴷⵉⵏ ⴷ ⵉⵏⵍⵎⴰⴷⵏ ⵏ ⵜⵏⵎⵍ ;
  • ⵜⵉⵖⵔⵉ ⵏ ⵜⵣⵍⴰⵜⵉⵏ ⵙ ⵜⵓⵜⵍⴰⵢⵉⵏ ⵏ ⵓⵎⴰⴹⴰⵍ ;
  • ⴰⴼⵙⴰⵔ ⵏ ⵜⵥⵕⵉⵡⵉⵏ ⵏ ⵓⵙⵉⵏⴰⴳ.