ⴰⵙⵎⵖⵔ ⵏ ⵎⴰⵙⵙⴰ ⵜⴰⵙⵄⴷⵉⵜ ⵢⴰⵙⵉⵏ
ⵏⴳⵔ ⵜⵡⵓⵔⵉⵡⵉⵏ ⵜⵉⵎⴰⵙⵙⴰⵏⵉⵏ ⵏⵏⴰ ⵉⵜⵜⴳⴳⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵃⵎⴰ ⴰⴷ ⵢⵉⵙⵉⵏ ⵙ ⵡⴰⵜⵉⴳ ⵏ ⴽⵔⴰ ⵏ ⵡⵓⴷⵎⴰⵡⵏ ⵏⵏⴰ ⵉⵣⵣⴰⵣⵡⵓⵍⵏ, ⵙ ⵜⵢⴰⴼⵓⵜ ⵏⵖ ⵙ ⵜⵖⵏⵙⴰ ⵏⵏⵙⵏ, ⵜⵉⴽⵍⵉ ⵏ ⵓⵙⴱⵓⵖⵍⵓ ⵏ ⵜⵓⵜⵍⴰⵢⵜ ⴷ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵉⵔⴰ ⴰⴷ ⵉⵙⵏⵎⴰⵍⴰ ⵢⴰⵜ ⵜⵉⵏⴰⵡⵜ ⵜⴰⵎⴰⵙⵙⴰⵏⵜ ⵉⵎⵏⵉⴷⵏ ⴰⵙⵎⵖⵔ ⵏ ⵎⴰⵙⵙⴰ ⵜⴰⵙⵄⴷⵉⵜ ⵢⴰⵙⵉⵏ, ⵜⴰⵏⵎⵀⴰⵍⵜ ⵏ ⵜⵖⵓⵔⵉⵡⵉⵏ ⴳ ⵜⵉⵏⵎⵍ ⵏ ⵜⵖⵓⵔⵉⵡⵉⵏ ⵜⵉⵎⴰⵜⵜⴰⵢⵉⵏ ⵏ ⵜⵎⴰⵙⵙⴰⵏⵉⵏ ⵜⵉⵏⴰⵎⵓⵏⵉⵏ ⴷ ⵜⴳⵎⴰⵎⵜ ⴳ ⵓⵙⴰⵔⵎ ⵏ ⵜⵙⵏⴰⴼⴳⴰⵏⵜ ⵜⴰⵏⴰⵎⵓⵏⵜ ⴳ ⵍⴽⵓⵍⵉⵊ ⴷⵓ ⴼⵕⴰⵏⵚ.
ⴰⴷ ⴷ ⵜⵙⵎⵓⵏ ⵜⵉⵏⴰⵡⵜ ⴰⴷ, ⵍⵍⵉ ⵔⴰⴷ ⵢⵉⵍⵉ ⴳ ⵓⵣⴷⴷⵓⵖ ⵏ ⵓⵙⵉⵏⴰⴳ ⵓⵙⵙⴰⵏ ⵏ 28 ⴷ 29 ⵎⴰⵕⵚ ⴰⴷ ⴷ ⵢⵓⵛⴽⴰⵏ, ⵉⵎⵣⵔⴰⵡⵏ ⵏⵏⴰ ⵉⵙⵙⵏⵏ, ⵏⵖ ⵉⵙⵡⵓⵔⵉⵏ ⵏⵖ ⵉⵎⵢⴰⵡⴰⵙⵏ ⴷ ⵎⴰⵙⵙⴰ ⵜⴰⵙⵄⴷⵉⵜ. ⵉⴳⴰ ⵓⵡⵜⵜⴰⵙ ⵏ ⵜⵉⵏⴰⵡⵜ ⵉⴳⴳⵉ ⵏ ⵓⵙⵎⵖⵔ, ⴰⴷ ⵜⵜⵓⵙⵡⴰⵏⴳⵎ ⵜⵜⵓⵙⵎⵏⴷ ⵜⵢⴰⴼⵓⵜ ⵜⴰⵎⴰⵙⵙⴰⵏⵜ ⵏ ⵎⴰⵙⵙⴰ ⵜⴰⵙⵄⴷⵉⵜ, ⵏⵖ ⴽⵔⴰ ⵏ ⵉⵙⵏⵜⴰⵍ ⴷ ⵜⵎⵓⴽⵔⵉⵙⵉⵏ ⵏⵏⴰ ⵅⴼ ⵜⵙⴰⵡⵍ ⴳ ⵜⵡⵓⵔⵉⵡⵉⵏ ⵏⵏⵙ, ⵣⵓⵏ ⴷ ⵜⵉⴽⵉⵕⵉⴹⵜ, ⵉⵙⵢⴰⴼⴰⵜⵏ ⴷ ⵜⵢⴰⴼⵓⵜ ⵜⴰⴷⵍⵙⴰⵏⵜ ⵜⴰⵎⵉⵡⴰⵏⵜ.
