ⵜⴰⴼⵓⴳⵍⴰ ⵏ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ 2963

ⵉⴽⵊⵎ ⵓⵙⴳⴳⵯⴰⵙ ⴰⵎⴰⵣⵉⵖ 2963, ⵉⵎⵎⴰⴳⴳⵉⵔ ⴷ ⵓⵙⴳⴳⵯⴰⵙ ⵏ 1434-1435 ⵏ ⵍⵀⵉⵊⵔ ⴷ ⵓⵙⴳⴳⵯⴰⵙ ⵏ 2013  ⴷⴼⴼⵉⵔ ⵏ ⵜⵍⴰⵍⵉⵜ ⵏ ⵍⵎⴰⵙⵉⵃ. ⵉⴳⴰ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ ⵢⴰⵜ ⵙⴳ ⵜⴼⵓⴳⵍⵉⵡⵉⵏ ⵏ ⵉⵎⴰⵣⵉⵖⵏ ⵉⵍⵍⴰⵏ ⴰⴳⵯⵏⵙ ⵏ ⵜⵎⵓⵔⵜ ⵓⵍⴰ ⵡⵉⵏⵏⴰ ⵉⵍⵍⴰⵏ ⴱⵕⵕⴰ ⵏⵏⵙ. ⵢⵉⵡⴹ ⵓⵙⴳⴳⵯⴰⵙ ⴰⵎⴰⵣⵉⵖ ⴰⵎⴰⵢⵏⵓ 2963. ⵍⵍⴰⵏ ⵡⵉⵏⵏⴰ ⴰⵙ ⵉⵜⵜⵉⵏⵉⵏ « ⵉⵅⴼ ⵏ ⵓⵙⴳⴳⵯⴰⵙ », ⵉⵍⵉⵏ ⵡⵉⵏⵏⴰ ⴰⵙ ⵉⵜⵜⵉⵏⵉⵏ  « ⵉⴹ ⵏ ⵉⵏⵏⴰⵢⵔ », ⵉⵍⵉⵏ ⵡⵉⵏⵏⴰ ⴰⵙ ⵉⵜⵜⵉⵏⵉⵏ  « ⵃⴰⴳⵓⵣⴰ ». ⵜⴰⴼⵓⴳⵍⴰ ⴰⴷ ⵜⴳⴰ ⵜⴰⵇⴱⵓⵔⵜ, ⴰⵔ ⴳⵉⵙ ⵉⵜⵜⵓⵎⵓ ⴽⵓ ⵢⴰⵏ.

ⵜⴰⴼⵓⴳⵍⴰ ⴰⴷ ⵜⵥⵍⵉ ⵙ ⵜⵎⵢⵓⵔⵉⵏ ⴷ ⵜⵖⵔⵎⴰ ⵏ ⵉⵎⴰⵣⵉⵖⵏ, ⴰⵔ ⵜⵎⵎⴰⵍ ⴰⵜⵉⴳ ⵉⵍⵍⴰⵏ ⵖⵔ ⵜⵎⴰⴳⵉⵜ ⵏⵏⵙⵏ. ⵜⵍⵍⴰ ⵜⴼⵓⴳⵍⴰ ⴰⴷ ⵙⴳ ⵓⵙⴳⴳⵯⴰⵙ ⵏ 950 ⴷⴰⵜ ⵜⵍⴰⵍⵉⵜ ⵏ ⵍⵎⴰⵙⵉⵃ. ⴳ ⵡⴰⴽⵓⴷ ⵏⵏⴰ ⴰⴳ ⵢⵓⵎⵥ ⵓⴳⵍⵍⵉⴷ ⴰⵎⴰⵣⵉⵖ ⵛⵉⵛⵓⵏⴳ ⵜⴰⵏⴱⴰⴹⵜ ⴳ ⵜⵎⵓⵔⵜ ⵏ ⵎⵉⵚⵕ.

ⴰⵔ ⵉⵣⵎⵣⵣⵓ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵜⴰⴼⵓⴳⵍⴰ ⴰⴷ ⴽⵓ ⴰⵙⴳⴳⵯⴰⵙ, ⵉⵙ ⵜⴳⴰ ⴰⵢⴷⴰ ⴷ ⵜⵎⵢⵓⵔⵉⵏ ⵜⵉⵎⴰⵣⵉⵖⵉⵏ ⴷ  ⵢⴰⵏ ⵙⴳ ⵉⴼⵔⴷⵉⵙⵏ ⵏ ⵜⵎⴰⴳⵉⵜ ⵏ ⵍⵎⵖⵔⵉⴱ.

• 15H00 :

  ⴰⵙⵏⵓⴱⴱⴳ ⵏ ⵉⵏⴱⴳⵉⵡⵏ

• 5H15 :

  ⵜⴰⴳⵓⵔⵉ ⵏ ⵓⵙⵉⵏⴰⴳ

• 15H30 :

  ⴰⵥⴰⵡⴰⵏ

• 16H30 :

  ⵜⵉⵔⴰⵎ