التطور الحضري لوليلي من الفترة المورية (الأمازيغية) إلى الفترة الإسلامية مساهمة في دراسة مدن المغرب القديم
ⵜⴳⴰ ⵜⵎⴷⵉⵏⵜ ⵏ ⵡⴰⵍⵉⵍⵉ ⵢⴰⵜ ⴳ ⵜⵎⴷⵉⵏⵉⵏ ⵜⵉⵎⵖⵔⴰⴱⵉⵢⵉⵏ ⴱⴰⵀⵔⴰ ⵜⵢⴰⵡⵙⵙⴰⵏⵏⵉⵏ ⴳ ⵓⵎⵣⵔⵓⵢ ⴰⵇⴱⵓⵔ ⵓⵍⴰ ⵡⵉⵏ ⵜⵓⵥⵥⵓⵎⵜ. ⴰⵔ ⴰⵖ ⵉⵎⵎⴰⵍ ⵉⵙⵎ ⵏⵏⵙ ⴰⵎⴰⵣⵉⵖ, ⵣⵓⵏⴷ ⵜⵓⴳⵜ ⵏ ⵉⵙⵎⴰⵡⵏ ⵏ ⵜⵎⴷⵉⵏⵉⵏ ⵏ ⵍⵎⵖⵔⵉⴱ ⴰⵇⴱⵓⵔ, ⵎⴰ ⵙ ⴷ ⵜⵓⵎⴰⵏⵜ ⵜⴰⵙⵎⴷⵉⵏⵜ ⵓⵔⴷ ⵙⵔⵏⵖ ⵜⴽⴽⵉ ⴱⵕⵕⴰ.ⵢⵉⵡⵙ ⵉ ⵡⴰⵍⵉⵍⵉ ⴰⴷⵖⴰⵔ ⵏⵏⵙ ⴰⵙⵜⵔⴰⵜⵉⵊⵉ ⴷ ⵜⵉⵙⵙⵓⴳⵔⴰ ⵜⵉⴷⴰⵎⵙⴰⵏⵉⵏ ⵍⵍⵉ ⴷⴰⵔⵙ , ⵖⵎⴽⴰⵏ ⴰⴼ ⵜⴳⴳⴰ ⵢⴰⵜ ⵜⵎⴷⵉⵏⵜ ⵉⵅⴰⵜⵔⵏ ⴳ ⵉⴼⵓⵙ ⵏ ⵜⴳⵍⴷⵉⵜ ⵜⴰⵎⵖⵔⵉⴱⵉⵜ ⵜⴰⵇⴱⵓⵔⵜ, ⴽⴽⵉⵏⵜⵉⵏ ⵖⵓⵔⵙ ⵡⴰⴷⴷⵓⵔⵏ ⵉⵏⴱⴹⵏ ⴷ ⵉⵙⵔⵜⵉⵜⵏ ⵓⵔⵜⴰ ⵉⵍⵍⵉ ⵍⵉⵙⵍⴰⵎ ⵓⵍⴰ ⵜⵉⴳⵉⵔⴰ ⵏⵙ.
ⴰⴷⵍⵍⵉⵙ ⴰⴷ ⵉⵔⴰ ⴰⴷ ⵉⴼⴽ ⵢⴰⵏ ⵓⵙⵎⵎⴰⵇⵍ ⵅⴼ ⵓⵎⵣⵔⵓⵢ ⵏ ⵜⵎⴷⵉⵏⵜ ⴰⴷ ⵜⴰⵙⵓⵜⵉⵏ ⵏ ⵜⴼⵓⴳⵍⴰ ⵏⵏⵙ, ⵙⴳ ⴰⵣⵎⵣ ⵍⵍⵉ ⴳ ⵜⵜ ⴱⵏⴰⵏ ⵉⵎⴰⵣⵉⵖⵏ ⵉⵇⴱⵓⵔⵏ ⴳ ⵜⴰⵙⵓⵜ ⵜⵉⵙ ⴽⵕⴰⴹⵜ ⴹⴰⵕⴰⵜ ⵏ ⵜⴰⵍⴰⵍⵉⵜ ⵏ ⵍⵎⴰⵙⵉ, ⴰⵔ ⴰⵣⵎⵣ ⵏ ⵉⴳⵍⴷⴰⵏ ⵢⵓⴱⴰ ⵡⵉⵙ ⵙⵉⵏ ⴷ ⵢⵉⵡⵉⵙ ⴱⴰⵟⵍⵉⵎⵓⵙ, ⵏⵣⵔⵉ ⴷ ⵅⴼ ⵜⵎⵉⵜⴰⵔ ⵏ ⵓⵣⵎⵣ ⵍⵍⵉ ⴳ ⵜ ⵉⵏⵏ ⵜⴽⴽⴰ ⵡⴰⵍⵉⵍⵉ ⴳ ⴷⴷⵓ ⵉⴼⴰⵙⵏ ⵏ ⵕⵕⵓⵎⴰⵏ ⴳ ⵜⴰⵙⵓⵜ ⵜⵉⵙⵙ ⵙⵏⴰⵜ ⴷ ⵜⵉⵙⵙ ⴽⵕⴰⴹⵜ ⵍⵍⵉ ⴷ ⵉⴹⴼⴰⵕⵏ ⵜⴰⵍⴰⵍⵉⵜ ⵏ ⵍⵎⴰⵙⵉⵃ.
ⵍⵍⵉⵖ ⴼⴼⵖⵏ ⵕⵕⵓⵎⴰⵏ ⵡⴰⵍⵉⵍⵉ ⵜⴱⴷⴰ ⵜⴰⵙⵓⵜ ⵢⴰⴹⵏ, ⵉⵎⵎⴰⵜⵉ ⴳⵉⵙ ⵡⴰⵎⵎⴰⵏ ⵏⵏⵙ ⵜⴰⴳⵓⵜ, ⵎⴰⵛ ⵜⴰⵎⴷⵉⵏⵜ ⵓⵔ ⵉⴹⵕ ⵡⴰⵜⵉⴳ ⵏⵏⵙ, ⵜⴳⴰ ⵏⵉⵜ ⴷⴰⵖ ⵉⵖⵔⵎ ⴰⵙⵜⵔⴰⵜⵉⵊⵉ ⴳ ⵓⵣⵎⵣ ⵏ ⵍⴰⴷⴰⵔⵉⵙⴰ.
