ⴰⵎⴰⵡⴰⵍ ⴰⵏⵎⵍⴰⵏ
ⵉⴳⴰ ⵓⵎⴰⵡⴰⵍ ⴰⴷ ⵜⴰⵢⴰⴼⵓⵜ ⵏ ⵜⵡⵓⵔⵉ ⵏ ⵉⵎⵔⵣⵓⵜⵏ ⴷ ⵜⵎⵔⵣⵓⵜⵉⵏ ⴳ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ. ⵉⵜⵜⵡⴰⴳⴳ ⵃⵎⴰ ⴰⴷ ⵢⴰⵡⵙ ⴳ ⵓⵙⵙⵍⵎⴷ ⴷ ⵓⵍⵎⵎⵓⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.
ⵉⵙⵎⵓⵏ ⵜⵉⴳⵓⵔⵉⵡⵉⵏ ⵉⵍⵍⴰⵏ ⴳ ⵉⴼⵓⵔⴰⵙ ⵏ ⵓⵙⵉⵏⴰⴳ ⵣⵓⵏ ⴷ:
- ⵉⴷⵍⵉⵙⵏ ⵏ ⵜⵏⵍⵎⴰⴷⵜ ⴷ ⵓⵏⵍⵎⴰⴷ ;
- ⵉⴷⵍⵉⵙⵏ ⵏ ⵜⵙⵍⵎⴰⴷⵜ ⴷ ⵓⵙⵍⵎⴰⴷ ;
- ⵜⴰⵍⵍⴰⵙⵉⵏ ;
- ⵉⵎⴰⵡⴰⵍⵏ ;
- ⵉⵙⵓⵔⴰ ⵓⵏⵏⵉⵖⵏ ;
ⵜⵉⵇⴰⵕⵉⴹⵉⵏ ⵜⵓⴷⴷⵉⵣⵉⵏ. ⵉⴱⴹⴰ ⵓⵎⴰⵡⴰⵍ ⴰⴷ ⵅⴼ ⴽⵕⴰⴹⵜ ⵜⴼⵓⵍⵉⵏ:
- ⵜⴰⵎⴰⵣⵉⵖⵜ - ⵜⴰⵄⵕⴰⴱⵜ - ⵜⴰⴼⵕⴰⵏⵚⵉⵚⵜ ;
- ⵜⴰⴼⵕⴰⵏⵚⵉⵚⵜ - ⵜⴰⵎⴰⵣⵉⵖⵜ - ⵜⴰⵄⵕⴰⴱⵜ ;
- ⵜⴰⵄⵕⴰⴱⵜ - ⵜⴰⵎⴰⵣⵉⵖⵜ - ⵜⴰⴼⵕⴰⵏⵚⵉⵚⵜ.
ⵎⵇⵇⴰⵔ ⵓⵔ ⵉⵙⵎⵓⵏ ⵎⴰⵕⵕⴰ ⵜⵉⴳⵓⵔⵉⵡⵉⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ, ⵏⵜⵜⴰ ⴷ ⵉⵊⵊ ⵏ ⵉⵎⵉⵙ ⴰⴱⵉⴷⴰⴳⵓⵊⵉ ⵉⵜⵜⴰⵡⵙⵏ ⵉ ⵡⵏⵏⵉ ⵜ ⵉⵙⵙⵎⵔⴰⵙⵏ ⴰⴷ :
- ⵔⵎⵙⵏ ⵜⵉⴳⵓⵔⵉⵡⵉⵏ ⵉⵍⵍⴰⵏ ⴳ ⵉⴷⵍⵉⵙⵏ ⵏ ⵓⵙⵙⵍⵎⴷ ⴷ ⵓⵍⵎⵎⵓⴷ;
- ⵍⵎⴷⵏ ⴰⵎⴰⵡⴰⵍ ⴰⵎⴰⵢⵏⵓ ;
- ⵙⴱⵓⵖⵍⵓⵏ ⴰⵎⴰⵡⴰⵍ ⵏⵏⵙⵏ ;
- ⵙⵙⵎⵔⵙⵏ ⴰⵎⴰⵡⴰⵍ ⴷ ⵢⵓⵙⴰⵏ ⴳ ⵓⴼⴰⵔⵙ ⵏⵏⵙⵏ ⴰⵎⵉⵡⴰⵏ ⴷ ⵓⵎⵉⵔⴰⵢ. ⴳ ⵓⵎⴳⴳⴰⵔⵓ,
ⴷⴰ ⵏⵙⵏⵉⵎⵎⵉⵔ ⵇⵇⴰⵃ ⵡⵉⵏⵏⴰ ⵢⵉⵡⵙⵏ ⴳ ⵜⵡⵓⵔⵉ ⴰⴷ ⵙⵍⴰⵡⴰⵏ ⴰⴽⴽⵯ ⵜⵉⵎⵔⵣⵓⵜⵉⵏ ⴷ ⵉⵎⵔⵣⵓⵜⵏ ⵏ ⵡⴰⵎⵎⴰⵙ ⵏ ⵓⵙⵎⵙⴰⵙⴰ ⵏ ⵜⵓⵜⵍⴰⵢⵜ ⴷ ⵡⴰⵎⵎⴰⵙ ⵏ ⵉⵙⵉⴳⴳⵉⵍⵏ ⵉⴷⵉⴷⴰⴽⵜⵉⵜⵏ ⴷ ⵉⵖⴰⵡⴰⵙⵏ ⵏ ⵓⵙⴳⵎⵉ.
