ⴰⵙⴼⵓⴳⵍⵓ ⵏ ⵜⵡⴰⵍⴰ ⵜⵉⵙⵙ 17 ⵏ ⵜⵉⵏⴰⵡⵜ ⵜⴰⴳⵍⴷⴰⵏⵜ ⵏ ⵓⵊⴷⵉⵔ

ⵙ ⵢⵉⵡⵉⵣ ⵏ ⴱⴰⴱ ⵏ ⵡⴰⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴷ ⵡⵉⵙⵙ ⵚⴹⵉⵚ, ⴰⴷ ⴰⵙ ⵉⴼⵔⴳ ⵕⴱⴱⵉ, ⴷ ⵓⵣⵎⵣⵣⵓ ⵏ ⵜⵡⴰⵍⴰ ⵜⵉⵙⵙ 17 ⵏ ⵜⵉⵏⴰⵡⵜ ⵜⴰⴳⵍⴷⴰⵏⵜ ⵏ ⵓⵊⴷⵉⵔ, ⵉⵙⵏⵎⴰⵍⴰ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴽⵉⴳⴰⵏ ⵏ ⵜⵡⵓⵔⵉⵡⵉⵏ ⵙⴳ 15 ⴰⵜ 19 ⴽⵜⵓⴱⵕ 2018.

ⴳ ⵓⵖⴰⵡⵙ ⵏ ⵓⵙⵉⵏⴰⴳ, ⵍⵍⴰⵏⵜ ⵜⵡⵡⵓⵔⴰ ⵉⵏⵏⵓⵕⵥⵎⵏ ⵏⵏⴰ ⴳ ⵉⵎⵎⴰⵍ ⵓⵙⵉⵏⴰⴳ ⵜⵉⵡⵓⵔⵉⵡⵉⵏ ⵉⵙⵙⴽⵔ ⵙⴳ ⵎⴰⵢⴷ ⵉⵜⵜⵓⵣⵎⵣⵣⴰ, ⵜⵉⵍⵉ ⵜⵙⵇⵇⴰⵢⵎⵓⵜ ⵅⴼ ⵓⵣⵓⴳⴳⵣ ⵏ ⵓⵙⵓⴷⴻⴷ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴳ ⵜⵎⵏⴹⴰⵡⵜ ⴷ ⵉⵎⵏⵉⴷⵏ ⵏ ⵓⵙⵎⵔⵙⵍ ⵏⵏⵙ, ⵏⵏⴰ ⴳ ⴰⵎⵓⵏ ⵉⵎⵔⵣⵓⵜⵏ : ⵄⴱⴷⵍⵍⴰⵟⵉⴼ ⵓⵄⵎⵎⵓ, ⵔⴰⵛⵉⴷⴰ ⴱⵏⵎⵙⵄⵓⴷ, ⵃⴰⵙⴰⵏ ⴱⵓⵢⵅⴼ, ⵄⵉⵛⴰ ⴰⵍⵃⵢⴰⵏ, ⵃⵎⴰⴷ ⵀⵔⵣⵏⵏⵉ, ⵄⴱⴷⵍⵍⴰ ⵍⴱⵇⵇⴰⵍⵉ ⴷ ⵃⵎⴰⴷ ⵄⴰⵚⵉⴹ.

ⴳ ⵓⵣⵎⵣⵣⵓ ⴰⴷ, ⵉⵜⵜⵓⴳⴰ ⴰⵡⴷ ⵢⴰⵏ ⵓⵙⵎⵏⵉⴷ ⵉ ⵓⴷⵍⵉⵙ ⵉⵖⵓⴷⴰⵏ ⵏⵏⴰ ⴷ ⵉⵙⵙⴰⴼⵖ ⵓⵙⵉⵏⴰⴳ ⴷ ⵜⵙⵎⵖⵓⵔⵜ ⵉ ⵉⵙⵍⵎⴰⴷⵏ ⵏ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ ⴷ ⵢⴰⵏ ⵓⵙⴰⵔⴰⴳ ⵏ ⵡⴰⵎⵎⴰⵙ ⵏ ⵜⵖⵓⵔⵉⵡⵙⵉⵏ ⵜⵉⵙⵏⵎⴰⵍⴰⵢⵏⵉ ⵅⴼ « ⵜⵎⴰⵣⵉⵖⵜ ⴷ ⵜⵎⴰⵙⵙⴰⵏⵉⵏ ⵏ ⵜⵙⵏⵎⴰⵍⴰⵢⵜ».