ⴰⵙⵙ ⴰⵎⴰⴹⵍⴰⵏ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ

ⵉⵙⵏⵎⴰⵍⴰ ⵡⴰⵎⵎⴰⵙ ⵏ ⵓⵔⵣⵣⵓ ⴰⴷⵉⴷⴰⴽⵜⵉⴽⵉ ⴷ ⵉⵖⴰⵡⴰⵙⵏ ⵉⴱⵉⴷⴰⵖⵓⵊⵉⵢⵏ ⵢⴰⵏ ⵡⴰⵙⵙ ⵃⵎⴰ ⴰⴷ ⵉⵙⵙⵎⵖⵓⵔ ⵉⵙⵍⵎⴰⴷⵏ, ⴳ 16 ⴽⵜⵓⴱⵕ 2018, ⴳ ⵓⵙⵖⵉⵎ ⵏ ⵓⵙⵉⵏⴰⴳ, ⵙ ⵓⵣⵎⵣⵣⵓ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵉⵙⵍⵎⴰⴷⵏ ⴷ ⵜⵙⵍⵎⴰⴷⵉⵏ. ⵜⴰⵡⵓⵔⵉ ⴰⴷ ⵜⵜⵓⴳⴰ ⴳ ⵢⵉⴳⵔ ⵏ ⵓⵣⵎⵣⵣⵓ ⵙ ⵜⵡⴰⵍⴰ ⵜⵉⵙⵙ 17 ⵏ ⵓⵙⴽⵜⵉ ⵏ ⵜⵉⵏⴰⵡⵜ ⵜⴰⴳⵍⴷⴰⵏⵜ ⵏ ⵓⵊⴷⵉⵔ, ⴷⴷⴰⵡ ⵏ ⵜⵎⴰⵜⴰⵔⵜ « ⴽⵓⵍⵍⵓⵜⵏⵖ, ⴰⴼⴰⴷ ⴰⴷ ⵏⵙⴱⵓⵖⵍⵓ ⵜⵓⴳⴳⴰ ⵏ ⵉⵎⴳⴳⵉⵜⵏ ⵏ ⵓⵙⵙⵍⵎⴷ ». ⴰⵙⵎⵖⵓⵔ ⴰⴷ ⵉⵜⵜⵓⴳⴰ ⵉ ⴰⴽⵯ ⵡⵉⵏⵏⴰ ⵢⵉⵡⵙⵏ ⵃⵎⴰ ⴰⴷ ⵜⴰⵎⵥ ⵜⵎⴰⵣⵉⵖⵜ ⴰⴷⵖⴰⵔ ⵏⵏⵙ ⴳ ⵓⵏⴳⵔⴰⵡ ⵏ ⵓⵙⴳⵎⵉ, ⴼⴽⵉⵏ ⴽⵉⴳⴰⵏ ⵉ ⵓⵙⵙⵍⵎⴷ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙ ⵓⵎⴰⵜⴰ.