ⵜⵉⴳⴳⵓⵔⵎⴰ

ⴰⵔ ⵜⵜⴰⵡⵉ ⵜⴳⵓⵔⵉ ⵏ ⵜⴳⴳⵓⵔⵎⴰ ⵙ ⵢⴰⵜ ⵜⵉⵍⴰⵡⵜ ⵉⴼⴼⵖⵏ ⴳ ⵉⵡⵜⵜⴰ ⵏ ⵡⴰⵎⵎⴰⴽ ⵏⵏⵙ ⴰⵎⵣⵡⴰⵔⵓ, ⵣⵓⵏ ⴷ ⴰⴷ ⵜⴳⵜ ⴰⵔⵔⴰⵡ ⵏ ⴽⵔⴰ ⵏ ⵓⴳⵔⵔⴰⵎ, ⵏⵖ ⴰⴷ ⵜⴳⵜ ⴰⵎⵀⵉⵡⵛ ⵏⵖ ⵜⵍⵙⵉⵜ ⵜⴰⵎⴰⵛⴽⵓⵜ ⵏ ⵉⴼⵇⵇⵉⵔⵏ, ⴷ ⵜⵖⴰⵔⴰⵙⵜ ⵏⵏⵙⵏ…, ⴰⵔ ⵜⵙⵏⴰⵍ ⵢⴰⵏ ⵎⵏⵏⴰⵡⵜ ⵏ ⵜⵎⵙⴽⴰⵏⵉⵏ ⵣⴷⵉⵏⵉⵏ ⴷ ⵓⴼⵓⵥⴰⵕ ⵣⵓⵏ ⴷ ⴰⵙⵓⵔⵙ ⵏ ⵓⴳⵔⵔⴰⵎ ⴷ ⵜⵡⴰⵍⵉⵡⵉⵏ ⵏⵖ ⵉⴷⵉⵙⵏ ⵍⵍⵉ ⵉⵜⵜⴰⵎⵥ ⴳ ⵡⴰⵎⵓⵏ, ⴷ ⵉⴷⵖⴰⵔⵏ ⵍⵍⵉ ⴳ ⵜⵜⵓⴳⴰⵏⵜ ⵜⵎⵙⴽⴰⵔⵉⵏ ⵉ ⵉⴳⵯⵔⵔⴰⵎⵏ ⵣⵓⵏ ⴷ ⵉⴷⴱⵏⴰⵏ ⴷ ⵉⴼⵔⴰⵏ ⴷ ⵜⵖⴱⵓⵍⴰ, ⴷ ⵜⵎⵙⴽⴰⵔⵉⵏ ⴷⵉⴷⵙⵏ ⵉⵣⴷⵉⵏ ⵣⵓⵏ ⴷ ⵉⵏⵎⵓⴳⴳⴰⵔⵏ, ⴷ ⵍⵎⵄⴰⵔⵉⴼ ⴷ ⵜⵥⵓⵍⵍⴰ ⴷ ⵉⵙⴳⵯⴰⵔ, ⵙⵍⵍⴰⵖ ⵏⵜⵜⵓ ⵜⵉⵖⴰⵍⵉⵏ ⵉⵜⵜⴰⵡⵉⵏ ⵙ ⵜⴼⵍⵙⵜ ⵙ ⴽⵔⴰ ⵉⵣⴷⵉⵏ ⴷ ⵜⵖⴰⵡⵙⵉⵡⵉⵏ ⴰ. ⵎⵎⴰⵖⵏⵜ ⵜⵡⵉⵙⵉⵡⵉⵏ ⵢⵓⵎⴰ ⵓⴷⵍⵉⵙ ⴰ, ⵉⴱⴷⴷⵏ ⵅⴼ ⵜⵖⴰⵔⴰⵙⵉⵏ ⵏ ⵜⵖⵓⵔⵉ ⴹⴼⵕⵏⵉⵏ ⵉ ⵉⴳⵔⴰⵏ ⵏ ⵜⵎⴰⵙⵙⴰⵏⵉⵏ ⵜⵉⵏⴰⵎⵓⵏⵉⵏ, ⴰⴷ ⴷ ⵙⵙⴰⴳⴳⵯⵏⵜ ⴽⵔⴰ ⴳ ⵜⵎⵙⴽⴰⵏⵉⵏ ⵉⵣⴷⵉⵏ ⴷ ⵜⴳⴳⵓⵔⵎⴰ ⵏⵏⴰ ⴷ ⵉⵜⵜⵢⴰⵙⴰⵢⵏ ⴳ ⵡⴰⵢⴷⴰ ⴰⴷⵍⵙⴰⵏ ⴰⵎⴰⵣⵉⵖ.