ⴰⴳⴰⴷⴰⵣ ⴷ ⵜⵏⴱⴰⴹⵉⵏ ⵜⵉⵣⵔⴼⴰⵏⵉⵏ. ⵜⵉⴼⴰⵡⵉⵏ ⵅⴼ ⵓⵙⵏⴼⵍ ⵏ ⵜⵎⵔⵙⴰⵍ ⵜⵉⵎⵜⵜⵉⵢⵉⵏ ⴳ ⵉⴷⵖⴰⵔⵏ ⵉⵎⴰⵣⵉⵖ

ⵉⵥⵍⵉ ⵡⴰⵎⵎⴰⵙ ⵏ ⵜⵖⵓⵔⵉⵡⵉⵏ ⵏ ⵜⵙⵏⴰⴼⴳⴰⵏⵜ ⴷ ⵜⵙⵏⴰⵎⵓⵏⵜ ⵉⴹⴼⵕⵏ ⵉ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵖⴰⵡⴰⵙ ⵏ ⵜⵡⵓⵔⵉ ⵏⵏⵙ ⴰⵏⴳⴳⴰⵔⵓ, ⴳ ⵓⵎⵔⵏⵓ ⵉⵣⴷⵉⵏ ⴷ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ, ⵉ ⵜⵎⵢⴰⴷⴰⵙⵜ ⵏ ⵡⵓⴷⵎⴰⵡⵏ ⴷ ⵉⵙⵏⴰⵔⴰⵜⵏ ⵏ ⵓⵣⵔⴼ ⴰⵎⵜⵜⵉ ⴳ ⵜⵙⴳⴳⵉⵡⵉⵏ ⵜⵉⵎⴰⵣⵉⵖⵉⵏ. ⵜⵡⴰⵜⵙ ⵜⵣⵔⵡⴰⵜ ⴰ, ⵏⵏⴰ ⴳⴰⵏ ⵢⵉⵎⵔⵣⵓⵜⵏ ⵏ ⵡⴰⵎⵎⴰⵙ, ⴰⵙⵎⴽⵍ ⵏ ⵜⵎⵓⴽⵔⵉⵙⵉⵏ ⵏⵏⴰ ⴷ ⵉⵜⵜⵍⴰⵍⴰⵏ ⴳ ⵜⵎⵢⴰⴷⴰⵙⵜ ⵏ ⵡⵓⴷⵓⵙ ⴰⵣⵔⴼⴰⵏ, ⴷ ⵜⵎⵔⵙⴰⵍ ⵏⵏⵙ ⵜⵉⵏⵜⵜⵉⵢⵉⵏ ⴷ ⵡⵓⴷⵎⴰⵡⵏ ⴰⴽⴽⵯ ⵏ ⵓⵙⵏⴰⵔⴰ ⴷ ⵓⵙⵉⵣⵣⵍ ⵏⵏⵙ ⴰⵣⵎⵣⴰⵏ ⴳ ⵉⵙⴰⵜⴰⵍⵏ ⵎⵏⵏⴰⵡⵏⵉⵏ ⴷⴰⵜ ⴷ ⴷⴼⴼⵉⵔ ⵏ ⵓⴽⵛⵛⵓⵎ ⵏ ⴼⵕⴰⵏⵚⵉⵚ ⵙ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 1912, ⴷ ⵎⴰⵎⵏⴽ ⴰⵙ ⵓⴼⴰⵏⵜ ⴽⵔⴰ ⵏ ⵜⵍⵍⴰⵍ ⴷ ⵜⵎⵔⵙⴰⵍ ⵜⵉⵣⵔⴼⴰⵏⵉⵏ ⵜⵉⵎⵜⵜⵉⵢⵉⵏ ⴰⴷ ⵣⵣⵉⴹⵕⵏⵜ ⵉ ⵉⵙⵏⴼⵍⵏ ⴷ ⵜⴷⵉⵏⴰⵎⵉⵢⵢⵉⵏ ⵏ ⵜⵎⵜⵜⵉⵢⵉⵏ ⵜⵉⵎⴰⵣⵉⵖⵉⵏ.

ⵍⵍⵉ ⴳ ⴰⵔ ⵉⵜⵜⵃⵢⵢⴰⵍ ⵡⴰⵎⵎⴰⵙ ⴰⵙⵓⴼⵖ ⵏ ⵜⵡⵓⵔⵉⵡⵉⵏ ⴰⴷ, ⵉⵙⵡⴰⵏⴳⵎ ⴰⴷ ⵉⵙⵏⵎⴰⵍⴰ ⵢⴰⵏ ⵎⵏⵏⴰⵡⵜ ⵏ ⵜⵏⴰⵡⵉⵏ ⵃⵎⴰ ⴰⴷ ⵉⴱⴹⵓ ⴷ ⵡⵉⵏ ⵉⵔⴰⵏ ⵜⴰⵔⵔⴰⵢⵉⵏ ⵏⵏⴰ ⴹⴼⵕⵏ ⵢⵉⵎⵔⵣⵓⵜⵏ ⴳ ⵜⵣⵔⴰⵡⵜ ⵏⵏⵙⵏ, ⴷ ⴽⵔⴰ ⴳ ⵜⵎⵓⴽⵔⵉⵙⵉⵏ ⵏⵏⴰ ⵥⴹⴰⵏ ⴳ ⵜⵡⵓⵉⵔⵉⵡⵉⵏ ⵏⵏⵙⵏ ⴷ ⴽⵔⴰ ⵏ ⵜⵢⴰⴼⵓⵜⵉⵏ ⵏⵏⴰ ⵓⴼⴰⵏ ⴳ ⵓⴼⵓⵖ ⵏⵏⵙ ⵙ ⵉⵙⵓⵢⴰⵙ. ⵎⴰⴷ ⵢⴰⴷ ⵉⵙⵏⵎⴰⵍⴰ ⵙⵏⴰⵜ ⵏ ⵜⵉⵏⴰⵡⴰⵡⵉⵏ ⵓⵙⵙⴰⵏ ⵏ 15 ⵢⵓⵏⵢⵓ ⴷ 26 ⴽⵟⵓⴱⵕ 2016, ⵉⵔⴰ ⴰⴷ ⴰⵡⵏ ⵉⵖⵔ ⵙ ⵜⵉⵏⴰⵡⵜ ⵢⴰⴹⵏ  ⴰⵙⵙ  ⵏ 23 ⵏⵓⵡⴰⵏⴱⵉⵔ 2016, ⴰⴷ ⵜⵜ ⴳⵉⵏ ⵙⵉⵏ ⵏ ⵢⵉⵎⵣⵔⴰⵡⵏ ⵏ ⵡⴰⵎⵎⴰⵙ, ⵃⵎⵎⵓ ⴱⵍⵖⴰⵣⵉ ⴷ ⵎⵓⵃⵎⵎⴰⴷ ⵓⴱⵏⵄⵍ, ⵅⴼ : « ⴰⴳⴰⴷⴰⵣ ⴷ ⵜⵏⴱⴰⴹⵉⵏ ⵜⵉⵣⵔⴼⴰⵏⵉⵏ. ⵜⵉⴼⴰⵡⵉⵏ ⵅⴼ ⵓⵙⵏⴼⵍ ⵏ ⵜⵎⵔⵙⴰⵍ ⵜⵉⵎⵜⵜⵉⵢⵉⵏ ⴳ ⵉⴷⵖⴰⵔⵏ ⵉⵎⴰⵣⵉⵖ.  

ⴰⴷ ⵜⵉⵍⵉ ⵜⵉⵏⴰⵡⵜ ⴰⴷ ⴳ ⵜⵉⵣⵉ ⵜⵉⵙⵙ ⴽⵕⴰⴹⵜ ⵏ ⵜⴷⴳⴳⵯⴰⵜ ⵖ ⵜⴷⴰⵍⴰ ⵏ ⵜⵉⵏⴰⵡⵉⵏ, ⵜⴰⴷⵓⵍⵉ ⵜⵉⵙⵙ ⴽⵕⴰⴹⵜ.