ⵜⴰⵎⵙⴰⵍⵡⵓⵜ ⵏ ⵜⵏⵡⴰⵉⵏ ⵏ ⵡⴰⵎⵎⵙ ⵏ ⵜⵖⵓⵔⵉⵡⵉⵏ ⵏ ⵜⵙⵏⴰⴼⴳⴰⵏⵜ ⴷ ⵜⵙⵏⴰⵎⵓⵏⵜ ⵅⴼ ⵓⵣⵔⴼ ⴰⵎⴰⵣⵉⵖ, ⴽⵟⵓⴱⵕ ⴷ ⵏⵓⵡⴰⵏⴱⵉⵔ 2016
ⵉⵥⵍⵉ ⵡⴰⵎⵎⴰⵙ ⵏ ⵜⵖⵓⵔⵉⵡⵉⵏ ⵏ ⵜⵙⵏⴰⴼⴳⴰⵏⵜ ⴷ ⵜⵙⵏⴰⵎⵓⵏⵜ ⵉⴹⴼⵕⵏ ⵉ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⵖⴰⵡⴰⵙ ⵏ ⵜⵡⵓⵔⵉ ⵏⵏⵙ ⴰⵏⴳⴳⴰⵔⵓ, ⴳ ⵓⵎⵔⵏⵓ ⵉⵣⴷⵉⵏ ⴷ ⵜⵖⵓⵔⵉⵡⵉⵏ ⴷ ⵉⵔⵣⵣⵓⵜⵏ, ⵉ ⵜⵎⵢⴰⴷⴰⵙⵜ ⵏ ⵡⵓⴷⵎⴰⵡⵏ ⴷ ⵉⵙⵏⴰⵔⴰⵜⵏ ⵏ ⵓⵣⵔⴼ ⴰⵎⵜⵜⵉ, ⵏⵏⴰ ⵉⵜⵜⵓⵙⵙⴰⵏ ⴳ ⴽⵔⴰ ⵏ ⵜⵙⴽⵍⵉⵡⵉⵏ ⵙ ⵍⵄⵓⵔⴼ, ⴳ ⵜⵙⴳⴳⵉⵡⵉⵏ ⵜⵉⵎⴰⵣⵉⵖⵉⵏ. ⵜⵡⴰⵜⵙ ⵜⵣⵔⵡⴰⵜ ⴰ, ⵏⵏⴰ ⴳⴰⵏ ⵢⵉⵎⵔⵣⵓⵜⵏ ⵏ ⵡⴰⵎⵎⴰⵙ, ⴰⵙⵎⴽⵍ ⵏ ⵜⵎⵓⴽⵔⵉⵙⵉⵏ ⵏⵏⴰ ⴷ ⵉⵜⵜⵍⴰⵍⵏ ⴳ ⵜⵎⵢⴰⴷⴰⵙⵜ ⵏ ⵡⵓⴷⵓⵙ ⴰⵣⵔⴼⴰⵏ, ⴷ ⵜⵎⵔⵙⴰⵍ ⵏⵏⵙ ⵜⵉⵏⵜⵜⵉⵢⵉⵏ ⴷ ⵡⵓⴷⵎⴰⵡⵏ ⴰⴽⴽⵯ ⵏ ⵓⵙⵏⴰⵔⴰ ⴷ ⵓⵙⵉⵣⵣⵍ ⵏⵏⵙ ⴰⵣⵎⵣⴰⵏ ⴳ ⵉⵙⴰⵜⴰⵍⵏ ⵎⵏⵏⴰⵡⵏⵉⵏ ⴷⴰⵜ ⴷ ⴷⴼⴼⵉⵔ ⵏ ⵓⴽⵛⵛⵓⵎ ⵏ ⴼⵕⴰⵏⵚⵉⵚ ⵙ ⵍⵎⵖⵔⵉⴱ ⴳ ⵓⵙⴳⴳⵯⴰⵙ ⵏ 1912, ⴷ ⵎⴰⵎⵏⴽ ⴰⵙ ⵓⴼⴰⵏⵜ ⴽⵔⴰ ⵏ ⵜⵍⵍⴰⵍ ⴷ ⵜⵎⵔⵙⴰⵍ ⵜⵉⵣⵔⴼⴰⵏⵉⵏ ⵜⵉⵎⵜⵜⵉⵢⵉⵏ ⴰⴷ ⵣⵣⵉⴹⵕⵏⵜ ⵉ ⵉⵙⵏⴼⵍⵏ ⴷ ⵜⴷⵉⵏⴰⵎⵉⵢⵢⵉⵏ ⵏ ⵜⵎⵜⵜⵉⵢⵉⵏ ⵜⵉⵎⴰⵣⵉⵖⵉⵏ.
ⵍⵍⵉ ⴳ ⴰⵔ ⵉⵜⵜⵃⵢⵢⴰⵍ ⵡⴰⵎⵎⴰⵙ ⴰⵙⵓⴼⵖ ⵏ ⵜⵡⵓⵔⵉⵡⵉⵏ ⴰⴷ, ⵉⵙⵡⴰⵏⴳⵎ ⴰⴷ ⵉⵙⵏⵎⴰⵍⴰ ⵢⴰⵏ ⵎⵏⵏⴰⵡⵜ ⵏ ⵜⵏⴰⵡⵉⵏ ⵃⵎⴰ ⴰⴷ ⵉⴱⴹⵓ ⴷ ⵡⵉⵏ ⵉⵔⴰⵏ ⵜⴰⵔⵔⴰⵢⵉⵏ ⵏⵏⴰ ⴹⴼⵕⵏ ⵢⵉⵎⵔⵣⵓⵜⵏ ⴳ ⵜⵣⵔⴰⵡⵜ ⵏⵏⵙⵏ, ⴷ ⴽⵔⴰ ⴳ ⵜⵎⵓⴽⵔⵉⵙⵉⵏ ⵏⵏⴰ ⵥⴹⴰⵏ ⴳ ⵜⵡⵓⵉⵔⵉⵡⵉⵏ ⵏⵏⵙⵏ ⴷ ⴽⵔⴰ ⵏ ⵜⵢⴰⴼⵓⵜⵉⵏ ⵏⵏⴰ ⵓⴼⴰⵏ ⴳ ⵓⴼⵓⵖ ⵏⵏⵙ ⵙ ⵉⵙⵓⵢⴰⵙ. ⵎⴰⴷ ⵢⴰⴷ ⵉⵙⵏⵎⴰⵍⴰ ⵜⵉⵏⴰⵡⵜ ⵜⴰⵎⵣⵡⴰⵔⵓⵜ ⵏⵏⴰ ⵉⴳⴰ ⵓⵎⵔⵣⵓ ⵔⴰⵛⵉⴷ ⴰⴳⵔⵓⵔ, ⴰⵙⵙ ⵏ 15 ⵢⵓⵏⵢⵓ ⵉⵣⵔⵉⵏ, ⵅⴼ ⵜⵉⴳⵎⵉ ⵏ ⵜⵇⵉⵢⵢⴰⴷⵜ ⴳ ⵉⵎⴷⵡⴰⵏ ⵏ ⵟⴰⵟⴰ ⴷ ⴱⴰⵏⵉ ⴷ ⵎⴰⵎⵏⴽ ⴰⵙ ⵙⵙⴼⵔⵖⵏ ⴽⵔⴰ ⵏ ⵜⵎⵔⵙⴰⵍ ⵜⵉⵣⵔⴼⴰⵏⵉⵏ ⴳ ⵡⴰⵎⵎⴰⴽ ⵏⵏⵙⵏⵜ ⵙⵉⵣⵣⵍⵏ ⵜⵏⵜ ⵃⵎⴰ ⴰⴷ ⴼⵔⴳⵏ ⵜⵉⵏⴰⴼⵓⵜⵉⵏ ⵏⵏⵙⵏ, ⵉⵔⴰ ⵡⴰⵎⵎⴰⵙ ⴰⴷ ⵉⵙⵏⵎⴰⵍⴰ ⵢⴰⵜ ⵜⵎⵙⴰⵍⵡⵓⵜ ⵢⴰⴹⵏ ⵏ ⵜⵏⴰⵡⵉⵏ ⵉⵡⵜⴰⵙⵏ ⴰⵙⵎⵏⵉⴷ ⵏ ⵜⵡⵉⵙⵉⵡⵉⵏ ⵏ ⵉⵎⵔⵣⵓⵜⵏ ⵢⴰⴹⵏ ⵏ ⵡⴰⵎⵎⴰⵙ.
ⴳ ⵎⵏⵉⴷ ⴰ, ⴰⵔ ⴰⵡⵏ ⵉⵇⵇⴰⵔ ⵙ ⵜⵏⴰⵡⵉⵏ ⴰⴷ :
ⴰⵙⵙ ⵏ 26 ⴽⵟⵓⴱⵕ 2016 : ⴰⵙⴰⵜⴰⵍ ⵏ ⵓⵙⵏⵎⴰⵍⴰ ⵏ ⵉⴳⵔ ⴰⵣⵔⴼⴰⵏ ⵉⵎⵜⵜⵉ ⴳ ⵓⵣⵎⵣ ⵏ ⵓⴼⵔⴰⴳ ⴰⴼⵕⴰⵏⵚⵉⵚ ⴷ ⴽⵔⴰ ⵏ ⵡⵓⴷⵎⴰⵡⵏ ⵏ ⵜⵙⵏⵙⵉ ⵏⵏⵙ ⵜⴰⵏⴰⴷⵖⴰⵔⵜ ⴳ ⵍⴰⵟⵍⴰⵙ ⵎⵥⵥⵉⵢⵏ ⴰⵏⴰⵎⵎⴰⵙ, ⵙ ⵜⵡⵉⵙⵉ ⵏ ⵍⵅⴰⵟⵉⵕ ⴰⴱⵓⵍⵇⴰⵙⵎ ⴷ ⵎⴱⴰⵔⴽ ⵡⴰⵏⵄⵉⵎ
ⴰⵙⵙ ⵏ 23 ⵏⵓⵡⴰⵏⴱⵉⵔ 2016 : ⵜⴰⴷⵉⵏⴰⵎⵉⵜ ⴷ ⵓⵎⵓⵜⵜⵉ ⵏ ⴽⵔⴰ ⵏ ⵜⵎⵔⵙⴰⵍ ⵜⵉⵏⴳⵔⴰⵡⵉⵏ (ⴰⵎⴷⵢⴰ ⵏ ⵙⵙⵓⵇ ⴷ ⵓⵏⵃⴽⴰⵎ), ⵙ ⵜⵡⵉⵙⵉ ⵏ ⵃⵎⵎⵓ ⴱⵍⵖⴰⵣⵉ ⴷ ⵎⵓⵃⵎⵎⴰⴷ ⵓⴱⵏⵄⵍ.
ⴰⴷ ⵉⵍⵉⵏⵜ ⵜⵏⴰⵡⵉⵏ ⴰ ⴳ ⵜⵉⵙ ⴽⵕⴰⴹⵜ ⵏ ⵜⴷⴳⴳⵯⴰⵜ, ⴳ ⵜⴷⴰⵍⴰ ⵏ ⵜⵏⴰⵡⵉⵏ ⵏ ⵜⴷⵓⵍⵉ ⵜⵉⵙ ⴽⵕⴰⴹⵜ, ⴰⵣⴷⴷⵓⵖ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ.
