ⴰⵙⵜⴰⵢ ⵏ ⵓⵙⵍⵎⴰⴷ ⵎⵓⵍⴰⵢ ⵃⵎⴰⴷ ⴱⴰⴷⵔⵉ ⵉ ⵜⵏⵙⵙⵉⵅⴼⵜ ⵏ ⵜⵡⴰⵍⴰ 2019 ⵏ ⵜⵙⵎⵖⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ

ⴳ ⵓⵙⴰⵜⵉ ⵏ ⵓⵙⵏⵎⴰⵍⴰ ⵏ ⵜⵙⵎⵖⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵏ ⵓⵙⴳⴳⵯⴰⵙ 2019, ⵉⵙⵙⵉⵅⴼ ⵓⵙⵍⵎⴰⴷ ⵃⵎⴰⴷ ⴱⵓⴽⵓⵙ, ⴰⵏⴱⴷⴰⴷ ⵏ ⵓⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⴰⵙⵙ ⵏ ⴰⵙⵉⵏⴰⵙ 14 ⵢⵓⵍⵢⵓⵣ 2020, ⵢⴰⵜ ⵜⵖⵉⵎⵉⵜ ⵏ ⵜⵡⵓⵔⵉ ⵏⵏⴰ ⴳ ⵜⴰⵎⵓ ⵜⵙⵇⵇⵉⵎⵜ ⵏ ⵜⵙⵎⵖⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴷ ⵜⵙⵇⵇⵉⵎⵜ ⵜⴰⵎⵙⵙⵓⴳⵓⵔⵜ ⵏ ⵓⵙⵉⵏⴰⴳ. ⴳ ⵜⵖⵉⵎⵉⵜ ⴰⴷ, ⵉⵜⵜⵓⴳⴰ ⵓⵙⵎⵏⵉⴷ ⵏ ⵓⵏⵙⵙⵉⵅⴼ ⵏ ⵜⵡⴰⵍⴰ 2019 ⵏ ⵜⵙⵎⵖⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ, ⵎⴰⵙⵙ ⴰⵙⵍⵎⴰⴷ ⵎⵓⵍⴰⵢ ⵃⵎⴰⴷ ⴱⴰⴹⵕⵉ, ⴰⵙⵍⵎⴰⴷ ⴰⵎⵙⴷⴰⵡ, ⴰⵙⵉⵏⴰⵔⵉⵙⵜ ⵉⵙⵡⵓⵔⵔⵓⵏ ⴳ ⵉⴳⵔ ⵏ ⵓⵎⵣⴳⵓⵏ.

ⵉⵍⵓⵍⴰ ⵓⵙⵍⵎⴰⴷ ⴱⴰⴹⵕⵉ ⴳ ⵅⵏⵉⴼⵕⴰ, ⵉⴽⴽⴰ ⴰⵏⵍⵎⴰⴷ ⴳ ⵓⵙⵉⵏⴰⵏ ⵟⴰⵕⵉⵇ ⴱⵏ ⵣⵢⵢⴰⴷ ⴳ ⵓⵥⵕⵓ ⴷ ⴰⵎⵃⴹⴰⵕ ⴳ ⵜⵖⵉⵡⴰⵏⵜ ⵏ ⵜⵙⴽⵍⴰ ⴷ ⵜⵉⵏⵎⵍ ⵜⴰⵏⴰⵎⵓⵔⵜ ⵜⴰⵏⴰⴼⵍⵍⴰⵜ ⴳ ⵕⵕⴱⴰⴹ (1964-1967). ⵉⴳⴰ ⵜⴰⵡⵓⵔⵉ ⵏⵏⵙ ⵏ ⴷⴷⵓⴽⵜⵓⵕⴰ ⵏ ⵓⵡⴰⵏⴽ ⴳ ⵉⴳⵔ ⵏ ⵓⵎⵣⴳⵓⵏ ⴰⵜⵔⴰⵔ ⴳ ⵜⵙⴷⴰⵡⵉⵜ ⵏ ⵙⵜⵕⴰⵙⴱⵓⵔⴳ (ⴼⵕⴰⵏⵙⴰ). ⵉⵙⵡⵓⵔⵔⴰ ⴳ ⵜⵎⴰⵡⴰⵙⵜ ⵏ ⵜⵓⵙⵙⵏⴰ ⴷⴰⵜ ⴰⴷ ⵢⴰⴷⴼ ⵙ ⵜⵣⵓⵏⵉ ⵏ ⵜⵓⵜⵍⴰⵢⵜ ⴷ ⵜⵙⴽⵍⴰ ⵜⴰⴼⵕⴰⵏⵙⵉⵙⵜ ⴳ ⵜⵙⴷⴰⵡⵉⵜ ⵎⵓⵃⵎⵎⴷ 5. ⵉⴳⴰ ⵢⴰⵏ ⵙⴳ ⵉⵙⵍⵎⴰⴷⵏ-ⵉⵎⵔⵣⴰ ⵉⵎⵣⵡⵓⵔⴰ ⵏ ⵜⴳⵍⴷⵉⵜ ⵏⵏⴰ ⵉⵙⴽⵛⵎⵏ ⴰⵎⵣⴳⵓⵏ ⴳ ⵜⵙⴷⴰⵡⵉⵜ ⵜⴰⵎⵖⵔⴰⴱⵉⵢⵜ ⴷ ⵢⴰⵏ ⵙⴳ ⵡⵉⵏⵏⴰ ⵉⵙⴽⴰⵏ ⴰⵙⵉⵏⴰⴳ ⴰⵏⴰⴼⵍⵍⴰ ⵏ ⵜⵥⵓⵕⵉ ⵏ ⴷⵕⴰⵎⴰ ⴷ ⵓⵙⵎⵓⵙⵙⵓ ⴰⴷⵍⵙⴰⵏ (ⵉⵣⴰⴷⴰⴽ) ⴳ ⵕⵕⴱⴰⴹ. ⵢⴰⵎⵓ ⴰⵡⴷ ⴳ ⵓⵙⵓⴼⵖ ⵏ ⵉⵙⴰⵔⵉⵓⵜⵏ ⵉⵏⴰⵎⵓⵔⵏ ⵣⵓⵏⴷ “ⵉⴼⴹ ⴷ ⵢⴰⵏ ⵓⴼⵓⵙ” ⴷ “ⵜⴰⵎⵖⵔⴰ ⵏ ⵉⴷⴰⵎⵎⵏ”. ⵉⵜⵜⵢⴰⵙⵙⵏ ⵉⵙ ⵉⴳⴰ ⴰⵎⵓⵣⴰⵢ ⴷ ⵉⴳⴰ ⴰⵎⵛⵛⵉⵡⵕ ⵖⵓⵔ “ⵉⵙⵉⵙⴽⵓ” ⴷ “ⵢⵓⵏⵉⵙⴽⵓ”. ⴷⴰⵔⵙ ⵜⵉⵔⴰⵎ ⵜⵉⵎⵙⵙⵓⴳⵓⵔⵉⵏ ⴳⴳⵓⵜⵏⵉⵏ: ⴰⵏⵅⴼⴰⵏ ⵏ ⵜⵣⵓⵏⵉ ⵏ ⵜⵓⵜⵍⴰⵢⵜ ⴷ ⵜⵙⴽⵍⴰ ⵜⴰⴼⵕⴰⵏⵙⵉⵙⵜ ⵏ ⵜⵖⵉⵡⴰⵏⵜ ⵏ ⵜⵙⴽⵍⴰ ⴷ ⵜⵎⴰⵙⵙⴰⵏⵉⵏ ⵜⵉⵏⴼⴳⴰⵏⵉⵏ ⵏ ⵕⵕⴱⴰⴹ ⴷ ⴰⵏⴱⴷⴰⴷ ⵏ ⵜⵖⵉⵡⴰⵏⵜ ⵏ ⵜⵙⴽⵍⵉⵡⵉⵏ ⴷ ⵜⵎⴰⵙⵙⴰⵏⵉⵏ ⵜⵉⴼⵏⴳⴰⵏⵉⵏ ⵏ ⵎⵕⵕⴰⴽⵛ. ⵢⴰⵎⵓ ⴰⵡⴷ ⴳ ⵜⵏⵎⵀⴰⵍⵜ ⵜⴰⵥⵓⵕⴰⵏⵜ ⵏ ⵡⴰⵟⵟⴰⵚ ⵏ ⵉⵏⵎⵓⵇⵇⴰⵔⵏ.

ⵉⵙⵙⵓⵙⵎ ⴰⵙⵉⵏⴰⴳ ⴰⴳⵍⴷⴰⵏ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⴰⴷ ⵢⵉⵔⵉ ⵓⵙⵍⵎⴰⴷ ⵃⵎⴰⴷ ⴱⴰⴹⵕⵉ ⴰⴷ ⵉⵙⵙⵉⵅⴼ ⵜⴰⵍⴰⵍⵉⵜ ⵜⵉⵙⵙ 19 ⵏ ⵜⴼⵓⴳⵍⴰ ⵏ ⵜⵉⵏⴰⵡⵜ ⵜⴰⴳⵍⴷⴰⵏⵜ ⵏ ⵓⵊⴷⵉⵔ ⵍⵍⵉ ⵉⵙⵔⵙⵏ ⵜⵉⵔⵙⴰⵍ ⵏ ⵓⵙⵉⵏⴰⴳ ⵏⵏⴰ ⴳ ⵜⵜⵓⴼⴽⵓ ⵜⵙⵎⵖⵓⵔⵜ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ. ⵜⴰⵙⵎⵖⵓⵔⵜ ⴰⴷ ⴰⵔ ⵜⵜⴰⵡⵙ ⵉ ⵓⵙⴱⵓⵖⵍⵓ ⴷ ⵓⵃⵟⵟⵓ ⴷ ⵡⴰⵍⴰⵢ ⵏ ⵜⵓⵙⵙⵏⴰ ⵜⴰⵎⴰⵣⵉⵖⵜ ⵙ ⴰⴽⵯ ⵓⴷⵎⴰⵡⵏ ⵏⵏⵙ, ⴰⵛⴽⵓ ⴰⵔ ⵜⵙⴷⵓⵙ ⵉⵎⵙⵡⵓⵔⵔⴰ ⴷ ⵉⵏⴰⵥⵓⵕⵏ ⵏⵏⵙ.

ⵜⵙⵎⴰⵏ ⵜⵙⵎⵖⵓⵔⵜ ⴰⵏⴰⵡⵏ ⴰⴷ:

1. ⵜⴰⵙⵎⵖⵓⵔⵜ ⵏ ⵓⵙⵓⴳⵔ;

2. ⵜⴰⵙⵎⵖⵓⵔⵜ ⵏ ⵓⵙⵏⴼⵍⵓⵍ ⴰⵙⴽⵍⴰⵏ;

3. ⵜⴰⵙⵎⵖⵓⵔⵜ ⵏ ⵓⵙⵡⵉⵏⴳⵎ ⴷ ⵓⵔⵣⵣⵓ;

4. ⵜⴰⵙⵎⵖⵓⵔⵜ ⵏ ⵓⵙⵓⵖⵍ;

5. ⵜⴰⵙⵎⵖⵓⵔⵜ ⵏ ⵜⵏⵖⵎⴰⵙⵜ ⴷ ⵓⵎⵢⴰⵡⴰⴹ;

6. ⵜⴰⵙⵎⵖⵓⵔⵜ ⵏ ⵓⵙⴳⵎⵉ ⴷ ⵓⵙⵙⵍⵎⴷ;

7. ⵜⴰⵙⵎⵖⵓⵔⵜ ⵏ ⵜⵖⵓⵔⵉⵡⵉⵏ ⴷ ⵓⵔⵣⵣⵓ ⵉⵙⵏⵎⴰⵍⴰⵢⵏ;

8. ⵜⴰⵙⵎⵖⵓⵔⵜ ⵏ ⵡⴰⵔⵔⴰ;

9. ⵜⴰⵙⵎⵖⵓⵔⵜ ⵏ ⵜⵥⵓⵕⵉⵡⵉⵏ ⴳ ⵏⵜⵜⴰⴼⴰ ⴰⵏⴰⵡⵏ ⴰⴷ:

- ⵉⵣⵍⵉ ⴰⵇⴱⵓⵔ;

- ⵉⵣⵍⵉ ⴰⵜⵔⴰⵔ;