المخطوط الأمازيغي في المجال السوسي ، شرح منظومة " تزناﯕت" للحسن التاموديزتي، دراسة وتحقيق وتعريب محمد الهاطي .
ⵉⵜⵜⵓⵙⴽⴰⵔ ⵓⴷⵍⵉⵙ ⴰⴷ ⴰⴼⴰⴷ ⴰⴷ ⵉⴳ ⴰⵢⴷⴰ ⵏⵏⵖ ⵉⵥⵍⵉⵏ ⵙ ⵡⴰⵔⵔⴰⵜⵏ ⴷⴷⵓ ⵏ ⵉⵥⵉⵥⴰⵕⵏ ⵏ ⵜⵉⴼⴰⵡⵜ, ⴰⵛⴽⵓ ⵉⴳⴰ ⵢⴰⵏ ⵓⴳⵣⵣⵓⵎ ⴳ ⵡⴰⵢⴷⴰ ⵏⵏⵖ ⴰⵎⵖⵔⴰⴱⵉ ⵍⵍⵉ ⵉⵜⵜⵢⴰⵙⵙⴰⵏⵏ ⵙ ⵓⵎⵢⴰⵏⴰⵡ ⴷ ⵓⵎⵢⴰⴳⴰⵜ.
ⵉⵇⵇⴰⵏ ⴷ ⴰⵙⵙⴰ ⴰⴷ ⵙⵔⵙ ⵏⵓⵔⵔⵉ, ⵍⵍⵉⴳ ⵉⵍⵍⴰ ⵓⴼⵔⴰⴽ ⵙ ⵜⵓⵚⴽⴰ ⵏ ⵢⴰⵜ ⵜⴰⵎⵓⵏⵜ ⵜⴰⴷⵍⵙⴰⵏⵜ ⵎⵎⵓ ⴳⴳⵓⵜⵏ ⵉⵏⴼⵔⵓⵜⵏ ⵏⵏⵙ ⵎⵎⴽⵛⴰⵎⵏ.
ⵜⴳⴰ ⵜⵎⴷⵢⴰⵣⵜ ⵏ « ⵜⵥⵏⴰⴳⵜ » ⵢⴰⵜ ⵙⴳ ⵜⵎⴷⵢⴰⵣⵉⵏ ⵜⵉⵎⴰⵣⵉⵖⵉⵏ ⵍⵍⵉ ⵙⵓⵍ ⵉⵜⵜⵢⴰⵇⵇⵔⴰⵏ ⴳ ⵜⵉⵏⵎⴰⵍ ⵜⵉⵇⴱⵓⵔⵉⵏ, ⵙⵍⴰⵡⴰⵏⵜ ⴰⴽⴽⵯ ⴷⴰⵔ ⵢⴰⵜ ⵣⵣⴰⵡⵉⵜ ⵜⴰⵊⴰⵥⵓⵍⵉⵜ ⴷ ⵜⵏⴰⵚⵉⵕⵉⵜ ⴷ ⵜⴷⵔⵇⴰⵡⵉⵜ , ⵜⴳ ⵢⴰⵜ ⵜⵖⴰⵔⴰⵙⵜ ⵏ ⵓⵙⵏⴼⵍⴰⵍ ⵙⴽⵔⵏ ⵉⵎⴰⵣⵉⵖⵏ ⵉⵎⵖⵔⴰⴱⵉⵏ, ⵓⵔ ⴷ ⵖⴰⵙ ⴰⴷ ⵃⵙⵓⵏ ⵔⵎⵙⵏ, ⵎⴰⵛ ⵉⵍⵍⴰ ⴳⵉⵙ ⴷⴰⵖ ⵓⵙⵙⵍⴽⵎ ⵏ ⵢⴰⵜ ⵜⵉⵏⴰⵡⵜ ⵜⴰⵙⴳⴷⴰⵏⵜ ⵍⵍⵉ ⵉⴳⴰⵏ ⵜⵉⵏ ⵜⵉⵥⵉⵍⵜ ⴷ ⵜⵖⴰⵔⵉⵡⵉⵏ, ⵉ ⵓⵎⵙⵙⴼⵍⴷ ⵍⵍⵉ ⵎⵓ ⵉⵎⵢⴰⵔ ⵓⵎⴰⵔⵓⵔ ⵏⵏⵙ ⴷ ⵓⴼⵔⴰⵢ ⵏⵏⵙ, ⵜⴰⵢⵔⵉ ⵏ ⵡⴰⵡⴰⵍ ⵉⵥⵉⵍⵏ, ⵉⴽⵜⴰⵔⵏ ⵙ ⵓⵍⵡⴰ ⴷ ⵜⵉⵍⵉⵜ ⵏ ⵜⵎⴰⵜⴰⵔⵜ ⴷ ⵓⵎⵛⴰⵛⴽⴰ ⵏⵏⵙ ⴷ ⵜⵉⵍⴰⵡⵜ ⵜⴰⵏⴰⵎⵓⵏⵜ ⵜⴰⴷⵍⵙⴰⵏⵜ ⵜⴰⴷⵖⴰⵔⴰⵏⵜ.
