ⴽⵓⴽⵔⴰ ⴳ ⵜⵓⵙⵙⵏⵎⵉⵢⵜ ⵜⴰⵎⴰⵣⵉⵖⵜ

ⴰⴷⵍⵉⵙ ⴰⴷ ⵢⴰⵔⴰ ⵎⴰⵙ ⵎⵓⵃⵎⴷ ⵓⵙⵓⵙ, ⵉⴳⴰ ⵢⴰⵏ ⵡⴰⵏⴰⵡ ⵏ ⵓⵙⵎⵓⵏ ⵏ ⴽⵔⴰ ⵏ ⵡⵓⴷⵎⴰⵡⵏ ⵏ ⵜⵓⵙⵙⵏⵎⵉⵢⵜ ⵜⴰⵎⴰⵣⵉⵖⵜ; ⵉⵎⵎⴰⵖ ⴰⴷ ⵉⵙⵙⴰⴳⴳⵯ, ⵙ ⵢⴰⵜ ⵜⵡⵓⵔⵉ ⵏ ⵓⵏⵏⵖⵎⵙ ⴳ ⴽⵔⴰ ⵉⵜⵜⵓⵙⴽⴰⵔⵏ ⵅⴼ ⵜⵖⴰⵡⵙⴰ ⴰ ⵏⵖ ⵙ ⵓⵙⵎⵓⵜⵜⵔ ⵏ ⵡⴰⵍⵍⴰⵙⵏ ⵙⵓⵍ ⵉⵜⵜⵓⵏⵏⴰⵏ, ⵎⴰⵎⵏⴽ ⵙ ⵥⵕⵕⴰⵏ ⵉⵎⴰⵣⵉⵖⵏ ⴰⵎⴰⴹⴰⵍ, ⴷ ⵜⵖⵏⴰⵡⵜ ⵏ ⵉⴳⵏⵡⴰⵏ ⴷ ⵉⵜⵔⴰⵏ ⴷ ⵎⴰⵎⵏⴽ ⵙ ⴷ ⵜⵜⵍⴰⵍⴰⵏ ⵓⵙⵎⴰⵏ, ⵜⵉⴳⵏⵉⵡ ⴷ ⵜⵉⵎⵙⴰⵔⴰ ⵢⴰⴹⵏ ⵏ ⵓⴳⴰⵎⴰ. ⴰⴷⵍⵉⵙ ⴰⴷ ⵉⵎⵎⴰⵖ ⴷⴰⵖ ⴰⴷ ⴷ ⵢⴰⵡⵉ ⴽⵔⴰ ⵉⵣⴷⵉⵏ ⴷ ⵜⵍⴰⵍⵉⵜ ⵏ ⵓⴼⴳⴰⵏ ⴷ ⵜⵓⵙⴽⴰ ⵏ ⵡⴰⵎⵓⵏ ⴰⵏⴼⴳⴰⵏ. ⵉⴳⴳⵉ ⵏ ⵓⵢⴰ, ⵉⵙⵎⴰⵏ ⵙⵓⵍ ⴽⵔⴰ ⵉⵜⵜⵓⵏⵏⴰⵏ ⴳ ⵡⴰⵍⵍⴰⵙⵏ ⴷ ⵓⵎⵎⵉⵢⵏ ⵅⴼ ⵉⵢⵡⴰⵍⵏ ⴷ ⵎⴰⴷ ⴳⴰⵏ ⵡⴰⵎⵎⴰⴽⵏ ⵏⵏⵙⵏ ⴳ ⵜⴷⵓⴳⴰⵎⵉⵏ ⵏ ⵜⵓⵙⵙⵏⵎⵉⵢⵜ ⵜⴰⵎⴰⵣⵉⵖⵜ.