ⴰⵎⴰⵡⴰⵍ ⵏ ⵓⵙⵏⵖⵎⵙ

ⴷⴰ ⵉⵎⵎⴰⵍ ⵓⵎⴰⵡⴰⵍ ⵏ ⵓⵙⵏⵖⵎⵙ, ⴷ ⵉⵙⵙⴰⴼⵖ ⵡⴰⵎⵎⴰⵙ ⵏ ⵓⵙⵎⵙⴰⵙⴰ ⵏ ⵜⵓⵜⵍⴰⵢⵜ, ⵉ ⵉⵏⵖⵎⴰⵙⵏ ⴷ ⵉⵎⵖⵔⵉⵜⵏ ⴰⴽⴽⵯ ⵎⴰⵎⵛ ⵇⵇⴰⵔⵏ ⵙ ⵜⵎⴰⵣⵉⵖⵜ ⵉ ⵉⵙⴽⴽⵉⵏⵏ ⵏⵏⴰ ⵙ ⵜⵜⵎⵢⴰⵡⴰⴹⵏ. ⵍⵍⴰ ⵜⵜⴰⵡⵉⵏ ⵅⴼ ⵓⵢⵏⵏⴰ ⴷⴰ ⵉⵣⵔⵔⵉⵏ ⴳ ⵓⵎⴰⴹⴰⵍ; ⵓⵔ ⵥⵍⵉⵏ ⵖⴰⵙ ⵙ ⵢⴰⵜ ⵜⵖⴰⵡⵙⴰ, ⴰⵢⴰ ⵅⴼ ⴷⴰ ⵏⵜⵜⴰⴼⴰ ⴳ ⵓⵎⴰⵡⴰⵍ ⴰⴷ ⴽⵉⴳⴰⵏ ⵏ ⵉⴳⵔⴰⵏ.
ⵉⵙⵙⵓⴼⵖ ⴷ ⵡⴰⵎⵎⴰⵙ ⵏ ⵓⵙⵎⵙⴰⵙⴰ ⵏ ⵜⵓⵜⵍⴰⵢⵜ ⵣⵉ ⵓⵎⴰⵡⴰⵍ ⴰⴷ ⵙⵉⵏ ⵏ ⵉⴷⵍⵉⵙⵏ, ⵢⴰⵏ ⵏⵜⵜⴰⴷⴼ ⵙⵉⵙⵙ ⵙ ⵜⴼⵕⴰⵏⵚⵉⵚⵜ, ⵡⵉⵙ ⵙⵉⵏ ⵍⵍⴰ ⵏⴽⵛⵛⵎ ⵙⵉⵙⵙ ⵙ ⵜⵄⵔⴰⴱⵜ, ⵏⴰⴼ ⴷⵉⴳⵙⵏ ⵙ ⵙⵉⵏ ⴰⴽⵏⵉⵡ ⵏ ⵜⴳⵓⵔⵉ ⵏⵏⴰ ⵅⴼ ⵏⵔⵣⵣⵓ ⵙ ⵜⵎⴰⵣⵉⵖⵜ.
ⴳ ⵜⴳⵉⵔⴰ ⵏ ⴽⵓ ⴰⴷⵍⵉⵙ, ⵍⵍⴰⵏ ⴽⵕⴰⴹ ⵏ ⵉⵙⴽⴽⵉⵏⵏ: ⵜⴰⵎⴰⵣⵉⵖⵜ ⴷ ⵜⴼⵕⴰⵏⵚⵉⵚⵜ ⴷ ⵜⵏⴳⵍⵉⵣⵜ ⴳ ⵓⴷⵍⵉⵙ ⵏ ⵜⵄⵔⴰⴱⵜ, ⵏⵖⴷ ⵜⴰⵎⴰⵣⵉⵖⵜ ⴷ ⵜⵏⴳⵍⵉⵣⵜ ⴷ ⵜⵄⵔⴰⴱⵜ ⴳ ⵡⵉⵏ ⵜⴼⵕⴰⵏⵚⵉⵚⵜ.