ⵜⵉⵔⵥⵉ

ⵜⵉⵔⵥⵉ

(ⵍⵄⵔⴱⵉ ⵎⵓⵎⵓⵛ)

ⵢⵓⵎⴰ ⵓⴷⵍⵉⵙ ⴰⴷ ⵜⵉⵎⴷⵢⴰⵣⵉⵏ ⵜⵢⴰⵔⴰⵏⵉⵏ ⵙ ⵜⵖⴰⵔⴰⵙⵜ ⵜⴰⵎⴰⵢⵏⵓⵜ, ⵍⵍⵉ ⵓⵔ ⵉⵙⴽⴰⵏ ⴼ ⵉⵙⵇⵇⴰⵍ ⵉⵇⴱⵓⵔⵏ ⵏ ⵓⵎⴰⵔⴳ ⵉⵜⵜⵢⴰⵡⵏⵏⴰⵏ, ⴰⵔ ⴳⵉⵙⵏⵜ ⵉⵙⵉⴳⴳⵉⵍ ⵓⵎⴷⵢⴰⵣ ⴰⴱⵔⵉⴷ ⵏⵏⵙ ⵙⵔⵙ ⵉⵥⵍⵉⵏ ⵖ ⵜⵉⵔⵔⴰ ⵙ ⵜⵎⴰⵣⵉⵖⵜ, ⴰⵔ ⵉⵜⵜⵎⴰⵖ ⴰⴷ ⵢⴰⴼ ⵜⴰⵖⴰⵔⴰⵙⵜ ⵏⵏⵙ ⵖ ⵓⵙⵡⵉⵏⴳⵎ ⵓⵍⴰ ⵖ ⵜⵡⵓⵔⵉ ⴼ ⵜⵓⵜⵍⴰⵢⵜ ⵓⵍⴰ ⵜⵓⵍⴰⴼⵉⵏ ⵍⵍⵉ ⴰⴽⴽⴰⵏⵉⵏ ⴽⵉⴳⴰⵏ ⴷ ⵜⴰⵏⵏⴰⵢⵉⵏ, ⴰⵔ ⵉⵎⵎⴰⵍ ⵓⴷⵍⵉⵙ ⴰⴷ ⵉⵣⴷ ⴱⴰⴱ ⵏⵏⵙ ⵉⵙ ⵉⴳⴰ ⵖ ⵜⴰⵙⵓⵜ ⵜⴰⵎⴰⵢⵏⵓⵜ ⵏ ⵉⵎⴰⵔⴰⵏ ⵍⵍⵉ ⵜⵜⴰⵣⵣⴰⵍⵏⵉⵏ ⴼ ⴰⴷ ⵙⴽⵔⵏ ⵢⴰⵏ ⵓⵥⵎⵎⵓⵥⵥⵍ ⴰⵎⵇⵔⴰⵏ ⵖ ⵓⴱⵔⵉⴷ ⵏ ⵜⵉⵔⵔⴰ ⵙ ⵜⵓⵜⵍⴰⵢⵜ ⵜⴰⵎⴰⵣⵉⵖⵜ.